أنهاردة خلاص هذاكر
من انهاردة خلاص هذاكر
خلاص لربي انا هبقي شاكر
أصل علمي طاعة لربي
و نور و هينورلي دربي
_________________
حياتي هيبقي ليها قيمة
متقلش دي أفكار قديمة
العلم فيه حجات عظيمة
أصلي خلاص هقوم و أذاكر
و هكون خلاص لربي شاكر
___________________
في شئ أتولد جوايا
بيقولي يا ابني خلاص كفاية
سنين عشت ملكش غاية
يلا قوم ذاكر معايا
يلا قوم صلي و ذاكر
يلا كون لربك شاكر
________________
متقلش خلاص الوقت فات
متقلش خلاص انا أملي مات
قول هذاكر لحد الممات
قول علمي طاعة لربي
قول علمي نورلي قلبي
_________________
يا أبني علمي ده طريقي
و كتابي فيه هو صديقي
يا سككي خلاص مهما تديقي
بردو هكون لربي شاكر
أصلي خلاص هقوم و أذاكر
___________________
المذاكرة دي شئ جميل
و معايا يجي مليون دليل
أصل المذاكرة دي شئ نبيل
ممكن كمان تكون ثواب
ممكن تحميك من العذاب
و يوميها أكيد هتكون سعيد
يلا قوم و أبدأ من جديد
قوم يلا قوم نذاكر
______________
كمان ليا أصحابي
بيوجهوني لصوابي
بيقلولي العلم خير
بيقولولي كلام كتير
بيقولولي يا أبني فوق
يلا معانا بص فوق
بيقولو بص لغاية نبيلة
صدقني حياتك هتبقي جميلة
أصل علمي طاعة لربي
و نور و بينورلي دربي
_________________
العلم لي معني سامي
شوف خلد كام أسامي
مش هقول لما ابقي فاضي
هحط أملي خلاص قصادي
و الفشل خلاص بقي ورايا
و هرفع للنجاح كل راية
أصلي خلاص هقوم و أذكر
و هكون خلاص لربي شاكر
____________________
لو نجاحي بقي مستحيل
عن طريقي انا مش هميل
لو طريقي كان ألف ميل
بردو هبدأ و أذاكر
أصل علمي طاعة لربي
ده نور و بينورلي دربي
_________________
متقلش ده كلام أغاني
متقلش خالي من المعاني
صدقني خلاص انا رجاع تاني
أذاكر و أرفع روحي و كياني
أصل دي طاعة لربي
و كمان بتنورلي دربي
________________
متقلش دي المذاكرة بَردة
متقلش بكرة قوم أنهاردة
متقلش ده كلام في خيالك
فين برهانك فين دليلك
قولي يلا فين الحقيقة
قول مش هضيع أي دقيقة
صدقني خلاص لقيت البداية
هي دي كل الحكاية
أصل علمي طاعة لربي
و نور و بينورلي دربي
انا خلاص هقوم أذاكر
و لربي انا هبقي شاكر
إن شاء الله هبدأ و أذاكر
مين معايا هيقوم يذاكر؟
مين معايا هيقوم يذاكر؟