أشك يا مان انك هتتوب فعلا
عارف ليه؟؟
هقولك بس ماتزهقش مني
زمان في اول معرفتي بعالم النت والحوارات دي
كنت بروح سايبر اتكلم مع بنت بحبها علي الايميل
وفي يوم جيت افتح الايميل مش راضي يفتح
حاولت مليون مرة
وبرضو مش نافع
نسيت الموضوع علي كدا ومرت ايام وبالصدفة
عرفت ان اللي سرق ايميلي هوا صاحب السايبر
طبعا اتخنقت جدا بس ماقولتلوش
اتعلمت بقي وقتها البرامج البدائية زي البازوكا وال sub7 والكلام دا
واتدربت عليهم كويس اوي
وبالطبع اول حد اسرق ايميله كان صاحب السايبر
واتعرفت بكل فرد عنده علي الماسنجر بما فيهم البنات ^^
وطبعا ساعتها سعادتي مكانتش بتتوصف لما شوفته اول مرة وهوا بيشرب سجاير وبيطلع الدخان من عنيه من كتر الغضب
سعاده انك تحس انك أذكى من الناس كلها :)
وفضلت اتعلم واتعلم لحد ما بقيت دلوقتي بخترق اجهزة بعيدة عني بألاف الكيلومترات بدون أي برامج
فقط باستخدام ال dos ^^
عشان كدا بقولك انك لو دخلت بحر الهاكر
عمرك ما هتشبع من العلم دا
ودايما هتحس انك مهما كنت ذكي ف انتا جاهل وغبي
وعايز تتعلم اكتر
عشان تبقي أذكى واحد :)
تمنياتي ليك بتوبة صادقة (وان كنت أشك في كدا) :)