بسم الله الرحمن الرحيم
السلام عليكم ورحمة الله وبركاتة
أولا انا قرأت الموضوع اكثر من مرة وارسلتوا لكل أعضاء الجيلد يشاهدوا بحيث يكونوا على بينة ونشاهد ردودهم بجانب ان مينفعش اخد قرار أنفرادى لأن عندنا الجيلد مبنى على اساس الأتفاق كما قال الرسول علية افضل الصلاة والسلام ( وخدوا الأمر شورى بينكم ) وكما قال الله تعالى فى كتابة الكريم ( وشاورهم فى الأمر )
حتى الأن بندرس الموضوع واحنا والله مش معترضين علية
بس زاى ما قال اخونا أستاذ أحمد عصمت اننا فعلا أكتر جيلد اتهان والأهانة كانت من الأخوة المصريين
نبتدى نقطة نقطة موضوع حضرتك
بالنسبة للتدريب والهجوم على البانديت فهى نقطة خاطئة لأن كل مدينة ليها خريطة مختلفة وظروف مختلفة
يعنى هيتم تدريب الجيلد على خريطة البانديت ويجوا يدخلوا هوتان او جنجان هيتصدموا ان الخريطة مختلفة تماما عن اللى هما ادربوا عليها ومن هنا هيحصل أختلال وتشتت وفوضى فى التنظيم
نيجى للنقطة الاخرى حضرتك او استاذ محمود لكل شخص لة مكانة كبيرة عند جاست دريم ولا ننسى ان ابوزياد احد مؤسسى الجيلد وعند احتلال البانديت لأول مرة فى تاريخ الجيلد كان الفضل بعد المولى تعالى لأبوزياد اللى وضع الخطة ولا أحد ينكر ذلك بتاتا
النقطة الأخرى الثالثة وهو المناشدة للجيلدات المصرية
جاست دريم ليس عندها اى اعتراض بالكامل للأنضمام ولكن ,,
اكبر خطأ اننا نتفق على شئ وانام 11 باليل واصحى الصبح الاقى نفسى من غير يونيون واسئل ميدو يقولى اصلهم اتخنقوا ورس انيمى و نو واى مع العلم ان قبلها انزيمى طلب دخولنا واحنا فضلنا اليونيون المصرى وفى الأخر روحنا تيردروب اما ملنقاش فايدة
أحد اعضاء جاست دريم قالها على البريد ليا الموضوع هو هو بشوفوا كل 3 او 4 شهور بس بيختلف صيغتوا وبيختلف اسم كاتب الموضوع ودة فعلا كلام حقيقى
وكل شوية دة شتمنى دة ضربنى ويرجع اليونيون ميكملش 18 ساعة ونرجع نغنى اوبريت الحلم العربى من جديد
ونقول جيلدات ورا جيلدات هتعيش على حلمنا واللى بنشوفوا اليوم مكتوب على اسمنا
نقطة الرابعة لا يوجد اى اختلاف على مين هو ماستر اليونيون لأنها مش فارقة معانا بالعكس ماستر اليونيون بيكون علية ضغط شديد جدا وانة يتواجد دايما لحل المشاكل وبيضع خطط الفورترس وحمل كبير علية احنا فى غنى عنة
خامس نقطة حضرتك كاتب اسماء نكلمك عليها وانا فعلا كلمتك على ريكو ومفيش رد كلمتك على الميل مفيش رد كلمتك على رفايل مفيش رد ..!!
