كنتم مع حال الشارع المصرى ... وها نحن بين القيل والقال ... ووجدنا الاتى
1- طلبة يتمنون وجود حلات اصابة بانفلونزا الخنازير علشان الدراسة تتلغى ( ربنا يتولاكم برحمتوا رغبة عجيبة )
2- طلبة خايفة تنزل من البيت على اساس ان المدرسة فيها حوش مربيين فية خنازير ( محدش بيموت ناقص عمر بعد كدة احنا الشعب المصرى .. لما حزرونا من الطيور والانفلونزا تانى يوم الاسر المصرية كانت بتاكل حمام وبط وز وفراخ علشان الحاجات دى رخصت .. احنا شعب فعلا غلبان وطيب جدا ولية الجنة )
3- طلبة فرحانين ان هيقابلوا اصحابهم ( ودة بجد شعور جميل)
4- طلبة مش عايزة تتعلم اساسا ( امال موجود لية فى الدنيا مش عارف )
5- طلبة مش هاممهم اى حاجة ونازلين يتلقوا تعليمهم بجدية من اول يوم ( ولكل مجتهدا نصيب )
6- طلبة بتشبة المدرسة بالسجن والاحباط ( وانا شخصيا بفضل ان النوعية دى تقعد فى البيت لان لما المدرسة تكون سجن يبقى علية العوض ومنة العوض)
7- طلبة اهاليهم خايفة عليهم وطلبة اهاليهم رامية طوبتهم .. ودة تعبير غير صحيح والخوف الزايد غير صحيح لان لو دة هيبقى اسلوب التفكير يبقى ننتحر احسن لان العالم بياخد اتجاة غريب من الامراض التى لا علاج لها والمشاكل والكوارث وبطبيعة الحال لازم نكيف نفسنا على اى وضع
...................
فى النهاية انا بقى رايح الجامعة عادى 4 طب وأدعولى بالتوفيق ويارب السنادى تكون سنة جميلة عليكم كلكم يا رب