يا شباب المنتدى الجميل
احنا كلنا قلنا بعد موضوع الاوتو لوجن ان اللعبه هتتحسن من ناحيه الدخول
لكن للاسف المشكله زادت وبقت زى الزفت
يعنى من قبل ميعملوا موضوع الاوتو لوجن كان الواحد بيشتغل بالاوتو انتر وبيدخل فى خلاص نص ساعه او ساعه بالكتير
دلوقتى انا عن نفسى بدخل اللعبه فى اكتر من 4 او 5 ساعات
وامبارح اكتر من 6 ساعات فاتح الجهاز علشان ادخل بس
وبعد ما زهقت قفلت الجهاز ونمت
انا بجد بدأت ازهق من اللعبه لدرجه انها بقت تحرق الاعصاب وتزهق الواحد اكتر ما هى لعبه مسليه
وطبعا الشركه مش خسرانه حاجه..بالعكس كل ما السرفرات تتزحم الناس هتشحن برميوم والحياه هتبقى حلوة وفلوس داخله الله ينور
بس والله لو معظم الناس عملت مقاطعه بجد لمده اسبوع على الاقل ولا حاجه اكيد الشركه هتحاول تصلح اللى بتعمله ده علشان الموضوع زاد عن حده اوى
ومحدش يقولى ان الشركه مظلومه واحنا السبب واللودر السبب
اللى فى ناس كتير متعرفوش ان الجولد بوترز دول بيدخلوا من حاجه اسمها كلينتس
يعنى عباره عن بوت واحد بيفتح اكتر من 30 كاراكتر مع بعض على جهاز كمبيوتر واحد يعنى العمليه مش محتاجه لودر ولا حاجه مبعنى اصح ان الشركه هى اللى سامحه بكده
علشان مطولش اكتر من كده عليكم اللى عايز يدخل معايا فى مقاطعه يسيب رد واللى مرتاح كده وشاحن برميوم ومظبط حاله يبقى ولا كانه شاف الموضوع ده
وفى مليون لعبه تبعدنا عن سيلك رود على الاقل اسبوع وانا عن نفسى بلعب ESCRO و Combat Arms و Air Rivals و Wolf Team
وفى غيرهم كتير اوى
والسلام ختام ;)