رغم الموضوع في الدرادو لكن هشارككم رأيي وارد عليكم :)
انا كل اللى صرفته على الجيم دي مايكملش 1000 جنيه ودي حاجة بحمد ربنا بجد عليها....
اول اكونت مسكته كان جلايفر .. كنت بشحن اما كان العشرة مليون بي 15 جنيه عندنا..اه لعبت ايام الرخص عشان انا مش قديم في سيلك رود لكن افتكر اول مرة كنت نوب وابتديت العب كان المليون دا بي 3 جنيه وعندنا في المنطقة ماكنتش تقدر تشحن اقل من 50 مليون
دا كان مصعب الموضوع على الناس..شوية شوية رخص الجولد .. لو حسبت المبلغ اللى صرفته على الاكونت دا من اول لفل 1 لحد لفل 62 هيبقوا مابين 40 جنيه و 60 جنيه (كان معايا شير )
اول ما الاكونت وصل لفل 54 الشير دا هو الى صرف مش انا..صرف على الاكونت.. 100 سيلك بي 60 جنيه و 100 مليون .. كانوا بي 125 جنيه اياميها يعنى 200 جنيه الا 5 جنيه..حاجات بسيطة
شوية شوية وجه وقت الصرف مني انا...صرفت على الاكونت 180 جنيه عشان اجيبله بريميم بلس...اما الجولد كنت باخده من صاحبي من غير فلوس.. عادي كان مابينا وبين بعضينا كدا
لكن انا ماصرفتش المبلغ دا من مالي..احنا كنا بنبيع سيلكات عندنا في السيبر..استأذنت من والدي واخدت ال 300 سيلك..واكيد زعل وعمل معايا مشكلة كبيرة جداً لإن دي لعبة
ولكن مش مهم..هنحسب ال180 جنيه بردو +60 =240 جنيه ^^
جيت على العيد وحبيت اشتري جولد..اشتريت ال200 مليون بي 100 جنيه... يعنى 340 جنيه
بعدها بفترة سيبت الاكونت..واشتريت اكونت ويزارد وكليرك فول فارم لفل 93 ومعاه 400 كيه سكيل بوينت من صاحبي على 300 جنيه وبعدها عرفت ان الكراكتر مسروقة لكن عرضت على صاحبها الامر وفهمته ..
يعنى 640 جنيه .. لكن مش هنحسبهم .. لإن صاحبي دا كان بيقعد عندي في السيبر..اديتله تايم 300 ساعة ببلاش اصله مجنون سيبر
ووافق وماخدش حق الاكونت .. اخده تايمات عندي في السيبر وخلاص..يعنى انا كل اللى صرفته من مالي انا 40 جنيه بس ..والباقي كله حظوظ ^^
ومن ساعة ماشتريت الاكونت دا ماصرفتش عليه مليم احمر..كل اما اعوز سيلك...اعمل تاكسي وابدله بجولد
والاكونت دلوقتي لفل 96 واخدت بيه الميدوسا كمان ^^ وظبطه وعملتله سمعة اجمد في جريس وبقيت في يونيون الفورترز وار
ودي الاستفادة انى كسبت صحاب كتير جداً في الجيم حتى صحابي القدام :)
اللى انا عايز اوصله للناس مش اني محظوظ..ان الجيم دي مرض في دم كل واحد فينا وعشان نبطلها محتاجة عزيمة..انا سبت الجيم لمدة شهرين وخلاص كنت كرهتها اصلا..لكن اما اشتريت الاكونت دا فعلا بقيت مريض زيادة عن اللزوم بالجيم دي
لكن الحمدلله الامر مش هيترفع لإني اصرف عليها..لكن انا صرفت عليها تعب وحرقة دم وحرقة اعصاب..ركزوا معايا كدا ؟
مش مهم صرفنا ع الجيم فلوس ولا لا..الفلوس دي حاجة متداولة في الحياة بتروح وتيجي
عارفين صرفنا عليها ايه ؟
صرفنا عليها مجهودنا وصبرنا وتعبنا وحرقة اعصابنا ونظرنا اللى باظ من كتر الشاشة اللى قاعدين ادامها لدرجة ان كتير جداً من اللى بيلعبوا سيلك رود ومرضانين بيها اكيد بيجيلهم امراض كتير بسبب الموضوع دا
تحياتي :)