بسم الله الرحمن الرحيم
السلام عليكم ورحمة الله وبركاتة
طبعا انا مش هعلق على العضو اللى قال أدهم لا يملك صلاحيات فى المنتدى وانة هو شايف كدة وانة هيقفل التسجيل لشخص واحد
ردى هقول لحضرتك رحم الله كل أمرئ عرف قدر نفسوا وكلمة شايف اللى حضرتك قولتها فحضرتك مش قاعد وفاتح لوحة الأدارة وشايف كل واحد معاه ايه ورغم ذلك مش هطول فى النقطة دى لأنى مش بحب اخوض امور جانبية فى غير نطاق الموضوع
موضوع قفل التسجيل علشان شخص واحد اه طبعا يتقفل مدام العضو غرضوا افساد المنتدى يتقفل أكيد طبعا لان المصلحة العامة فوق اى شخص غرضوا الافساد والتشوية
واعتقد ان جت فترة المنتدى اتقفل لمجرد ان عضو كان بيسجل علشان يعلن عن موقع اخر للعبة
النقطة الأخيرة اللى حضرتك بتقولها وهى حظر الاى بى
يا أخى الفاضل تم حظر الاى بى اكتر من 9 مرات ورغم ذلك العضو بمجرد ما يرستر الروتر فطبيعى جدا الاى بى بيتغير وبيقدر يدخل
مثال صغير لحضرتك
196.205.114.22
فأذا حظرنا الاى بى بهذا الشكل الخاص بالعضو بمجرد ما بيرستر الروتر بيصبح على هذا الشكل
196.205.114.87
فكان الحل غلق الهوست بالكامل مما ترتب علية ظلم ناس كتيرة منعت من الدخول اعضاء بالفعل فى المنتدى
لأن الهوست خاص بشركة لينك دوت نت يعنى بنتحدث عن 70 % من اعضاء المنتدى
فهل من العقل غلق المنتدى وحظروا عن 70% من الأعضاء ام غلق التسجيل و استفادة ال 60 الف عضو من المشاركة
وايضا الروابط و المواضيع مرئية يعنى مفيش اى ضرر للزائر العادى بكل تأكيد
وحتى لو حظرنا الهوست بالكامل فبرنامج البروكسى وتغيير الاى بيهات الدول متواجد على المواقع المجانية متركش لينا اختيار
أرجو انك تتقبل كلامى وان يكون عندك المقدرة على استيعابة لأن محاورة عقول البشر بقى شئ محتاج مجهود كبير :)
طبعا هذا رأى وزاى ما حضرتك قدمت رأى وانا اتقبلتوا واعتبرتة نقد بناء فأكيد انت مجبر انك تتقبل كلامى لانة من أداب الحوار و تحاور العقول انك تتقبل نقدى وأكيد برضوا نقد بناء
لأنة لو انا متقبلتهوش كان سهل جدا اســــتغل صلاحياتى اللى فى القسم زاى ما حضرتك شايف على كلامك و اقول ردك مستفز مثلا و اوقف العضوية دة مثلااااااااااااااا يعنى
لأن من حق العضو انة يعترض ومن حق الأدارة انها توقف العضو دة اكيد حق مكفول ودى الديموقراطية يا أستاذ _tito_love_ :D
خاصة لو كان تهجم او استهزاء او تقليل من شأن احد الأداريين ;)
دمتم جميعا فى امان الله تعالى
السلام عليكم ورحمة الله وبركاتة