السلام عليكم ورحمة الله وبركاته..
ازيكوا يا رجاله اخباركوا ايه؟؟ والله كلكوا واحشنى .. وبالذات جاجوار مش بشوفك كتير الايام دى ليه؟؟ يارب يكون خير..!!
وانت يا تيمو بسم الله ماشاء الله عليك .. الناس كلها عرفت مين هو BRO_TAMIM والله حنى الناس اللى معايا فى الجيلد الجديد كلها بيكلمونى عليك وحتى الهناتر صاحبى لفل 72 كل شويه يقولى فين TAMIM علشان نطلعه تريد .. الناس كلها معجبة بروحك فى التريد .. مش زى ناس تانية تخسر تريد تقوم تحمل الهنتر الليله كلها..
اما بخصوص كريم واللى حصل
اولا يا كريم موضوع الصن ..
انا معرفش القصه الحقيقية للموضوع وفيه ناس كتير بتتكلم فى الموضوع وكل واحد ليه قصه غير التانيه .. انا بس كل اللى عرفه من تميم عن طريق حسام .. وكمان Travolta دا صاحبى .. اكيد سمعت عن الاسم ده .. انا اتخانقت معاه علشانك والله وانا كلمتك وقولتلك قصر الموضوع ده علشان اللى كان بيحصل والناس اللى كانت بتشتم فى ربنا .. انا كنت بمسك كل واحد بيغلط فيك واعلمه الادب .. انت تعرف ان المصريين سمعتهم بقت زفت اوى .. ولازم احنا اللى نصلح الصوره دى ..
انا مش عايزك تزعل منى لاى سبب من الاسباب مهما كان .. انا والله بعمل اى حاجه علشان سمعت مصر والمصريين .. يمكن تقرا كلامى تضحك عليه .. بس انا حس الوطنيه عالى شويه عندى فى اللعبه دى بالذات ..
اتمنى انك تكون فهمتنى .. وانا Mr_ON دا كنت اعرفه من زمان اوى والله قطعت علاقتى بيه علشانك وعلشان كان بيغلط فيك ..
انا عمرى ما اتنكت على اى حد مهما كان مصرى او اجنبى .. وبرد على اى حد =)
ثانيا الف الف مبروك على الهنتر .. وكمان على البو الصن وال ليجز والهاند وعقبال باقى ال set
وياريت متكونش فهمت كلامى غلط ..
يا تيميم انا فى كايرو وعايز اقابلك بس موبيلك غير موجود بالخدمة .. معرفش انا اخدت الرقم غلط من حسام ولا ايه بالظبط .. ويمكن كمان نتقابل قبل ما تقرا الكلام ده ..