النقطة السادسة واللى صدمتنى بجد كلمة ديول او ذيول كما ذكرت فأحب اقولك احنا مش ذيل لأى حد يا احمد عيب جدا الكلمة دى أحنا مجرناش ورا تيردروب انزيمى نفسوا اللى جرى ورانا ومش محتاجين اننا ندلل على جاست دريم ان يونيون يقبلها
والأولى ان اللى يتطلق عليهم المسمى دة او اللفظ دة المصريين اللى فى ايجلز اما الجيلد اتفكك مفكروش يروحوا جيلد مصرى وراحوا تيوب سناك على رأى واحد من جاست دريم قالها ( ناس زاى القرع بتمد لبرة ) ضحكت بصراحة على المثل وكفايا ان تيوب سناك اتفكك وانهار واصبح 21 واحد والنهردة بقى 50 ورجع كامل والفضل للمصريين اللى دخلوا يبقى دول بقى اللى تقولهم المصطلح دة مش احنا يا أحمد
النقطة السابعة والمقصود بيها الخلافات اعتقد احنا بعاد عن اى خلافات واما اتنشئ اليونيون المصرى سبب انهيارة بعد ساعات خلافات ورس انيمى مع نو واى مش جاست دريم يعنى
النقطة الثامنة وان حكاية جيلد مصرى ياخدها فأحب اقولك شئ ان لو اليونيون اتعمل وفية اربع جيلدات سهل جدااااااااااا ياخد جنجان او هوتان وهتقولى لية , هقولك لأن تيردروب فى اضعف حالاتة وتيوب سناك فى اضعف حالاتة ومنقسمين ويكفى ان فورترس جنجان مبقوش يشتركوا وبقى بيتختلفوا على التسجيل
جنجان فى اضعف حالة ممكن تتخيلها ولولا جاست دريم كانت زمنها وقعت من بدرى من تيردروب وانا بقولها وبعلنها مش غرور ولا ثقة بل بتأكيد الأفعال ان ديستنى شيلد مبقاش بيشارك وان جاست دريم عليها فقط حمل الدفاع عن جنجان
هل تعلم أخى ان الفورترس القادمة جيلد كفيل بأحتلال جنجان لو منظم أداريا والسبب ان يونيون تيردروب هيهاجم هوتان مع الأحتفاظ بجنجان بحيث يجمع بين الأتنين ( صاحب البلين كداب )
والمطلوب ان تيردروب تختار جيلد معاها يدافع عن جنجان فى حين 6 جيلدات تهاجم هوتان لضمان الفوز ( ابقى قبلنى)
وطبعا تيردروب هتختار اللى يدافع معاها ( جاست دريم أو ديستنى شيلد ) لأنهم اكتر جيلدين منظميين
يعنى جنجان سهل اقتنصها جدا فى الحالة دى اقدر اقولك لو اتنشئ يونيون مصرى يخدها وعن ثقة وكل شئ بأمر الله طبعا
نيجى بقى لهوتان اللى معتقد انها هتجيب جولد اكتر والكلام دة فأحب اقول ان الجولد بوتر مش غبى وهيبوت من سمر كاند او دونهانج لان الناس دى اهم شئ عندهم مصلحتهم المادية وشركات الجولد بتسعى لذلك يعنى الجولد هيكون بنفس المستوى وهتفضل جنجان صاحبة الرونق الخاص والمتمييز والتى دائما وابدا تتجة الأنظار ليها
واللى هياخد هوتان ايا كان مين معتقدش ان اليونيون بالكامل فى المرة القادمة هيدافع عنها لأن فى جيلدات هتطمع تروح جنجان يعنى برضوا الدفاع بيعتمد على الكم وليس الكيف
اللى بياخد فورترس يا أحمد مش الاقوى اللى بياخد الفورترس اللى بيكسر اكتر والهمرات متواجدين معاه دة اللى بيخدها
بعدين حضرتك بتقول ابو زياد وحضرتك بتديروا الموضوع ورغم كدة مشفتش مشاركة من استاذ محمود فى الموضوع ..!!
