بنقابل ناس كتير اوى منهم ناس بنحبهم وناس لأ
ناس بنرتاحلهم وناس لأ
ناس بنحس اننا فاهمينهم وناس بردو لأ ..
بس مهما عرفناهم موش هنبقى فاهمينهم صح ..
مهما عاشرناهم موش هنبقى فاهمينهم تماما ..
فى كتاب " عاشـوا فى حياتـى " لأنيس منصور قال كلام جميل اوى
قال
" من الصعب أن تعرف انسانا جيدا , اذا كنت تحبه ... فأنت تراه ولا تراه ..
واذا كنت تكرهه أيضا ... فأنت لا تحب أن تراه , فكيف تعرفه وأنت لا تراه ..
وأنت قد أسقطته من عينك .. أو سحقته بعينيك .. أو أغمدت فى قلبه رموشك ..
فالذى يحب كالذى يكره ... لايرى بوضوح !!
ولكن لابد أن تحب ولابد أن تكره .. لذلك فأنت لا تعرف الناس جيدا ..
وانما تعرفهم بالتقريب .. أو تعرفهم بعض الوقت .. وتحبهم بعض الحب ..
وبعض الكره .. فأنت تعرفهم الا قليلا !! ...
كلام حلو اووى , معناه انه احنا مفيش حد هنقدر نعرفه كله
نفهمه بكل حاجة فيه
انت لو بتحب حد هتبقى بتشوف الحلو فيه او هتبقى مهتم بيه اكتر
ولو بتكرهه مش هتشوف غير الوحش فيه لانك موش عاوز تشوف فيه حاجة حلوة
عشان تبرر كرهك ليه !!
زى مثلا القرد فى عين امه غزال لو حبته وكان كويس
ولو زهقت منه وعمل حاجة غلط بيبقى قرد !!
عشان كده موش لازم نشعلل اوى لو لاقينا حد قال حاجة مش فينا
ده طبيعى جدا
موش معناه انه بيتبلى عليك ولا بيكرهك وعاوز يسوء شكلك مثلا
لا دة هوة بيئول كدة عشان هوة شايف كدة سواء كان بيكرهك او بيحبك .
احب اشوف ارائكم فى الموضوع دة