السلام عليكم
ازيكم يا شباب ايه اخباركم
اولا احب اعرفكم بنفسى انا اسمى احمد وانا اعرف كويس ف الشبكات وبعض البرمجه ومعايا شوية كورسات ف الاداره
ثانيا عاوز اكمكم شويتين عن لعبة سيلك رود وكلامى هيكون طويل شويتين ف ارجو تتطولو بالكم شويه معايا
شركة جوى ماكس زى اى شركه ف العالم تهدف للربح اكيد يعنى صاحب الشركه او اصحابها مش شغالين وجايبين مبرمجين وسيرفرات وحاجات كتير كده علشان نلعبها ببلاش كده ولا ايه
هتقولى ماهما بيكسبو زى اصحاب المواقع من الاعلانات هقولك ماينفعش يعملو اعلانات جوه اللعبه يبقى لازم بشويه حاجات حضرتك تشتريها علشان تفيدك ف اللعبه وتستفيد بيها مع شوية عقبات هيوصل الى انه يخليك تشترى الحاجات دى
زى الليفيل اب السريع بالبريميم اكونت واللوج ان من اول مره واللبس والجلوبل والغيرها
طيب دلوقتى انا لو مكان المانجمينت بتاع جوى ماكس هعمل ايه علشان اخليك تروح للبريميم دا وتستخدمه انك تدخل من اول مره بسيطه جدا ازود عدد الناس اللى جوه كل سيرفر طب ازاى ؟؟؟؟
ايه رايكم ف ان كل الجولد بوت دول يكونو تبع جوى ماكس ؟؟؟؟ مش مصدقنى اكيد
طيب يلا نفكر كده اولا الجولد بوت دا بتلاقيه كتير جدا ف كل السيرفرات وكلهم ليفيلات كويسه واغلبهم ان لم يكن كلهم اخدو بلوكات ومع <لك بنلاقى تانى وتانى وتانى مش بيخلصو خالص كده هيخلى اللى جوه اللعبه كتير جدا جدا والبركه ف اللودر اللى هما برده بيعملوه
ثانيا هيبقى فيه حاجه تانيه بياعين جولد يعنى تشترى جولد كمان
مش بس كده عجبهم اوى الناس اللى بتستخدم البوت ف قالو نكسب منهم هما كمان اعملهم بوت بفلوس ياخدو عليه الاول وبعدين نوقفه ونعمله بفلوس "الكينج"والدليل ان مافيش حد كان بيستخدم الكينج الفتره اللى فاتت وقال انه اخد بلوك بالعكس الناس كانو مبسوطين منه جدا ومشقادرين يستغنو عنه كمان
يبقى اولا اشتريت بريميم علشان تدخل اللعبه
ثانيا اشتريت جولد علشان تشترى الحاجات الجامده اللى جوه اللعبه
ثالثا هتشترى بوت كمان علشان تعرف تلفل
طيب جميل وصلنا كده لنهايه رحلتنا مع الشركه النصابه جوى ماكس نيجى بقى لحاجه تانيه مهمه اوى جوى ماكس هيعرفو ازاى اننا بتستخدم بوت رغم انهم بيستخدمو او مصرحين لبعض الشركات وبيعملولهم جولد بوت
اقولك يا جميل
سهل جدا على جوى ماكس زى اى سيرفر ف الدنيا انه يراقب الترافيك وزوار موقعه والبورتات اللى بيستخدموها بمعنى تانى
لو انا عملت برنامج بيتصل بموقعى من خلال بورت او بروتات معينه انا حددتها وف نفس الوقت اللعبه نفسها عملتها بتتصل من بورتات تانيه هيبقى سهل اوى انى اعرف اللى بيستخدم البرنامج من اللى لأ
جرب استخدم ibot اللى بيستخدم البورتات من 16000 وانت طالع هيكون اسمك اول الناس ف البلوك بنسبة 95%
جرب استخدم اى بوت بقى ببلاش زى ايه جى بوت هيبقى نسبتك 85% علشان بيستخدم بورتات اللودر اللى هى بيستخدمها البوت بتاعهم طيب هيعرفك ازاى بسيطه انت مش مسجل عندهم يعنى لو انا مدى 1 و 2 و 3 و 4 ولقيت 5 داخل من نفس البوت يبقى دا مش تبعنا وهيبقى بلوك
واخيرا عاوز اقولكم انتم احق الناس بفلوسكم يا جماعه مش شركة زى دى مشكلتهم انهم عارفين اداره كويس اوى وعرفو ازاى يستغلو حب الناس للعبه
اسف انى طولت عليكم وشكرا
تقبلو تحياتى اخوكم احمد