اقتباس:
المشاركة الأصلية كتبت بواسطة asdfgh
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
اقولك شغاالة معاك كويس ليه لأن عدد المشتركين فى سنترالك قليل
لما يكتر عدد المشتركين فى السنترال شركة tedata (الله ينتقم منها ) بتحط ناس على خطك يبقى كده الخط عليه كذا واحد
يعنى الشركة مش بتكلف نفسها بعمل اجهزة جديدة وشغل جديد
والدليل على كده انت النت عندى من بعد الفجر بيبقى كويسسسسسس جدا
عشان طبعا الناس اللى معايا على خطى نامو 
مش بقولك كله نصب فى نصب
وما باليد حيلة ........بلطجةةةةةةةة :(:(:(:( |
بص ياباشا انت كلامك صح نسبيا بس المعلومه مش كامله وهى على فكره مش بعدد المستخدمين بص على سنترالات فى مدن كتير هاتلاقى عليها اعداد كبيره وهاتلاقى ناس شغاله كويس وناس شغاله وحش قولى ليه ؟؟ اقولك انا
النت لما بيوصل سنترال معين ويتركب جهاز الـ ADSL بيكون للشركة الام طبعا التحكم الكامل فى سرعه الانترنت
فى حاجه اسمها معدل الباندويث وفى ناس تانيه بتقول عليها سرعه الباندويث ودى بتكون عباره عن السرعه الكليه لجهاز الـ ADSL اللى راكب فى سنترالك ودى بتحددها الشركة بمعنى ايه ياعم مش فاهمين حاجه اقولك انا
فى بعض الاحيان شركة زى D-Link ايه اللى بيخلى الناس تشكر فيها ؟؟ انها بتدى للسنترال او الجهاز بتاعها باندويث مفتوح وطبعا زى ماقولتلك الباندويث ده السرعه الكليه اللى انت واللى فى السنترال معاك بيسحبوا منها عامله زى خزان الميه لو عندك خزان ميه سعته مثلا 20 لتر ومتوصل بيت بيسحب مثلا 30 لتر هل ده ينفع ؟؟ طبعا لا الميه هاتبقى ضعيفه
ده زيه بالظبط نقول باندويث سنترالك مثلا سرعته 10 ميجا مثلا والسنترال فيه مشتركين عددهم كبير اوى نقول مثلا عددهم 100 واحد وكل واحد هانقول سرعته فى المعدل القليل 512 يعنى عندك كمية سحب بسرعه 50 ميجا
طيب ازاى هاتسحب 50 ميجا من 10 ميجا ؟؟ هاتلاقى عندك النت مخنوق اوى لانك بتسحب وده بيسحب بكده لو انت واخد بورت 512 هايوصلك سرعه 64 بالكتير اوى وتحمد ربنا عليهم كمان :D ولما يجى الليل المستخدمين بيقلوا وبكده السرعه اللى بتوصلك ابتدت تزيد بدل ماكانت 64 اصبحت مثلا 256 نص العمى :D انما لو باندويث مفتوح زى D-Link هاتلاقى كل واحد بيسحب سرعته كامله يعنى اللى واخد سرعه ميجا بيسحب ميجا مستريحه واللى واخد اتنين ميجا بيسحب مستريح زى اللى بيتنفس فى كيس يتخنق لان الهوا فيه مجاله محدود انما اللى بيتنفس فى المفتوح ولا كانه حاسس بحاجه
فاهمنى ؟؟
كلام الراجل صاحب الموضوع فى اول مشاركه ليه فى الموضوع صح جدا جدا جدا دى فعلا يا شباب سياسة تى اى داتا بتعملكم ايه بقى بعد اول اسبوع فى الشهر يبداو يحجموا الباندويث لسرعه محدده عشان كده تيجى فى نص الشهر مش بتلاقى نت لا ليل ولا نهار وبالاخص فى الصيف الكل صاحى بالليل وتجيلك على اخر اسبوع من الشهر وتظبط النت لحد اول اسبوع فى الشهر طبعا تدفع وانت مستريح ترجع تحجم السرعه من تانى وهكذا
وده كلام من ناس كانت شغاله فى الشركة نفسها يعنى مش كلام من عندى :D
انا عندى فى السنترال اللى انا تابع ليه شركه D-Link مركبه 3 اجهزه Aone بصراحه ماعرفش الاجهزه دى تخصصها ايه بس اللى اعرفه ان السرعه رهيبه وجميله بس للاسف انا مع تى اى داتا لان فعلا مشكله الـ Cancelation code هى اللى بتوقف الواحد :o
وشكرا لصاحب الموضوع :)