انا ححكى لكوا واحدة من اكثر قصص الرعب اللى بجد حصلت ليا لوحدى
طبعا انا جتلى منحة من شركة دولية انى ادخل كلية هندسة بريطانية سفرت انجلترا و بعد عدت مشاكل استقرت الجامعة انى اروح فرعها فى ماليزيا لمدة 2 سنتين فقط
وصلت الجامعة فى ماليزيا و كنت بسمع على طول من الطلبة بمختلف جنسيتهم ان المنطقة اللى احنا فيها مملوئة بالجن و فعلا حصل مجموعة حوادث سواء ليا او لغيرى اكدت الكلام دا
المهم انا كلمت واحد زميلى ان احنا ناخد شقة لوحدينا و كدا يعنى و فى يوم اسود من بدايته
رجعت من الجامعة الساعة 3 عصرا للبيت و كان معايا اكل لقيت حوالى 20 ك ل ب مش عارف طلعوا منين و لا فين و اتجمعوا قدام البيت و دا بيدل على ذكائهم ولا ايه بالظبط طبعا انا شوفت كلاب كتير جاية عليا
طلعت اجرى فى مراى و مسمع من سكان امجمع كلهم و جاتلى سرعة معرفش جتلى امتى و فين و ازاى سرعة 100 كيلو فى السرعة لحد ما ربنا و فقنى و طلعت الشقة و انا خلاص بموت لانى كنت شايل الاكل و اللاب توب و و غير اللى فى الشنطة
طلعت الشقة و قولت سلام عليكم وفى صوت رد عليا بجد و بوضوح و عليكم السلام ورحمة الله و بركاته قولت اكيد صاحبى انادى عليه مش بيرد طبعا بدا الرعب سنة صغيرة و قلت دى تهيأأت من الفجعة و الاجهاد
اكلت و بعدين فتحت اللاب توب و ابتديت الشغل اللى عليا لحد الساعة 8 مساءا و سبت اللاب توب و رحت اعمل كوباية نسكافيه و كان زميلى لسه مجاش و رجعت اللاب توب مفتوح عادى قولت انام ساعة و ارجع اكمل اللى عليا و فعلا قفلت عليا باب غرفتى و اللاب توب شغااال
قمت بعد حوالى 45 دقيقة بالظبط ملقتش اللاب توب و لا الشاحن بتاعه بس الشنطة و الفلوس لسه موجودين يعنى متسرقتش روحت فتحت الدولاب جالى حالة ذهول لاقيت اللاب توب موجود و مقفول و الشاحن ملفوف لف يا جدعان اكنوا لسه جاى من الشركة
انا من الرعب طلعت اجرى على واحد زميلى مغربى و هو كان متدين جدا و يعرف فى حكاية الجن و العفاريت اكتر من جدااا
قولتلوا ادينى تفسير للى بيحصل دا غير انه جنى او عفريت حد عندى فى الشقة طبعا هوا لا ارديا اغمى عليه و انا من الرعب قولت انا فيا حاجة و رحت لمجموعة العرب و حكتلهم اللى حصل و اللى انا مش عارف ما هو التفسير لكدا
و كلهم بداءو يضحكوا عليا و يقولوا انى قلبى خفيف
و انا صدقتهم و حصلت الحكاية بنفس السناريو مدة 3 ايام رحت جبت اتنين منهم و قلتلهم انتوا حتباتوا عندى النهاردة و فعلا شافوا اللى بيحصل وواحد منهم بحرينى من الرعب بجد و الله شعروا ابيض
اتصلت بوالدى و حكيتلوا لان والدى يعرف اكتر منى لقيت والدى عندى بعد يومين وراح ادارة المجمع و سئل على الشقة قالولوا ان فى واحد اتقتل فيها من 4 سنين و كان معروف عن القتيل انه شخص منظم جداا موريتانى الجنسية و كان متدين جداااا
انا اول ما سمعت بجد بعيدا عن الرعب محستش بنفسى غير فى ناس بتفوقنى و ناس بتقول دا مات
و طبعا فى التو و اللحظة والدى عامل طلب الغاء للعقد و نقلت فى مكان تانى و الحمد لله مفيش عفريت
بس راجل انزل بعد الساعة 11 بليل
و دى كانت حكايتى مع العفريت الموريتانى اللى كان حخلينى ضيف فى العباسية مول