والله انا معاكو ان جمال الانسب هو فيه مميزات عجبتنى فيه بس فيه مشكله انا خايف منها انا حتكلم عن مميزاته من وجه نظرى وعيوبه
ميزاته هو طموح وعنده فكره كويسه للمستقبل مصر وده باين من خطاباته وكلاماته وشخص واعى ومدرك ومثقف جدا وشاب عصرى اوى فى اسلوبه
اسلوبه فى الخطاب عالى اوى الإقناع و إشعال الحماس والوضوح علشان بفهم كلامه كويس اوى
أسلوب تقبله للنقد و الرد عليه ممتاز وكمان لاحظت حاجه مش بيكلم من ورقه
وكمان لما يتكلم بيتكلم بانسيابية و ارتجالية رغم أنه بيتكلم فى قضايا شتى و مختلفة
عيوبه بقى
الصعود السياسى سريع جدا والمشكله انو مدخلش الساحه السياسيه الا من 5 او 7 سنين تقريبا
والا انا خايف منه من جمال انوه رجل اعمال وانا خايف يحصل تضارب المصالح وخلط المال بالسلطه
ومن عيوبه كمان واللى انا متغاظ منه بشكل شخصى شويه بيتحرك من غير صفه دستوريه بمعنى ان بيحضر جلسات مجلش الشعب
بيقوم جماعات وهيئات بس باى صفه ديه بقى اسمها الكوسه وانا مش بحبها
وكده اكون خلصت جمال قارنه انتو بقى الكلام ده يا جماعه من وجه نظرى وانا مستعد لاى مناقشه او ان قلت حاجه غلط ممكن حد يوضحها
وشكرا ليك اوى للا عمل الموضوع موضوع ظريف
بس انا بقى رائيى الشخصى انتخب الدكتور البردعى وطبعا حقول الاسباب مش حتخب وخلاص زى العبيت كده
انا مع انتخاب دكتور البردعى لان انا مشيت بالمثل الغريق يتعلق بقشايه بمعنى
ان احنا عندنا خلل فى الوزاره والخلل جى من فوق الراس الكبيره ازاى
كامثال بسيط, لما يكون رئيس هيئة الضرائب يتحصل على مرتب مليون جنيه شهريا, ده اكيد فساد فيه وفى وزير المالية (وزير المالية البلطجى على الشعب) ووجود وزير المالية ده اكيد بسبب اى مصلحة بينه وبين الرئيس.
لما مصنع زى مصنع طنطا للكتان يتباع بـ 83 مليون جنيه لرجل اعمال سعودى فى حين ان تقدير ارض المصنع فقط يساوى حوالى 10 مليار جنيه تبقة نصيبة.
لما واحد زى يحي الكومى فى قاعدة مع وزير الأسكان يتحصل على 5 قطع اراضى بأقل من 1/4 تمنه
يعنى ببساطة لو بصينا على المال المسروق, والمال المهدور (زى المستشفيات اللى بتتبنى وتتكلف ملايين وبعدها تتهد عشان طلعت بدون ترخيص)
لو كل ده اتظبط حبقى شعب تمام علشان كده انا وصفت نفسى بالغريق مع انا غواص بس غريق وعاوز اتعلق بالقشايه الا وهى البردعى ممكن يكون من باب التغير