يا جماعة كل الي انا عايزه منكم ان احنا يتصلح حالنا لان باختصار شديد الموضوع احنا ماناش نعمل فيه حاجة
ولو حد فيكم مع احترامي للجميع فايده حاجه ياريت يعمل وميقولش واحنا كمان هنكون معاه
بس الكلام هنا موجه للناس كلها
انتممكن تقدر تعمل ايه فاالمشكلة دية وانت اساسا محروق دمك ع الاخر
تقدر تقولي
طب بلاش
للاستاذ الي بيقول كفاية ضعف
احنا كلنا ضعاف وبتوع كلام وع الفاضي
تقدر تقولي عملنا ايه لما جوي مكس فام اللعبة دي اساء للدين الاسلام ولربنا
طلع قالك احنا اسفين وشكرا
حد فيكم قدر ياخد قرار ... ولا واحد عارفين ليه ؟
لان باختصار شديد احنا ضعاف
والي حصل فالسودان ده شيء طبيعي لاي حد مهدور حقة جوة بلده
يا جماعه انا بقول الكلام ده للانسان الي اكيد فهماني مش لاي حد وخلاص
طول عمرنا بنضرب ونسكت وهنفضل طول عمرنا نضرب وهنسكت لان احنا جبانات في داخلنا
وتقولي ضعاف
طب ممكن اطلب منك طلب " معملتوش بلبلة ليه ساعة ما جوي مكس الله يلعنها عملت الصورة وبعد كده اتأسفت "
تقدر تسيب سيلك رود ؟
وبعدين ماجوي مكس مطلع عينينا فالجيم ومحدش يقدر يفتح عينه فيه
بس الكلام ده جوه لعبة
عارفين كمان المصريين جوه اللعبة مش بيحبوا بعض ولا بيساعدوا بعض ولاحتي في ترابط وده علي مستوي لعبة حقيرة ذيها زي الكورة بالظبط
وهو متش الاهلي والزمالك جاي وشوف ايه الي هيحصل بين المشجعين وتعالي قولي
عايزين نعمل وقفة هههههههههههه
يا جماعة انا الكلام ده بقولة وانا محروق دمي بجد لان احنا عرفنا قيمتنا خلاص احنا ولا حاجه
يبقي طلب اخير نسامح ونكبر ونكون احسن علشان بكرة لما يحصل حاجه عيالك وعيالي يعرفوا يتكلوا ميحسوش بالي احنا حاسين بية دلوقتي لما يقولوا لاء الناس تسمعهم من المحيط للخليج ولما يقولا اه الناس تسقفلهم
يا جماعه الحاكة اتعرفت خلاص احنا مش هنقدر نعمل حاجه يبقي نلتزم بالصلاة و المعاملة الحسنة و نشتغل اكتر واكتر ونقول نشيد الوطن من جوه قلبنا علشان بكرة لما حد زيي يقولك في ايدك ايه تعملة يبقي ترد علية
وانا اسف لاي حاجة قلتها وانا بجد بحب البلد دية وغيران عليها من الاعداء والعرب بس للاسف حاليا مفيش في ايدي حاجه اعملها غير الي انا بعملة ده
تعالوا نحب بعض ونمسك في ايد بعض وننسي اي خلاف ونكبر البلد دي وممكن نبتدي عارفين ازي ننفذ ده جوه اللعبة وبعدين في شارعنا وبعدين فالمحافظة وبعدين يبقي مصر كلها ان شاء الله
والسلام عليكم ورحمة الله وبركاته
اسف للاطالة