هي: حبيبى انت جيت .... ؟
هو: ايوة يا حبيبتى امال خيالى .. انتى مش شايفة اسمى اون لاين ؟ يبقى انا جيت ..ده سؤال يا سوسو ؟
هي: آسفة يا حبيبي .. اصل فرحتى بظهورك طيرت عقلى
ها ...قوللى بقى
عملت ايه امبارح اما بقيت انا اوف لاين ؟
هو: معملتش حاجة ابدا ... قعدت فى رووم اسمع اغانى ..
هي: آه , واظن الست دلوعة كانت موجودة ..
هو: وحياتك كانت موجودة بس عملتلها بلوك ..
هي: ممممم يعنى مكلمتهاش
هو: لا .
هي: ولا حتى هاى .
هو هى سلمت عليا فى الرووم قبل ما اعمللها بلوك وانا عملتلها "بظ "
هي:اها طب كويس
يا ريت تعمللها ديليت خالص من الليست
هو: عينيه يا حبيبتى انتى تؤمرينى بس
الجزء التانى
هو: أخيرا يا حبيبتى اتجوزنا و اتقفلت علينا رووم واحدة
هي: ايوة يا حبيبى أخيرا
بس مال الصوت بيقطع هنا ليه ؟
هو_يا ستى واحنا هانعوز الصوت فى ايه اعملى ميوت
هي: ههههههههه
على رأيك...
هو: باقوللك ايه ؟
هي: ها
هو: عملتى باس وورد للروم , احسن نلاقى الناس جاية
هي:اطمن عملت باس وورد طبعا و لا يهمك
بعدين انت بقيت آدمن البيت
يعنى اى حد مش على مزاجك
باند على طول
هو: اصل انا خايف من الهاكرز
هى: خلاص مانستقبلش اي باتشات من الضيوف
يوم الطلاق
انتى يا ولية ..
ولية
هي: أنا ولية ..
انت ناسى أد ايه حفيت عليا فى الروومات و الماسينجرات ؟
ان كنت ناسى افكرك
هو: كان يوم اسود ياختى يوم ما عملتلك آد "add"
يا ريتنى كنت برب"brb" و لا ديس كونيكت مكنتش شفت خلقتك
هي: نعم نعم
مالها خلقتى .. مش كنت بتموت عشان تشوفنى على الكام
وكل شوية تقوللى فين كامك
هو: كنت أعمى و أضبش و أطرش .. ارتحتى
هي: يا خاين يا غدار
يخونك اللى بيننا؟
ده احنا بيننا روومات و هىء ومىء و دوت و كوم
يخونك الإنفيتات اللى كنت بابعتهالك عشان تبقى جنبى فى الروومات
خلاص نسيت الإيميلات و السهرات
انت أكيد فى مخك فيروس عاوزلك فورمات
بقى يرضيكم ياهووووووووو
ياخدنى أون لاين
يرمينى أوف لاين
منك لله
من النهاردة انت إنفيزيبل فى حياتى
هو: وانتى ريموف بالتلاتة
ههههههههههههههههههههههههههههههههه