[MohamedYami]

المشاركة الأصلية كتبت بواسطة PowerRangers عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اسئله جميله واتمنى تتعامل معايا قريب و انا تحت امرك
1 - بص يا باشا انا وبحمد الله بشتغل على ايميلين فى وقت واحد وكل ايميل متسجل عليه 1000 و تقريبا 500 او 600 على الأدريس بوك و بكون فاتح على الأقل اكونتين فى سيرفرين من اللى بشتغل فيهم
وبشتغل لوحدى انا او اخويا عشان الاب بايظ والمطلوب منى انى اركز فى على الأقل 4 او 6 بيحولولى لرصيد على ارقام معينه فى وقت واحد وفى نفس الوقت بحاول انى اركز فى كل دة غير العيال اللى بتحب تستهبل وتقولك انا ححولك
وكل دقيقه يقولوا وصل وصل وصل وصل و غير اللى عايز يرجع اكونته و اللى عندة مشكله وهكذااااااا
عشان كدة كويس جدا انى برد بعد 5 دقايق

2 - انا نفسى فى حاجه بسيطه جدا انى اشتغل اى شغله تكون 8 ساعات و ااخد مرتب شهرى 1000 جنيه
وانا من خلال شغلى هنا مأجل البحث عشان انا حاطط عينى على مبلغ معين نفسى ربنا يكرمنى واكمله
عشان اتجوز الأنسانه اللى انا بحبها من ايام الكليه ادعولى

3 - انا الحمد لله من عائله ميسورة الحال وانا والحمد لله عندى القدرة الماديه انى اعمل كدة لكن بتبقى صعبه
ومعتقدش انى لو جيت طلبت من والدى حيوافق بسهوله

4 - اكتر حاجه محرجه حصلتلى فى حياتى مرة وانا على باب الكليه فى سنه 3 اتعرفت على واحدة وجيت بعديها بيوم
لقيت واحدة قريبه من شكلها وكنت لسه صاحى الصبح و مش شايف قدامى
المهم بعد كدة اكتشفت انها مش هيه واعتذرتلها
وموقف تانى : كل ما اقابل حد وامدله ايدى و ميسلمش عليا

5 - عمرى ما شربت سجاير فى حياتى ولا انا ولا اخويا ولا بابا

6 - انا معنديش سايبر ولا عمرى قعدت فى سايبر انا فى البيت وبشتغل منه واحسن بدل الزحمه ووجع الدماغ والخصوصيه
شكرا يا باشا على الأسئله الجامده ديه وانا مبسوط جدا بيها

بجد انا مبسوط انى عرفت حاجات اكتر عنك اكتر :blb1: و مشكور على الرد على اسئلتى و ان شاء الله يبقى فى تعامل قريب جدا :blb2: بس والله الكلية مطلعة عينى تجارة انجليش و عين شمس ربنا ما يوريك:drb3: