النهاردة حصل معايا موضوع غريب واول مرة اقابل حد بالشكل دة بصراحة ف السيرفر ..
انا من 4 ايام كنت عارض جليف للبيع فل بلو +3 .. وفل بلو من الاصلى مش اللى فيه 4 بلو وبيقولوا عليه فل بلو :D
صنع ايديا وحياه عنيا
انا بحب اعمل البلوهات والبلسات بأيدي وممكن اعمل سلاح انا مش محتاجة وابيعه بخسارة او مش ابيعه .. بس انا مزاجى بيبقى مرتاح كدة
الجليف دة صرفت عليه اكتر من 30 مليون ستونات علشان اعمله كدة ..
الكريتيكال لوحدة 8 ستونات Challenge لانى طلعت طماع بصراحة
كنت عملته 9 كرتيكال وجيت اعليه كمان راح نازل 2 .. ضربته 8 ستونات كلهم فشلوا معدا اخر واحدة .. رجع 7 بس
جيت اعرض الجليف ب 22 مليون " 21.999.999 " نسيت 9 وكتبته كدة " 2.199.999 " يعنى ب 2 مليون :D
طبعا مفاتش لحظة ولقيته طار .. كلمت الراجل اللى اشتراه قولتله على فكرة انت اشتريت الجليف بتاعى بسعر غلط وجود لاك :D
طبعا لا حياه لمن تنادى :D
النهادرة بس لقيت واحد بيكلمنى بيقولى مش فاكر انا مين ..
قولتله لاء بس شوفت الاسم قبل كدة
قالى انا اللى اشتريت منك الجليف غلط .. تعالى هوتان الجيلد مانجر علشان تاخدة ..
روحت اخدت الجليف ومش رضى ياخد ال 2 مليون اللى اشتراه بيهم ..
الراجل دة تركى ومسلم ..
اسمة
Sardunya
من اجدع الناس اللى شوفتها لحد دلوقتى مع انى لسة مش اعرفة خالص ..
بس انسان محترم .. وقالى كلمه حلوة
قالى المسلم استحاله يكون نصاب او حتى محتكر لحاجة ..
ربنا يكتر من امثاله ..
انا كترت عليكم كدة :D
سلاموز