بسم الله الرحمن الرحيم
سلام عليكم ورحمة الله وبركاتة
بداية موفقة ان شاء الله يا تامر وربنا معاك ويقويك
بخصوص عبدالله
استفسار صغير هو انت بتكلم تامر ومرفق صورة بالموضوع على اساس انة مشرف القسم ولا على اساس انة فى جيلد ايجيبت ؟؟
لو مرفق الصورة بالموضوع على اساس انة مشرف القسم فأعتقد انة ملهوش دعوة دة بدة نهائى
تانى حاجة انت لابس كاب يعنى بتلعب بى فى بى لو خرجت واتلم عليك الف واحد يبقى انك تثبت نفسك او ممكن تطلب هيلب من جيلدك يسعدوك
بعدين يا عبدالله انا كماستر جيلد مبا لاى حد للجيلد عندنا يضرب اى حد مدام من برة اليونيون زاى ما مباح عندكم نفس الموضوع
وبعدين نقطة لفل 90 وهما لفل 100 انا شايف فى رد ليك انك بتقول انا لفل 90 وبقتل لفل 100 فبرضوا زاى ما قتلت اللى فات تقدر تقتل دول هما كمان
كمان حاجة صغيرة يا عبدالله انا مش شايف ان الناس غلطت شايفة واحد منافس ليهم فى البى فى بى اكيد هيضربوا
زاى ما بنخرج احنا وبنلاقى جيلدك بيتلم على اتنين تلاتة من عندنا وبيعملوا نفس الوضع
اهم شئ ميكنش فى تلفظ بالفاظ خارجة ودة اهم شئ
لو حد شتم فيك او اهانك تأكد ان مش هيكمل دقيقة واحدة فى الجيلد وهيكون مطرود
اعتبر ان اللى ضربك تركى يا ترى كنت دخل عملت كدة فى منتدى تركى ؟؟
سبب ارفاق صورة بالموضوع يا ترى كل دة علشان من جيلد ايجيبت ؟؟؟؟؟؟
لو كان من جيلد تانى زاى نو واى او ورس انيمى او اى جيلد مصرى كنت عملت وسحبت برنتات لكل دة؟؟
ولا محاولة لأصطياد الأخطاء للجيلد ؟؟
اى مشكلة للجيلد اعتقد ان فى ماستر جيلد يترد علية وهو قادر على أدارة الجيلد كويس الحمد لله واعتقد انى معاك 24 ساعة اون لاين ميل
يعنى سهل كنت تقولى يا ادهم كذا وكذا وحصل كذا وكذا
لكن من الواضح ان فى ناس بتحاول تخلق او تنشئ جو من المشاكل والغرض معروف
اظهار بجاتوا انة عاجز عن أدارة القسم ودى محاولات فعلا غريبة
وبالنسبة لمحمد عيسى فأحب اقولك ان كل واحد بيجى بيغيير فى القوانين واكبر دليل ان حضرتك اول ما مسكت اول حاجة عملتها مسحت قوانينى وعملت قوانين بأسمك ومختلفة تماما عن اللى كنت حاطتها
يبقى اعتقد ان الراجل من حقوا يضع قوانين مدام شايفها فى مصلحةالقسم وهتأدى الغرض
اتمنىىىىىىىىى ان القسم يبقى هادى وانا بحمد ربنا ان الى ماسك القسم راجل كبير سنا وعقلا واحتراما
مشاكل الجيلد فى ماستر جيلد يحلها مش مشرف القسم
لو واحد من جيلد تانى عمل كدة هترفق الصورة برضوا وتقول نفس الكلام ولا علشان من جيلد ايجيبت والمشرف من جيلد ايجيبت ؟؟
مشاكل مشاكل كل شوية مشاكل واهانات واستفزاز وتجريح
كل شوية رد مستفز طيب لية واخرتها ايه ؟؟؟
ياريت فعلا نفصل مشاكل الجيم عن المنتدى
المنتدى لغة تحاور ولقاء العقول والتناقش بين الأطراف للوصول الى المثالية دون المساس والتجريح بأى شخص كان
ربنا يوفق الجميع ويوفق المشرف ويوفق الأعضاء من اصغرهم سنا لأكبرهم سنا من اصغرهم مشاركة لأكبرهم مشاركة
ربنا يوفق الجيلدات المصرية
وربنا يوفق الجميع فى درستة وامتحانتة ونشوف اعضاء القسم هنا افضل ناس فى المنتدى كلوا بأمر الله
ياريت نبقى اسرة واحدة وبجد هفرح جدا اما الكل يكون على قلب رجل واحد وايد واحدة
ولا قدر الله لو فى مشاكل تحتاج مشرف القسم سهل جدا تبعت رسالة خاصة لية وتتنقشوا على الخاص او على الأميل
بحيث القسم يكون واجهة حضارية لينا على مستوى القسم كلوا
اخر حاجة ليا هقولها فى الموضوع بتمنى فعلا من ربنا انة يوفقكم فى الأمتحانات اللى بتمنى فعلا منكم تركزوا فيها افضل من الف جيم
دمتم جميعا فى امان الله
سلام عليكم ورحمة الله وبركاتة