الموضوع: حمامة سلام
عرض مشاركة واحدة
قديم 23-10-2009, 11:46 PM   #3

mada_the_king
عضو جديد





• الانـتـسـاب » Aug 2009
• رقـم العـضـويـة » 63953
• المشـــاركـات » 2
• الـدولـة »
• الـهـوايـة »
• اسـم الـسـيـرفـر »
• الـجـنـس »
• نقـاط التقييم » 10
mada_the_king صـاعـد

mada_the_king غير متواجد حالياً



افتراضي



السلام عليكم ورحمة الله وبركاته
انا اسمي محمد من مصر وبالعب اساسا علي سيرفر saturn وليا اصدقاء كتير في كل السيرفرات وساعات كتير باعمل كراكتر علي اي سيرفر تاني العب عليه مع اصدقائي. ظاهرة التعصب للعرق او الجنسية او حتي الديانه منتشرة جدا علي سيلك رود ليه ؟ لان سيلك رود عبارة عن عالم مصغر. فيها كل الاجناس وكل الجنسيات وكل الاديان. وفيها الانسان المحترم وفيها الانسان السافل. والناس كلها نسيت انها لعبة . وافتكروها حرب بجد.وتلاقي الالمان بيشتمو في الاتراك والاتراك يلعنو سلسفيل ابو الالمان .و الكوايته يسبو في المصريين والمصريين يسبخوا لابو الكوايته. ليه كده يا جماعه ليه السب واللعن والشتيمه. مفروض اننا كلنا بشر ربنا خلقنا اساسا من طين . يبقي هانتنك علي بعض ليه . وعلي فكرة ممكن واحد يكون لفل100 في اللعبة وهو في الواقع طفل عنده 10 سنوات وتلاقي كل اللي في اللعبة بيضربوله تعظيم سلام ويا باشا ويا معلم ويا كبير وكل الكلام ده علشان المصلحة. وممكن تلاقي واحد هو في الحقيقه مهندس الكترونيات مثلا ولسه لفل صغير في اللعبه يدوسوا عليه بالجزمة ومفيش اي حد يعبره. اللي اقصده من الكلام ده ان الانسان المحترم في اللعبة هو في الخقيقة انسان محترم والانسان اللي بيسب وبيشتم هو في الحقيقة انسان مش متربي . بس المشكلة ان اللعبة مش هاتقدر تعمل كنترول علي عملية السب دي علشان الناس بتحتال علي الكتابة بتغيير اي حرف من الكلمة. الموضوع يا جماعة محتاج رقابة داخلية من الشخص نفسه اللي قاعد بيلعب ويكون محترم ومتسامح ويكون هو عنوان لبلده او دينه او جنسه ويكون مثال مشرف ومحترم زي ناس كتيييييييير جدا بتلعب في كل السيرفرات . واسف جدا علي الاطاله وشكرا علي حسن المتابعة
والسلام عليكم ورحمة الله




رد مع اقتباس