معانا النهارده في لوحه التكريم
عضو محبوب لنا كلنا عرفناه كصاحب وكاخ
انا شخصيا اعتبره اخي الصغير
الشخص ده هو
الاسم : محمود حسن
الشهره : ماندو
السن : 18 سنه
المهنه : طالب في كليه الحقوق
عرفنا ماندو باول شخصيه له وهي elhapop
ومن بعدها كان Free_4Bow
كان من المهتمين بالقسم وله الفضل في دخولي انا شخصيا المنتدي
من افضل الناس اللذين عرفتهم في حياتي
رايته في كثر من المواقف رجلا ويعتمد عليه
وعند المواقف الصعبه تجده بجوارك كاخ وصديق
لم يبخل بوقته لاي حد محتاج مساعده
كان يعاني من مشاكله ولكنه يتركها خلفه حين تواجده معنا في المنتدي
وصار ماندو في فتره وجيزة صديق لكثير منا
وليس مجرد صديق بل كاخ لنا
ماندو كان له دور كبير جدا في حل المشاكل اللي كانت بتحصل
بين قطبين روما ارابيان وستارس
وبمجهوده وحب الناس له اصبح مشرفا لسرفر روما
ومع توليه هذه المسؤليه عرفنا ماندو الجاد
الغيور علي قسمه وجدناه في كثير من المواقف يتصدي ويوقف
المخطئين وجدناه معنا في كل مكان
وحتي حين اعتزل اللعبه لم يبخل بمجهوده عنا
بل ظل معنا في المنتدي وارتقي به
ده مش مدح والله يا ماندو بس انت تستاهل اكتر من كده
وبنشكرك علي اللي انت عملته في المنتدي
ومازلنا ننتظر منك المزيد من العطاء
اهديك احلي باقه من الزهور تعبيرا منا وشكرا لمجهودك
هنا في القسم وشكرا لك لعضويتك المميزه ماندو انت الافضل :)
منتظر ترشيحكم للشخص التالي
واتمني يكون التقديم المتواضع ده حاز اعجابكم
اهلا بيكم مرة تانيه في لوحه شرف سرفر روما
معانا النهارده عضو من احلي الاعضاء
عضو يعشق الضحك والفرفشه
عضو كثير مننا يحب مصادقته
انه
الاسم : عادل
الشهره : AFM2010
السن : 17
محل الاقامة : مصر ( امبابه )
العمل :: طالب :)
ده عادل من خلال البيانات بس عادل من خلالنا احنا
عضو جميل جدا تحب تعرفه من افضل الناس اللي اتكلمت معاهم
واحد عارف و فاهم بيعمل ايه
اجمل ما فيه انه واخد الدنيا ببساطه
وجوده في القسم زي فاكهة القسم
من غير عادل ماكنش هيبقي فيه اي ضحك ولا فرفشه
عشان كده دولة عملنا موضوع مقهي روما
للضحك والفرفشه وانا بطلق عليه الملك :)
وكان الموضوع ده من اهم المواضيع اللي اتعملت
لنشاط القسم ده
عادل دخل وسطنا بسرعه واتعرفنا عليه واتعرف علينا
حبينا كلنا واعتبرنا صديق واخ
نتيجه لمجهوده العظيم ده عادل بقي مشرف بس مشرف كووول :D
زي العسل حتي وهو بيمسح موضوع تلاقي بيهزر عادل بحب روحك الحلوة
بحترمك كصديق واخ صغير ليا
مجهودك في القسم مش منسي لاي حد
شكرا يا عادل علي كل حاجه عملتها في القسم
واحنا كسبنا كتير بوجودك معانا :)
مستني العضو التاني اللي هترشحوه
اي ترشيح لوحده تكريم للعضو وتقدير له
بمجهوده القسم نشط وبمواضيعه كان في اعضاء
شكرا ليكم كلكم بجد انككم خليتوا القسم هنا احلي بيكم
قسم روما اقل الاقسام مشاكل واكثرهم احتراما في المنتدي
بفضل اعضاءه المميزين
مستني التفاعل والترشيحات الجديده ولنا لقاء :)
اهلا وسهلا بيكم مره تانيه مع لوحه تشريف روما
زي ما اتفقنا الموضوع ده للميزين جدا اللي بسببهم تم تطوير روما
والنهارده معايا عضو مميز جدا وحصل علي لقب مميز بلا حدود
وده طبعا بسبب مجهوده العظيم ومشاركاته
العضو ده عرفناه باسم غزة وعرفناه كمان باسم ArbArmy
اكيد كلنا عرفنا ان انا بتكلم عن تامر
الاسم:تامر اعرار
العمر:14
الجنسية:فلسطيين
الهواية:كرة القدم و سيلكرود
دخل علينا تامر باسم غزة نظرا للاحداث اللي كانت بتحصل هناك ورغم كل حاجه تامر
فضل معانامتابع لينا وبيشارك
دخل تامر وسطنا بسرعه جدا نظرا لبرائته في التعامل وصداقته اللي عرضها علي كتير مننا
تامر من الاشخاص اللي تحترمهم رغم صغر سنه
يغار علي اصدقائه كانهم اخوانه واظن كلنا شفنا موقف تامر من العضو العار علي قسمنا
امير العذاب وازاي تامر اثبت انه فعلا بيحب الناس اللي هنا وازاي بيغير عليهم
بمشاركاته الفعاله قسم روما بقي انشط بوجوده
وفي فتره قليله تامر بقي من الاعضاء المميزين في روما
حصل بعد كده تامر علي عضو مميز بلا حدود لمجهوده المبذول وتقديرا من الادارة له
تامر كمان كان بيشاركنا افراحه واحزانه واحتفل معانا بقدوم رمضان اكثر من مره
وشاركنا فرحه لما اشتري اكاونت جديد وساعدنا كتير في مواضيع ستارس وارابيان
زده طبعا كان لحرصه انه يعمل حاجه للقسم هنا
شخص زي ده لازم كلنا نحترمه ونحبه وفعلا مش قليل عليه انه يدخل معانا اللوحه هنا
وفعلا من غير تامر القسم بيعاني فتره من الركود مستنين عودتك بالسلامه يا صاحبي
فعلا غيابك مقصر فينا كلنا اصحابك اللي هنا كلهم بيسالوا عليك وبيينتظروك
وانا كمان مستني اخويا الصغير لما يرجع تاني لعادته ومشاركاته
انا يمكن مكونش وفيتك حقك بس صدقني تستحق اكثر من كده
شكرا لكل ما فعلته هنا في القسم ولولاك ما كان هيبقي قسم روما بالطريقه الجميله دي
مستني المرشح الجديد للدخول في قائمه عظماء روما لوحه التكريم المتواضعه
اللي فكرت اعملهالكم ولما هيتم انهاء التكريم انتظروا مفاجاه الموضوع :)
تحياتي ليكم كلكم ولكم مني ارقي تحيه