والله يعني انا عشان اتكلم عن قصة حياتي صعبة شوية وانا تقريبا زي كل الناس شاب عادي طموح محترم يعني عادي
المهم لو هتكلم اتكلم عن طباعي انا جاد شوية رومانسي جدا هادي محترم شيك بس مش هقول اكتر من كدا عشان الناس متقولش ان انا كدا ولا كدا ..... تاني حاجة انا كنت بحب طفولتي اوي لاني فعلا انا عشت طفولتي بجد من كل حاجة فسح خروجات لعب دلع يعني كل حاجة كانت حلوة وفري مش زي دلوقتي كل حاجة الواحد بيعملها بحساب وده غلط وده صح ده بيتحسب عليك ده مش عارف ايه ومسؤلية وعلي فكرة انا من برج القوس ورقمي المفضل 23 اللي هوا رقم بيكهام ولوني المفضل الازرق ..... بجد انا مش عارف اقول ايه تاني لاني بليد في التعبير ( ههههههه ) .... ويعني تخيلو ان انا نزلت الشارع ده وانا عندي 17 او 18 سنة تخيلو انا كنت عايش حياتي ازاي بابا كان شديد شوية ( الله يرحمه ) مش زي دلوقتي الاطفال في الشارع من سن 3 سنين واللي احنا بنشوفه دلوقتي المهم لما نزلت الشارع بدأت التقرب من جيراني واصدقائي وكدا ولعب بقا في الشارع كورة ويا سلام ربنا رازقنا في الشارع بشوية لعيبا ايه تمام ولا وائل جمعة ولا بتاع الواحد ما يلعبش ماتش والا اربع او خمس اصابات في وقت واحد واسالو حوسكا في ده وتخيلو بقا كلام الناس في الشارع هيثم نزل الشارع ( اه والله ) كانت حاجة غريبة بالنسبة للشارع ان هيثم نزل الشارع وبيلعب في الشارع المهم عاديت الايام والواحد كبر وعدا بعلاقات حب وعملت 3 علاقات وكانت في الاخر توفي بالفشل لحد ما الحمد لله ماشي في ارتباط دلوقتي والحمد لله خطوبة قريبا انشاء الله ( زغرتي يا ام فروق ) وابتديت بقا انزل شغل واشتغل حبة هنا وحبة هنا لحد ما الواحد مسك قسم المطبخ في البيت ( هههههههههه ) وفعلا انا دلوقتي عاااااااااااطل بس انشاء الله ربنا هيكرمنا كلنا بوظيفة حلوة وعلي فكرة سيلك من ضمن اسباب الفشل لانها هيا اللي فشلاني دلوقتي عشان مقعداني معاها المهم ( المهم ايه انا زهقت ومش عارف اقول ايه تاني ) كفاية كدا يا جدعان واعتقد ان شخصيتي بانت او تقريبا لمحت انا ايه او مين ؟؟؟؟
وارجو من بلال ان لا يقسو علي في المحاورة واتمني لكم كامل السعادة والتوفيق وشكرا