اولا شكرا يا زيرو بك على التدبيسة الحلوة دى ^^
_________________________________
midado
اقتباس:
اسمك بالكامل وسنك وعنوانك ولو كان ليك سكن قديم او لو هتغيره قريب ودراستك ومؤهالك الحالى وناوى تكون ايه وحاطط قدام عينك شغلة ايه تستمر فيها ؟؟؟؟؟؟؟؟؟؟؟
|
دة كلة سؤال ؟
اسمى : كارل اقلاديوس شفيق كامل
سنى : 16 سنة ^^
عنوانى : مصر - المنوفية - شبين الكوم ^^
دراستى : لا ارغب فى الاجابة حاليا :D
ناوى اكون : مهندس كومبيوتر
اقتباس:
|
بتفكر فى ايه لو واقف على البحر وقت المغربية ؟؟ دى احلى لحظة عندى ؟؟;)
|
محصلتش معايا بس لو حصلت هفكر انا هاكون عامل ازاى كمان سنة و انا واقف فى نفس الحتة
اقتباس:
|
النســيان نعمــة .. ما الشـيء الذي تتمني ان تنساه للابــد.. واصعب قرار اتخذته ؟؟ :(
|
للاسف اكتر حاجة نفسى انساها علاقة صداقة عملتها - اصعب قرار اتخذتة : موصلتش للدرجة دى
اقتباس:
لو قابلت واحدة وقلبك اتقبض لما شفتها وقلت هى دى اللى هتكون ليا وصممت ومش هتتنازل عن قرارك هتعمل ايه عشان تعرفها وهتضحى بكل حاجة ساعتها ولا هتقول امشى احسن ؟؟
|
حصلت معايا كتير بس بقول امشى احسن ^^
اقتباس:
|
ايه اكتر حاجة بتضايقك فى شخصيتك ؟؟
|
العصبية الزايدة و السريعة 
اقتباس:
|
مين بنظرك يعمل مجهود بالمنتدى ومين مقصر بصراحة بكل نوع - عضو - مشرف ؟
|
اللى بيعمل مجهود : اللى بجد بيحب المنتدى و بيجتهد علشانة سواء مشرف - عضو
اللى مقصر : العضو و المشرف اللى مش حاسس بواجبه تجاه المنتدى و الاصحاب اللى عرفها فى المنتدى
تحياتى يا ميدا :D
__________________________________________________ _
0MARVEN0
مابعرفش اعووم !!!
بيتهيالى انى هانقذ اختى لان الدم عمرة ما يبقى مية و بردو لو فى فرصة احاول انقذ حبيبتى
اية المواقف الرذلة دى
تحياتى يا محمد
__________________________________________________ __
xlegendx
اقتباس:
|
متى تــــكون سعيــداً..؟؟
|
ساعة لما اضحك من قلبى !!
سؤال غريب ؟؟؟!
اقتباس:
|
هل صــادفك موقف محــرج.. ولم تفعــل شئ سوا الهروب أو الانسحــاب من الموقف بهدوء ..؟؟
|
مابحبش اهرب من حاجة مهما كانت
اقتباس:
|
احينــاً يعتقد ان الصديق الافضل يأتى من وليدة تجــارب عديدة .. ما وجهه نظــرك فى الموضوع ده ...؟؟
|
اكيد مظبوط صح صح - و اسال مجرب - صدقنى معدن الصديق مابيبنش غير مع كذا تجربة
اقتباس:
|
مش حتكلم عن الحب والكلام ده.. ولو انتا مقتنع بيــه ..هل تتمنى أن تتجوز عن حب أم الجواز التقليدى..؟؟
|
اكيد عن حب ... علشان لو مش عن حب الدنيا مش هاتتظبط قداام
اقتباس:
|
عبــر عن شخصيتــك ب 3 كلمـــات فقط تعتقد انهــا توضح من هــوا أنت ...؟؟
|
عصبى-مزاجى-يمكن صاحب صاحبه
__________________________________________________ ____
UN_Wanted
اقتباس:
إنزلنا كدا يا كارل بالبطاقه الشخصيه .
|
مكرر
اقتباس:
|
إيه أكتر أكله و إيه أكتر مشروب بتحبه ؟
|
اكتر اكله بحبها : الاكلات البحرية و خصوصا الجمبرى المقلى ^^
اكتر مشروب بحبه : للاسف مافيش حاجة معينة بس ممكن تقول - ال 7up الدايت *احلى من العادية*
اقتباس:
|
3- ما هى هواياتك وطموحاتك واهدافك واحلامك ؟
|
معظم هواياتى و طموحاتى متعلقة بالجهاز اللى بكلمك منه
هواياتى : تصميم المواقع - المنتديات - القراءة
طموحاتى : اكون مهندس كمبيوتر او صيدلى *للحفاظ على مهنة العائلة*
اقتباس:
|
ماذا تشجع الاهلى ام الزمالك ؟
|
اكيد الاهلى نادى القرن يا قلبى
اقتباس:
|
نيجى بقى للسؤال الحرج : هل تعيش قصة حب حاليا لو اه احكيلنا لو لا لا ليه ؟
|
لا .... مش عارف يمكن مش لاقى الشخص اللذيذ ^^
صاحبى الجديد و عايزة اعرفوا اكتر و نبقى اصدقاء و هوا اكيد راجل محترم
نفس اللى قولته على بينك * الاتنين دفعة واحدة ^^*
راجل بجد و صاحب صاحبة و صاحب احلى مزحة و بجد فخور انى عرفته
صاحبى و حبيبى و طيب و راجل تمام و هوا اللى بيسال دلوقت
حبيب قلبى و اللى دبسى التدبيسة السودة دى و راجل زى الفل
أ/نبيل فخور انى عرفتة و كلمته و وطدنا علاقتنا ببعض اكتر
عمور صاحبى و حبيب الملاين بس لسة ماعرفتوش اوى ^^
خلودة راجل عسل و بورسعيدى خفيف الدم و الظل و احسن واحد عرفته
اخويا - صاحبى - صديقى - زميلى - حبى راااااااجل فوق الوصف بجد عععععععععععع