يا جماعة أنا كنت فى الاستاد أنا و اتنين صحابى و لما المتش خلص طلعنا لقينا اتوبيسات خدمة ستار ركبنا واحد رايح جيزة الراجل السواق طلع زملكاوى و ودانا ادام باب خروج الزملكوية و الطريق وقف و الزملكوية كسروا الاتوبيس بالطوب
واحنا كلنا وطينا تحت و الشبابيك كلها اتكسرت والطريق مشى و عدينا بس الناس كلها قعدت تشتم السواق و هو مكنش معبر حد خاااااااالص وفجأة لقيناه بيلف تانى وبيرجع بينا عند الزملكوية فا نطيت أنا وواحد من الاتنين صحابى
والتانى معرفش ينط وأنا وصاحبى دا ركبنا اتوبيس تانى واتكسر هو كمان و نطينا تانى وكل دا منعرفش حاجة عن صاحبنا وهو كمان مكنش معاه موبايل المهم نزلت أنا و صاحبى و لفينا الدنيا كلها كانت خناقات و لقينا اتوبيس عند نادى المقاولين العرب ركبناه و احنا فى الاتوبيس دا لقينا نمرة غريبة بتتصل رد صاحبى لقيناه صاحبنا التانى و قلنا هيقبلنا فى الجيزة و لما وصلنا الجيزة حكلنا اللى حصل معاه .... فى الرد اللى جاى