النقط على تعليقات الأعضاء ولكن قبل الرد احنا مش فارقة معانا والله جاست دريم واعضائها فى خدمة اى حد احنا مش عالم انانية وبتفكر فى نفسها بالعكس احنا فى خدمة اى حد وسند ودعم لأى يونيون هيطلبنا معاه مدام فى احترام وتقدير لينا ودة شرط اساسى
كل الردود ليها احترام وتقدير طبعا عندى ونأتى لرد العضو X_LeGand كلامك طبعا سليم لكن حكاية ان جاست دريم مش هتقدر تخرج فأحب اقولك لا والله يا عبدالله مش فارقة معانا لأننا مش بنبص لمصلحتنا لأنها هتبقى انانية مننا وساعتها هيبقى فعلا كل واحد بيفكر فى مصلحتة الشخصية لكن احنا بنرحب بأى شئ وعلى استعداد كامل ليها
تيردروب او تيوب سناك من غير المصريين صفر على الشمال وهما مش من مصلحتهم اتحاد المصريين واكبر دليل انهم مينفعش يجمعوا جيلدين مصرى فى يونيون واحد يقلقوا فعلا من المصريين لأن جيلدتهم نفسها بعيد عن الجيلدات المصرية اغلبها مصريين وموضوع رقم قياسى فى انهيار اليونيون اعتقد انت عارف اننا ملناش سبب فية احنا نمنا وصحينا لقينا نفسنا لوحدنا واليونيون اتفكك نسئل لية ؟؟ يقولوا اصل نو واى و ورس انيمى اتنخقوا مع بعض وكل واحد هدد انة يسيب اليونيون
العضو الفاضل Fire_4_Ever رغم انك فى جيلد اخر لكن فى لحظة شكيت انك متابع معانا شات الجيلد وعارف اللى بيدور فى تفكرنا منكرش ان جاست بتخطط لشئ بس ايه هيا سبها بظروفها ( واستعينوا على قضاء حوائجكم بالكتمان ) حضرتك قولت ان مش هيكون فى جرأة ان يحصل خروج من تيوب سناك لكن جاست ( سبها لوقتها )
نأتى لرد أخونا تايجر __tiger_ الراجل جرب كل شئ بحكم انة قديم فى السيرفر وتأكد ان الموضوع فاشل بكافة المقاييس بس هو الفشل جاى منين اصلا يا ترى من ضعف الجيلدات ؟؟ ولا سوء الأدارة لكل جيلد ؟؟
الفشل نابع من الخلافات الشخصية بين أطراف معينة واكبر دليل انهم لو كانوا متفقين كان زمنهم فى جيلد واحد على الاقل ولا ايه ..!!
نستكمل تعليقات أخى تايجر وهو ان تيوب سناك بدور على مصلتها الشخصية فقط وده هدفهم الحقيقى وهدف كلان سيرفر بالتحديد ( مصلحتى ثم مصلحتى ثم مصلحتى ثم مصلحة الجيلدات الأخرى )
بادرة طيبة ان تايجر يدعم جيلد ورس انيمى انة ينضم لليونيون بس وبعدين ؟؟ هى هى النتيجة لا جديد تحت السماء
اما أخر جزء فالدعوة بتتوجة من تايجر لأشخاص وليست جيلدات لدعمهم فى هوتان يعنى فكرة الأتحاد اعتقد انة غير مقتنع بيها
نأتى لرد أخى الفاضل أحمد عصمت DeathtooAll وهو الأهانة لجيلد جاست دريم من قبل المصريين لعدم ذكر اسمائهم فأحب اقولك يا احمد انهم فعلا مفكيين ومش عارفين هما عايزين ايه بالتحديد لأن ما بنى على باطل فهو باطل
نأتى لرد أخى أحمد ريكو اللى بيطالب بغلق الموضوع وشكلوا اتعقد نفسيا او بيندم انة كتب الموضوع
يا أخى أحمد هل تعلم انى كتبت اكتر من 10 مواضيع بنادى بذلك ورغم ذلك بيفشل لكن محصليش التشائم دة ابدا زيك دلوقتى احب اقولك يكفى شرف المحاولة يا أخى دة انت حتى مصرى يعنى المفروض مفيش حاجة عند المصريين لأننا الشعب الوحيد فى العالم أجمع فى قاموسة لا يوجد كلمة يأس دة المصرى بيصنع المعجزات
وأحب ابشرك ان جاست دريم و ورس انيمى بعد تحدثى مع أخويا زيزو ان فى ترحيب منوا وكمان بيعمل مبادرة مع نو كومنت بس مش معقول هيفضل لوحدة يتكلم لازم دعم منك انت كمان ولا ايه يا ابوحميد
يمكن تنجح فى اللى فشل فية أدهم فى يوم كل شئ فى يد المولى تعالى
نأتى لأخر رد من اخويا احمد عزت ( عذاب الأصدقاء ) ردوا يعتبر رد شامل للجيلد بما انة عضو اساسى بالجيلد وهو ان فى موضوع بنعملوا الأن وخطوة بجد يتطلق عليها ضربة معلم هتكون للمصريين كلهم يعنى مش بندور على مصلحتنا الشخصية وبس بالعكس مصلحة كل المصريين يمكن اعضاء الجيلد كلهم متكتمين جدا حتى ماستر اليونيون نفسوا سئل بدل المرة الف مرة وقال انا عارف انكم بتخططوا لحاجة لكن عاجز انة يعرفها وارجع اقول
( واستعينوا على قضاء جوائجكم بالكتمان )
أخى احمد ريكو جاست دريم على استعداد كامل لخدمة اليونيون المصرى
بس هقولك حاجة اخيرة المرة دى لو فعلا دعمنا اليونيون المصرى وحصل تفكك احنا الجيلد الوحيد هيكون متضرر وساعتها جاست دريم مش هيكون لية قومة تانية وبأيدك انت كتبت شهادة وفاة وانهيار الجيلد وانا هكون فى وش المدفع وهتحمل المسؤلية
لان مستحيل تيردروب هيرضى يرجعنا بعد ما كسرنا قواعدهم وطبعا تيوب سناك من سابع المستحيلات هنكون معاهم لخلفات كبيرة بين الجيلدين ساعتها لو عضو من الجيلد قالى انا خارج ورايح جيلد تانى اسف فى اللفظ هحط حذاء فى فمى ومش هقدر اقولوا شئ ولا اعتراض على قرارة لأنى بأيدى تسببت فى انهيار جيلد يعتبر اقوى جيلد مصرى ومن اقوى الجيلدات فى السيرفر بشهادة الجميع الخصم قبل المتحد معنا
لو وفقتك وقولت على بركة الله وحصل انهيار جيلدى هيعلق ليا المشانق ودة حقهمممممممممم بلا جدال اعطينى ضمانات ولاغيت دلوقتى مشفتش استاذ محمود ابو زياد فى الموضوع رغم انك بتقول انة صاحب الفكرة بالأتفاق معاك
منتظر ضمانات وقواعد اليونيون وعلى فكرة ظهور زياد محمود فى الموضوع هيكون لية عامل مؤثر كبير لسنة وعلاقتة الدبلوماسية
يعنى ننتظر كلمة زياد محمود لأنها هتفرق كتير واعتقد انة الشخص الوحيد القادر على جمع الجيلدات المصرية فى يونيون بحكم علاقتة القوية بكل الجيلدات وانة مساهم فى كل جيلد مصرى بأكونت من اكونتاتة بجانب انة احد مؤسسى جاست دريم
أخر كلامى بلاش فكرة البانديت والتجربة لأن كل مدينة ليها خريطة مختلفة وظروف مختلفة حتى الجيلدات اللى بتشترك بتكون مختلفة
والشئ التانى بدل الكلام على المنتدى وشد وجذب ايه المشكلة انك تكلم تايجر من نو كومنت وتكلم زيزو من ورس انيمى بالأضافة لحضرتك من نو واى ويكون استاذ محمود متواجد كشرط اساسى طبعا لا جدال علية وهتلاقى جاست دريم معاك فى الكونفرث بأدارتها بكل اعضائها كمان لو تحب
جمع الناس فى الكونفرث لأن فى ناس مبقتش تدخل المنتدى وبحيث كمان الموضوع ميفضلش متعلق علشان نحسموا بدرى بدرى كدة علشان كل جيلد يتفرغ لخططوا
لكن انت ترد وانا ارد بعدها بساعة وأخر يرد بعضها بساعتين يبقى مجرد كلام على صفحات المنتدى لا هتقدم ولا هتأخر وهيفضل كلام سلبى
اما أخى احمد عوف قالها ليا ياريت الموضوع دة يتحسم النهردة قبل بكرة لأننا عايزين نركز ومش عايزين نشتت نفسنا ومش عايزين نمشى ورا كلام وليست افعال والراجل عندوا كامل الحق طبعا
واخيرا جاست مستعدة لأى شئ أخى ريكو وفى خدمتكم
دمتم فى امان الله تعالى