وزارة : غش تعيش
إمتحان : عربى .. عربى
إن شاء الله نشوفك السنة الجاية
وقت الإجابة : خلص نفسك وإخلع
إسم الطالب : ناسى البطاقة
عنوان المنزل : فى حالة الوفاة أو الإنتحار : أول
ناصية يمين
!!
أجب عن الأسئلة التعجيزية الأتية :
# السؤال الأول :
قال ريكو فى أغنيته " خلى الشعب يعيش " راحت عليكى يادنيا .. وراح زمن الشهادات
وبقيتى يادنيا ماشية ع السقفة وع الصاجات . هزيها بشويش بشويش .. خلى الشعب يعيش
الأسئلة :
1- إشرح الأبيات الأخيرة من النص بإختصار شديد بما لايقل عن 90 سطراً !!
2- لماذا أكد الشاعر على القصد السليم والنية الصادقة وعلام يدل قوله :
" هزيها بشويش بشويش "؟
3- استخرج من البيت الأول محسن إبراهيم ومحسن إسماعيل مبيناً كل نوع محسن !
# السؤال الثانى :
اعط سبباً مهماً لما يلى مع الشرح :
ناهية أقرب من كرداسة والسكة غلبت المحلة على أرض الخيار فى فاقوس
وإعرف صاحبك وعلم عليه ؟
- اخى الممتحن ..
إقلب الصفحة . . هاتندم على يوم دخولك المدرسة ..
# السؤال الثالث :
- اكتب إسم المستوفى من السؤال :
ماإسم الراجل الذى وضع كرتونة سجاير رقم 31254 فى سيارة نقل القاهرة
رقم 8656754 ؟
ورد إسم هذا الرجل فى مسلسلات تليفزيونية !!
فاصل إعلانى : غمض عين فتح
عين . . إشترى بيتزا تاخد إتنين .
# السؤال الرابع:
ورد فى قناة روتانا فيديو كليب " ليلى نهارى "
للمخرج كامميرون كايسى . وغناء عمرو دياب .
" أحكيلك إيه خلاص ماإنت شايف .. من غير ماأقولك أكيد إنت عارف "
الأسئلة:
2- مانوع الكنبة اللى كان عمرو قاعد عليها ؟ وما إسم المنجد ؟
# السؤال الخامس :
موضوع إنشاء :
قال أحدهم " حسن زعبولا ماشى بيتسلا محندق الجاكيته يتعايق بالفلا
"
1- اكتب نبذة عن حياة حسن زعبولا ودوره فى النهضة الحديثة ؟
2- اذكر 3 أسباب لإنفصال الحاج زعبولا عن مراته التانية ؟
إنتهت الأسئلة .. نلقاكم فى إمتحان الدور الثانى
انا نفسى حد يحل الامتحان دة