ههههههههههههههه كل الكلام ده كان زى ما بيقولوا جس نبض عشان اعرف كورابيكا ايه بالنسبى لاعضاء سيلك روود 4 عرب و عرفت من الردود ان المفروض انتوا بتحبوا و المفروض عايزيين مصلحته
طيب تعرفوا ايه عنه هوا مييييين دراسته رايحة على فييين مستقبله جاى منيين معاملته مع اهله ازاى
مفيش اجابة اقول انا القصة من الاول
محمد عيسى 17 سنة """ محمود عز 18 سنة يعنى تقريبا نفس السن فرق اقل من سنة
ولاد خالة اغلب شباب العيلة اما اكبر مننا ب حوالى 5 سنيين او اصغر بما يقارب 6 سنيين
متربيين مع بعض من و احنا عيال بتلعب كورة فى الشارع كل اسرارى معاه و كل اسراره معايا مش مجرد اقارب اصحاب و اخوات و كل شئ
و جى يوم الى سافرت فييه مع اهلى و عشت فى مطروح لاكن كان كل شئ كما هو سواء انا نزلت اسكندرية او محمود جى مطروح او حتى كل واحد فى بلد مع بعض على طوول على التليفون
و حتى يوم ما جيبت موبايل كان هوا اول واحد جنيته بييه و كانت الحياة ماشية جميلة (زبادى خلاط)
حتى ظهور silkroadonline بدأ محمود يعلبها و مع الوقت ساب دراسته و حياته و استقل بزاته فى شقة جديدة كانت لسة تحت التشطييب و كان عايش على الشاى و القهوة عشان يفضل اطول وقت ممكن امام الجهاز
و حتى بعد اتمام تشطييب الشقة و نقل الاسرة كلها اليها ظل فى غرفته بالعافية بيفتح ياخد الاكل
و لما عرفت بده و سافرت و قعدت معاه و حكالى عن سيلك روود قررت العبها و اكتشف سبب ادمانه لها
و لعبتها و ادمنتها بس على خفيف كنت اياميها معايا اكونت 0marven0 و حتى الان رابط الاكونت على rev6 موجود كان لفل 38 المهم قبل ما محمود يترك اشراف المنتدى بفترة قصيرة كان معايا فى مطروح بيقضى اجازة فى الفترة دى
كلمنى عن المنتدى و عن استاذ محمود والد زياد و عن الفورتس واار و حروب الدجيلدات حسيت انى قاعد امامه عبيط مش فاهم حاجة روحت جاى طالع ب lord_for_bow و ربنا وفقنى و جيبت لفل 73 فى اقل من شهريين
و دى كانت بداية دخولى لعالم silkroad4arab و دخلت و عملت اول موضوع ليا و كان تحت اسم (اخيرا اقدر ادخل hell_makers) كان hm بالنسبالى حلم صعب المنال و لم يتحقق الحلم و جاء تفكك hm و جاء ايضا تفكك علاقتى بمحمود و بداية علاقتى ب كورابيكا و اكتشفت انه داخل على امتحانات ثانوية عامة و انه مدخلش غير امتحانيين اتنيين
و ان تقريبا مفيش علاقة بينه و بين اسرته و انهيار كل شئ فوقه و هو ولا هنا قاعد امام الكمبيوتر قولت مش مشكله لو على الامتحانات يدخل السنة الجاية و يشد حيله شوية لاكن تانى سنة فى تانية ثانوى و برضه على نفس النظام
و بالعافية دخل امتحانات السنة الى فاتت و نجح و الحمد لله طيب و بعديين ناوى ياخد 3 ثانوى كمان فى سنتيين
اخوه خطب داخل على سنة اشك انه ماشفش خطيبت اخوه حتى الان مكروه من كل العيلة كنت انا الوحيد الى لسة ليا علاقة بيه
لحد ما جى الاشراف ليا و دخل و رد فى اكتر من موضوع و دخل و شاف موضوع الاشراف و كل الاعضاء بيباركولى و مقالش اى حاجة مر مرور الكرام زعلت منه و كلمت أ : ادهم على الميل و قولتله يرضيك كده قالى معلش احنا ورانا شغل كتيير و مش عارف ايه المهم هدانى و خلاص و كبرت دماغى
لاكن فى تانى يوم اشراف كنت كانت امى و اخواتى فى اسكندرية و كنت انا بكلمه على الميل فالمهم قالى انا حقفل عشان نازل شوية قولتله طيب قشطة لو عديت من عند بيتهم ابقى اطلع سلم عليهم فى 5 دقائق و امشى مفيهاش حاجة و هوا قالى اه ماشى طبعا
اكتشف ان فى اليوم ده كان امى و اخواتى رايحيين عندهم البيت و هوا لما اكتشف ده يقول (عشان هما جايين انا ماشى) لما قالى انا نازل طيب الى يهيين اهلك فى بيته بيقى ردك عليه ايه الى يضحى بمستقبله و اهله و عيلته و حياته كلها عشان خاطر لعبة ولا صفحة نت يبقى ايه رايك فيييه
تصدقوا بقى ان والدته هى الى طلبت منى اكرهه فى اللعبة و المنتدى و الكمبيوتر
انا مش لاقى كلام تانى اقوله انا مش سهل عليا انى اقول لمحمود انا مش عايز اعرفك تانى بس من الى هوا بيعمله
من الاخر عايزيين مصلحته اقنعوه بيها عايزيين محمود عز يبقى انصحوه رجعوه لنفسه
عايزيين كورابيكا شخصية وهمية من ورا شاشة و كيى بورد اهوا عندكم اشبعوا بيه
كلامى موجه لكل المنتدى لكل الى يعرف شخص يدعى كورابيكا او محمود عز
ربنا يرحمك يا نادر و يهديك يا محمود
و السلام عليكم و رحمة الله و بركاته