الموقع العربي الاول للعبة Silkroad Online - عرض مشاركة واحدة - كلنا هنبنى مصر كلنا هنشتغل وننتج انا صانع للحياه فى حمله صناع الحياه l!fe makers

**_DIDO_** · 12-12-2009, 11:56 PM

ازيكم يا شباب

أتمنى تكونوا بخير وسعاده

انهارده

يوم ما اتولدت الفكره دى فى دماغى

فكره صناع الحياه

طبعا هى مقتبسه فى مضمونها من حمله الداعيه الاسلامى/عمرو خالد

طيب.....
............................

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ايه الحمله دى؟؟

واهدافها ؟؟؟

واحنا عايزين ايه بالظبط؟؟؟؟

بصوا

احنا عاوزين نجدد الامل فى نفوس الشباب بمعنى انك

لو سألت اى واحد فينا دلوقتى

نفسك بعد الكليه تشتغل ايه ؟؟؟

او عاوز تبقى ايه؟؟

طبعا الرد المحفوظ

يا عم ربك يعدينا بس على خير من السنه دى

ربك يسهلها

خليها على الله متشغلش بالك انت بس

والله مانا عارف....!!!!!!

اسمحولى الردود دى محبطه

ليه الشباب محبط ؟؟؟

ليه؟؟

هقولكم انا

عشان بتسمعوا ان مفيش وظائف ممكن يكون حقيقى

ناس مش لا قيه وكل حاجه واسطه وكوسه وفلوس برده اه ممكن

ومن هنا جت فكره حملتنا

حمله صناع الحياه

كل واحد فينا هيفكر بشكل مختلف

ازاى اغير حياتى ؟؟؟؟؟؟؟

تعرفوا ....

وأنا اقسم بالله العلى العظيم.....

ان لو كل واحد حط فى دماغه ان هو اللى هيصلح مصر ويغيرها

وهيتخرج وينحت فى الصخر

ويدوب رجليه من كتر اللف والتعب

وانه يبقى عنده طموح

انا المهندس اللى هعمل كذا واشتغل هنا ...

وانت المحاسب اللى هتتوظف فى البنك الفلانى ومش هتاخد رشوه وتشتغل بما يرضى

الله

لو كل واحد حط هدف فى حياته وعاش عليه......

فى ظرف 10 سنين بالكتير مصر هتقود العالم ........!!!!!

عارف انكم مش مصدقين

بس انتم تقدروا تعملوا كدا

كلنا نقدر

خلى عندكم امل

لو نسبه الشغل فى الشباب 1% بس

يبقى ليه مبقاش انا من 1% دوول؟؟؟

ليه ميبقاش عندى امل؟؟؟؟؟

ولو كل واحد صمم انه يبقى من 1% دوول

هتبقى فرص العمل 100% ...!!!!

انا هبنى حياتى

واصنع مستقبلى

وانت هتبنى...

وانت .... وانت.... وانت....

احنا ياشباب العمود الفقرى للأمه دى

لو العمود الفقرى استقام وانفرد

الأمه طبعا راسها هيبقى لفووق

وبأذن الله

كل واحد هيخش فينا كل فتره عشان يوضح جانب من جوانب الحياه ازاى ممكن يتغير

انا عارف ان دا هتقولوا عليه مجرد كلام

بس الكلام لما يأثر فى نفوس الشباب ويديهم حمااس

يبقى انسى...

قوه مافى بعدها قوه

الخير موجود وهيفضل موجود فى امه محمد صلى الله عليه وسلم ليوم القيامه

بأذن الله

تفاعلات الاعضاء معانا

مستنينكم يا خير جنود الارض

مهما كان

انتم خير جنود الارض