[tony@tiger]

المشاركة الأصلية كتبت بواسطة cheetos5060 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

آسف يا احمد لأنى تأخرت عليك ، الشوارع كانت زحمه جدا و سواق تاكسى خبطلى
العربية ، اعمل ايه بس دى بلد تييييت...... "
كم من هذه الجمل ومثيلتها نسمعها و نرددها يوميا مع التنوع و الاختلاف فى إختيار كلمات السباب للبلد ؟ و هل هذا السباب فى محله؟
الرجل تأخر عن الميعاد لان الشوارع مزدحمه و التاكسى خبط السيارة طيب ايه ذنب البلد ؟ ما احنا كأشخاص اللى عاملين الزحمه و احنا برضه اللى بنسوق التاكسى طيب ايه ذنب البلد؟
و يقول آخر.. شفت الخناقه اللى حصلت بين أعضاء مجلس الشعب النهارده؟ دى عالم بتهزر يا سيدى و حاجة تكسف ، يا عم دى بلد تييييت…….!!
يا سيدى هى البلد برضه اللى قالت للناس تتخانق مع بعض ولا هى اللى قالت للناس تنتخب الاعضاء دول!!!
و آخر... " النهارده شفت حادثه وحشه جدا على المحور، سواق نقل شال خمس عربيات ، و كل يوم لازم اشوف حادثه فى نفس المكان ، مافيش فايده دى بلد تييييت……!!!
لا اله الا الله ، يا عم حرام عليكوا ، هى البلد برضه اللى قالت للسواق يضرب سيجارة الاصطباحه ولا حتى عسكرى المرور المقصر فى عمله ولا حتى العربيه الملاكى اللى ماشيه عكس الاتجاه؟!!!
و كمان... " شفت يا عم كم الشحاتيين حول السياح فى منطقه الازهر ، منظرنا وحش و حاجة تكسف فين الحكومه تلم الناس دى ، و الله دى بلد تييييت!!!
و غيرهم جمل كتيير اوى كلها على نفس المنوال، نعم اى بلد هى مكان و ناس و حضارة إلخ إلخ... بس و الله حرام علينا اسم مصرنا الحبيبه يا جماعه، دى مصر دى شايله بلاوى كتير اوى .. نرمى فى شوارعها الزباله ، نسرق فى ثرواتها ، نزيف فى تاريخها ، ننتقدها فى الفضائيات ، الخ الخ الخ ، و فى الآخر كلنا بنشتمها !!! يا ناس سيبوا اسم البلد فى حاله لان العيب مش فيه.. و دى بلد مش تييييت، دى احلى بلد فى الدنيا.



قولو رائيكم فى الموضوع دة قبل ما يتقيض عليا :):):) :D:D

يبقى انت اكيد فى مصر !
:eek::eek: