اولا بالنسبه ان Celina1 يشتم ابو زياد ده غلط كبير اووي انه يشتم ابو زياد او اي حد مهما يكون لان اللي انا اعرفه ان جيلد JAD قايم على الاحترام المتبادل بين اعضائه وبين اعضاء اي جيلد تاني عشان الجيلد المصري يبان بصوره تليق بيه وده المفروض اللي يتحاسب عليه ماستر الجيلد لانه هو المسئول عن كل اعضاء الجيلد الكرام وعن تصرفاتهم وخصوصا ان ابو زياد ده مش قليل في اللعبه ولا في المنتدى ابو زياد راجل محترم وليه مكانته اللي كلنا بنقدرها.
واعتقد ان celina1 لما يقول كلام كده في اليونيون والفاظ زي ديه يستحق طرده من الجيلد طبعا مش انا اللي ليا الحق اني اقول يطرد ولا ميطردش انا بس بقول وجهه نظري
ثاني حاجه ان الاستاذ ادهم يشيل تثبيت مواضيع ده من حقه اذا كان ده في صالح المنتدى وهو قام بتثبيت مواضيع جديده باسم الجيلد اكيد لان الجيلد ده هو حلم كل المصرين في السرفر لانه بجد جمع ناس مصرين كتير في الجيلد ده عشان يعمل حاجه في اللعبه ويقول ان مصر ليها قيمتها في اللعبه قدام الكوايته والاجانب اللي في اللعبه وديه حاجه اكتر من روعه وبعدين بجد استاذ ادهم راجل محترم جدا في كلامه لما اتكلمت معاها حسيت انه راجل عارف هو بيقول ايه بيوزن الكلام في دماغه قبل ما يقوله ومبيطلعش عن حدود الادب في حاجه بس للاسف انا شايف فيه عيب واحد انه بيتعامل مع كتير من الاعضاء بطريقه مش لطيفه حاجات كتير يهدد فيها بالايقاف وهيه حاجات بسيطه ممكن تتحل باسهل الطرق.
كورابيكا وادهم واحد كلنا اخوات هنا في المنتدى اكيد ادهم مبيكرهش كورابيكا عشان كده مسحله مواضيعه اكيد هو عمل كده لانه شايف ان فيه حكمه في كده وبعدين انا شفت استاذ ادهم كان بيشكر في كيرا ويقول ان عقله كبير وانه بيفكر احسن منه شخصيا
استاذ ادهم مش وحش هو بيحاول يرجع المنتدى لنظامه تاني ويمنع الهرجله والفوضى في المنتدى تحت شعار JAD