[ميسون]

السلام عليكم ورحمة الله وبركاته

اولا احييك يا هوارى على الموضوع الرائع ده

ثانيا اسمحلى اشارك مع انى مش مصريه

ثالثا

من ناحية الحرب بين مصر واسرائيل

التخطيط كان مدروس جدا جدا جدا وتم اختيار اليوم ده بالضبط علشان العيد بتاع اليهود وعلى فكره اليهود خدوا علم بوقت الهجوم لكن للاسف تحركهم جه متأخر ولما اتحركوا كانوا رجالة مصر واقفين في الممرات علشان يمنعوا وصول الاحتياط الاسرائيلي للجبهة وخلى بالك يا هوارى مصر حاربت اسرائيل من يوم 6 أكتوبر لغاية يوم 18 أكتوبر ومن يوم 19 أكتوبر لغاية يوم 22 أكتوبر كانت مصر بتحارب اسرائيل وأمريكا .

دا طبعا غير البطولات اللى حصلت بعد كده يا هوارى بعد اسرائيل ما فاقت من المفاجأة استعادت زمام المبادره وده اللى خلى معركة الدبابات الكبرى اكبر معركة دبابات في التاريخ تحصل قبل معادها ب 4 أيام ودفعت اسرائيل بأكثر من 1200 دبابه ضد دبابات الجيش الثالث اللى كانت حوالى 550 دبابه فقط يعنى بنسبة 2: 1 لصالح اسرائيل وعلى الرغم من كده مصر هى اللى كسبت المعركه دي اللى سماها موشيه ديان بعد كده معركة اللحم والفولاذ استمرت المعركه دي من يوم 13 أكتوبر الى يوم 19 أكتوبر لمدة 6 أيام متواصله بدون توقف او راحة

خسرت اسرائيل فيها ما لا يقل عن 850 دبابه وأكثر من 3000 قتيل دي في معركة الدبابات الكبرى فقط مش في الحرب كلها

دا بالنسبه للحرب اما بالنسبه للشباب بتوعنا فحدث ولا حرج

شبابنا بيدور على السلبيه بيدور على انه يقلد فلان وعلان بيدور على الاغنيه الفلانيه للمطرب الفلانى بيشوف السلبيه ويسكت لانه اصلا سلبى بقولك انا ومن بعدى الطوفان طيب هيغير الواقع اللى هو فيه ازاى لو فضل كده لو بدأبتغيير نفسه وغيره عمل زيه وغيره وغيره وغيره اكيد هيحصل في الاخر تغيير

لكن

واه من كلمة لكن تقوله زاكر علشان تاخد الشهاده يقولك هعمل بيها ايه
تقوله صلى يقولك خدنى على جناحك
تقوله عيب يقولك هي البلد بقى فيها عيب

طيب اصلح نفسك الاول وبعد كده غير ان شاء الله هيتصلح


اما بالنسبه للحكومه

فقد قال رسول الله صلى الله عليه وسلم فيما معناه ( اياكم ومخالفة اميركم قالوا حتى وان فسق قال حتى وان فسق )

بص للايجابيه في حياتك وبعدين ابقى غير السلبيه

يا ريت ما حدا يزعل من كلامى

دي وجهة نظر



تحياتى اليك يا هوارى

وتحياتى للجميع

ومساكم سكر