[Un_Wanted]

واحد مش ذكى واقف قدامه خمس شياطين ....



واحد يوسوس له و اربعة يفهموه

واحد قال لخطيبته: لما ازمرلك تبقي انزلي


قالتله: انت جبت عربية؟


قال لها: لا جبت زمارة

واحد راح للدكتور قال له:


يادكتور أنا تعبان وعندي سخونية


وصداع وأنفلونزا..!!


الدكتور قالو أقلع عشان اكشف عليك ...


قال له: ليه انت مش مصدقني يادكتور؟

مره واحد غـلبان راح يشترى ب جنيه لحمة


فرد عليه الجزار: مافيش بجنيه لحمة ؟


ألح عليه فاعطـاه قطعة معجـبتش الراجل


الجزار قال له: ماتيجي تشـترينى احسن؟


قال له: انا مش جاى اشترى عجـل

مدير شركة مارلبورو قابل مدير شركة كليوباترا


فقال له: أنا مرة لقيت في السيجارة بتاعتكم خشبة !


إنتم بتستوردوا التبغ منين؟


فرد عليه مدير شركة كليوباترا : يعني إيه تبغ ؟ .

مرة واحد ظريف عاش في الدور.



واحد أظرف منه عاش في الدور اللي فوقه

زوجه خوافة قوى كل يوم وهية نايمة جنب جوزها


تقول له: الحق يا عـبده أنا سامعة صوت


فى حرامى فى البيت جوزها تعب قوى


مش عارف ينام وكل يوم على كده


قام قال لها: ياستى ماتخــافيـش


الحرامى لما بيروح يسرق ما بيعملش صوت


تانى يوم صـحـته من النوم الحق يا عبده


أنا مش سامعه صوت فى حرامى فى البيت

مرة واحد كان نفسه يعمل حاجة الناس تفتكره بيها


ففكر انه يعلم نملة الباليه وفعلا جاب النملة


ونجح فى تعليمها.... وقال يا ترى مين يقدر الفن ده


قرر انه يعرضها على الاطفال


فقابل ولد وسأله: اسمك ايه ؟ قال: محمد...


قال الراجل: ايه دى ...


قال الولد :دى نملة وفعصها باصبعه....


الراجل اتجنن وقعد فى المستشفى سنين كتيرة...


المهم علم نملة تانية الباليه....


وقال المرة دى نعرضها على الشباب بيفهم أكتر


فراح لشاب و سأله: اسمك ايه؟ قال :محمد


قال الراجل :ايه دى ؟ قال الشاب:


قولت لك من عشرين سنة


ان دى نملة وبرضـه فعصها باصبعه

ٍكان فيه واحد شكله وحش قوي قوي قوي


عايز يتجوزفراح واتقدم لواحدة


فابيقول لأبوها :انا يا عـمي


بلا فخر عملت نفسي بنفسي


قاله: ما انا برضه بقول استحاله تكون خلقه ربنا

مره ولد صغير ركب تاكسى و والده قال له:


متتكلمش مع السواق كل شوية السواق يحاول


يفتح معاه كلام و الولد مبيردش فحاول يخليه يتكلم


فبيقوله نفسك تطلع ايه لما تكبر؟ والولد قال له:


مهندس زى بابا قال له: طب لو بابا مهندس و ماما دكتوره؟


الولد قاله: ابقى مهندس طبيب فقال له:


لو بابا وماما دكاترة الولد قال له: اطلع دكتور


فقال له: طب لو بابا طبال و ماما رقاصـة


فالولد قال له: اطلع سـواق تاكـسى

ابو العربي راح ع القهـوة



قال لهم مش تباركوا لي



مش انا خطبت البت سعااااااااااد



واحد رد عليه وقال له: يا راجل سيبك منها



دي ماشية مع نص شباب بورسعيد



ابو العربي قال له: يا راجل



وهيا بورسعيد كلها أد ايه؟؟

حرامي قرر يتوب سرق شريطين لعمرو خالد

والان فاصـل مع شوية نكـت رخمة

مره واحد ماشى اتكعبل .....خرج بره النكته


ههههههههههههه

___________________

مره واحد ماشى بموتيسكل دخل فى حاره ....



ماشوفتش باقى النكتة

_________

مره واحد طلع فى الاسانسير..



بقيه النكته طلعت على السلالم

_________

مرة واحد رجله جت في قضية راح قطعها

__________

والى هنا اخواتى واخوانى



حان وقت رحيلى


اترككـم فى رعــاية الله