[_3AbKaRiNoO_]

السؤال الأول :


بجملة واحدة فقط أكتب تعريفاً لكل كلمة من الكلمات التالية :

الوطن: هو أرضى أو أرض أجدادى أو أجداد أجدادى و ده الأصل

الأم: هى نبع المحبه و الحنان "الأم مدرسة إذا أعددتها أعددت شعب طيب الأعراق"

الليل: سكون وهدوء و ساعات بيكون مظلم ومخيف بس الأكيد إن بعد كل ليل مسيره يطلع صبح جديد ينور الكون

الحب: أجمل المشاعر و الأحاسيس اللى خلقها ربنا الحب بكل معانيه الحب الصادق الحب بجد (مش حب الشباب و اللى بيحصل اليومين دول ده مش أسمه حب)

الصمت: الصمت ساعات بيكون ضعف و خوف.. ساعات بيكون كبرياء وترفع.. ساعات بيكون حزن .. وساعات تفكير .. و ساعات بيكون أزبهلال .. وساعات بيكون وقار .. و ساعات بيكون جهل .. وساعات بيكون عدم ثقه بالنفس.. وساعات و ساعات الصمت بيحير دائما فحاول أن تكون صامتا أفضل أن تكون أحمق

المرأة: يعنى الحنان.. و الدفة اللى بتمشى المركب اللى أسمه البيت المرأه يعنى حاجات كتير بس للأسف مبقيتش موجوده فى بنات اليومين دول

الرجل: يعنى العقل .. يعنى الحكيم .. يعنى رب البيت .. أبو العيال .. الرجل مش مجرد حظ واحد أنه أتولد ذكر لأ رجل يعنى مسئوليات كتيره صعب أن الست تتحملها علشان هى حساسه أكتر و علشان عقلها مهما كبر مش هيبى زى الراجل و بردو للأسف مبأش الرجاله فيهم الصفات ديه

الانترنت: أقوى سلاح شوفته فى حياتى ذو حدين بيقولو العلم سلاح و الأنترنت علوووم مش علم الأنترنت إنفتاح أنا لو عليا أنا أحب أرجع لعصر الخيل و القتال بالسيوف و الزراعه بالأيد و معرفش حاجه أسمها أنترنت

الشات: أه الشات من أكبر وسائل تضيع الوقت و من أكبر الوسائل فى عمل الصداقات و من اكبر الوسائل لتعليق البنات و الولاد و من أكبر الوسائل للدعايه و فى المحصله الشات سلبياته أكتر من إيجابياته


السؤال الثاني :

كيف تتخيل العالم دون هذه الأشياء ؟؟

القهوة ( الكافيه ):عادى جدا فى أماكن كتير ممكن الناس تتجمع فيها مش بس القهوه

الحب: مينفعش عالم من غير حب أستحاله ... العالم هيتدمر و هيفنى

يوم العطلة:هممم عادى هنتعود إن الحياه جد و مفيش وقت نضيعه و هيبقى عندنا أهتمام بالوقت أكتر و إزاى نستفيد بيه أخر حاجه

التعليم: عالم من غير تعليم همممم هنبقى كأن واحد بيعمل بازل و قبل ما يكملها يخلص اليوم و يصحى اليوم اللى بعده ناسى كل حاجه و يبتدى من جديد و هكذا يعنى عمرنا ما هنتقدم كان زمننا دلوقتى فى العصر الحجرى أو قبله

النت: أكيد كان هيبقى أحسن بكتير من غير نت .. أه النت سهل علينا حاجات كتير بس أفقدنا حاجات أكتر و خلانا كسولين جدا بدل مننزل المكتبه نجيب 5 كتب و نعد نقرأ علشان نطلع بحث بقينا بس نكتب أسم البحث و يطلعلنا 50 الف بحث نقى و أرزع

الموبايل: لا من غير موبايل كان هيبقى عالم بطىء لأن الموبايل بينقذ أرواح و بسهل حاجات كتير و عيوبه أقل من مزاياه بكتييييييييييييييييييييييييير و كمان ممكن نتحكم فى عيوبه عادى

تجاوبو على كل كلمه لوحدها



السؤال الثالث:

أختر خمسة أعضاء من المنتدى وامنحهم ألقاباً ؟

أسف مش عارف ناس كتير فى المنتدى علشان الناس اللى كنت أعرفهم زمااااااااااان مش موجودين
و اللى موجود منهم يا ناسينى يا أنا اللى ناسيه
(أعتذر عن إعطاء الألقاب)
بس نصيحه للمشرفين انه مش أى موضوع ميعجبعمش يمسحوه لأن العضو بيبقى تعبان فيه أو عاجبه بجد
علشان كده حب ينقل تجربته و خد وقت و نقله مش هاقول من تأليفه بس تعب فيه ولو قليل التعب ده بالنسباله كتير علشان أعد يزبط الفونط و يحط كلمه قبل كلمه و يعمل و يسوى كل ده علشان يطلع موضوع بالنسباله كويس
متجيش انت و تمسحه بالبساطه ديه علشان مكرر سيبو شويه و هو هينزل و يختفى لو موضوع مكرر او قديم
مش منسقه أعمل زى بعض المشرفين المحترمين اللى بيقفو جمب الأعضاء ويساعدوهم علشان مواضيعهم تتزبط

السؤال الرابع :

لو قدر لك أن تدخل السجن فماهي القضية التي تتمنى أن تدخل بها إليه ؟

بعد الشر عليكو يعنى
بس انا مستنى اجابه زكيه منكم

السجن ماهو أنا لو جاوبتك ممكن أدخل السجن
بس أنا هجاوب عادى علشان مش بخاف غير من اللى خالقنى
هيبقى سبب دخولى السجن أنى هقول لمصر و العالم "كفايه... حرام"
هاقولها لـ مبارك و لـ جمال و للحكومه و للشعب و ليكم و ليا و لكل الشباب و البنات لكل حاجه تغظب ربنا
و ساعتها تأكد أنهم هيعتبرونى إرهابى و مجرم حرب و جاسوس و عميل و أى تهمه تانيه مش عارفين جت منين

السؤال الخامس :

في يدك قنبلة يدوية وفي الأخرى وردة حمراء ..
من من الاعضاء ستهديه القنبلة ومن ستهديه الوردة؟

أنا مش هاهديهم لأعضاء انا هاوزعهم على دول
القنبله على إسرائيل
و الورده لفلسطين و ورده للجزائر و ورده للسعوديه و ورده للكويت و ورده لكل دوله فى الوطن العربى كله وبوكيه ورد لمصر أم الدنيا

السؤال السادس :

لو ظهر في البيت بتاعك بترول ..هل ستخبر الدولة أم تختار الصمت ؟
لو مش عايزهم يهدو البيت على دماغى يبقى هسكت
لكن لو مش فارق معايا البيت و عندى غيره هبلغ الدوله طبعا

السؤال السابع :

عاد المتنبي وقصدك لتبحث له عن عمل ماذا ستقترح عليه ؟

المتنبى طبعا الشاعر المشهور جدا
لو حد مكنش مجمع الكلمه يعنى
ههههه طبعا ولا هتلاقى حد يعرف يعنى أيه المتنبى أخرهم يعرفو أنه شاعر و خلاص

كنت هقترح عليه موضوع الزمن و اللى بحصل فيه
و أسيبه هو لوحده هيجيب كل المواضيع التانيه


السؤال الثامن :

لماذا النساء ... مدمنات ثرثرة , هل هي طبيعة أم تمرد ؟
طبيعه مش تمرد بس الطبيعه ممكن تستغل فى التمرد لكن مينفعش التمرد يستغل فى الطبيعه


السؤال التاسع :

لو كنت مرشدا سياحيا في صحراء الربع الخالي
من ستصطحب معك من الاعضاء وتضعه هناك ، ولماذا ؟
محدش



السؤال العاشر :

وجه رسالة لشخص لا يعرفه إلا أنت ؟
"أنا بحبك أوى أوى أوى و نفسى أشوفك"

السؤال الحادى عشر

لماذا تردد الشائعات ؟
أنا لا أردد الشائعات وانت كده بتتهمنى بالظلم
و أنا ممكن مسامحكش على الأتهام بس هعديها

السؤال الثانى عشر:

لماذا لا تؤدى حق الله؟
مين اللى قال أنى مش بأدى حق الله (تانى أتهام)

السؤال الاخير:


لماذا لا تستمع الى اراء الاخرين وتستمع الى نفسك فقط؟
(تالت أتهام) أسلوب مش كويس بتاع الأسئله الموجه بالأتهامات ده
و انا بحب أسمع أراء الأخرين أكتر من سماعى لرأييى أنا
و أحب أسمع رأيك و رأي الأعضاء فى الكلام ده