[startimes93]

السلام عليكم ورحة الله وبركاته

اولا : كل سنة وانتوا طيبين بحلول شهر رمضان المبارك
ثانيا : انا عايز احكيلكم على حوار استفدت منه الحقيقة

المهم ...... انا كنت ماشى فى الشارع لقيت حد بيقول ( يا احمد ... يا احمدددددددددد ) ببص ورايا لقيته واحد صاحبى حبيبى كان بقالى زى شهرين مبشوفهوش

انا : ايه يابنى ازيك والله واحشنى انت كنت فين يابنى مبتنزلش الشارع ليه
صاحبى : اه انا برده صح .... انت اللى كل يوم والتانى فى السيبر و مبتخرجش معانا
انا : خلاص من هنا ورايح هخرج معاكو زى زمان
صاحبى : اوك يامعلم انا ماشى بقى عايز حاجة؟
انا ( فى نفسى ) : بصراحه انا كنت عايز اخد رائيه فى اللعبة الهباب ديه هو ملوش فيها بس عايز رايه فى اللى بنعمله فى نفسنا
انا : الصراحة انا كنت عايز رايك فى حاجة
صاحبى : اتفضل يابنى ده احنا خوات
انا : باقلك ايه يا معلم .... تفتكر لو واحد بيصرفى على لعبة مش اقل من 120 جنيه فى الشهر ( بريميم و جولد (ده اقل حاجة ) ) .... و بيلعبها طول النهار والليل ده تقول عليه ايه
صاحبى : باقلك ايه انت شكلك لسة صاحى تعالى نلعب كورة
انا : ياعم كورة ايه دلوقتى انا بتكلم جد ايه رايك ؟
صاحبى : ده يبقى عيل سخيف ومعندوش دم ازاى 120ج فى الشهر بيتصرفوا على لعبة مبجيبش حلو ولا وحش
وبعدين مش ال 120ج دول الغلابة اولى بيها ... ايو يا احمد انا امبارح شوفت واحد غلبان ماشى فى الشارع بيدور على اللى يديلو 1ج مش 120ج انا اديتلو كل اللى معايا والله عشان هو محتاج مساعدة فعلا
انا : يعنى انت شايف انى سخيف ... سررى انه سخيف؟
صاحبى : اه طبعا ... بس بص انا موافق يصرف على لعبة زى ماهو عايز بس بشرط
انا (فى سرى) : يابركة الله
انا : ها قول الشرط ايه ؟
صاحبى : انه يشوف الغلابة اللى حوليه لو مش محتاجين مساعدة يروح يصرف زى ماهو عايز
انا : اوك شكرا يا معلم من بكرة انا هنزل معاكوا كل يوم
صاحبى : خلاص انا هستناك بكرة بعد الصلاة نروح نلعب كورة
انا : اوك يامعلم و انا موافق


الصراحة انا استفدت كتييييير من الحوار ده اكيد انتوا عارفيين انا عايز اقول ايه
اتمنى اللى يدخل يستفيد مش مهم عندى الرد بس يستفيد
توعدونى؟