[copra]

بسـم الله الرحمـن الـرحيـــــم
,,,,,



يولـد الانسـان باكيــا ,,, ثـمـ يكمــل حياتــه شـاكيــــا


جملة قرأتها فى يوم
وحقيقة عايشينها كل يوم


غالب الوقت اما بنتخنق ولا ندايق
بنجرى على اكتر حد نرتاحله ونشكيله
ونفضفضله ونحكليه اللى فينا واللى تاعبنا


وغالبا بردو الحد ده بيقدر يريحنا
لو حتى بكلمة معلش
بس بنبقى طلعنا اللى جوانا



المهم اختيارنا يكون فى محله
يبقى الحد ده عنده استعداد يسمعلنا
بيحبنا
او عالأقل يهمه ضيقنا وفرحنا



اوقات بنختار غلط
او بنبص للى احنا نرتاحله وبس
بننسى هو جواه ايه وبيفكر فينا ازاى !
واحنا بالنسبة له ايه!
يهمه حزننا ودمعنا ولا لأ !



كلمة اتقالتلى مرة
لو بنختار اللى نرتاحله وبس بدون التفكير فى الشخص ده
وجواه ايه
لو خفف عننا بيكون بدافع الشفقة مش اكتر
وانك تحس ان حد بيشفق عليك ده هم لوحده



وفعلا الشكوى لغير الله مذلة



من النهاردة , لأ من دلوقتى
حزنى ودمعتى فى قلبى وبس
قدامى انا بس


لا هشكى ولا هبكى لا لحد ولا قدام حد


هبقى كده
حتى لو جوايا كده ولا حتى كده



ونقول انا كده انا كده
واللى مش عاجبو مايعملش كده