موضوع جميل واحب اشارك فيه كمان
انا اجدع ناس اتعاملت معاها بالامانه مصريين .. ومش مصريين بس .. لا اسكندرانيه كمان .. بجد لو لقيت اي واحد اسكندراني في الجيم حتلاقيه عشره علي عشره .. انا مش بقول كده علشان انا كمان اسكندراني .. لا الاسكندرانيه معروفين بالكرم والاخلاق .... واكتر واحد انا بستأمنه علي اكاونتي واحد صاحبي بخليه يبوت الاكاونت بالليل
اما اكتر ناس بتخنق من التعامل معاهم هما التراكوه .... وهما كمان بيكرهوا المصريين ... بس للامانه برضه فيهم ناس كويسه .. بس للاسف مش كتير
اما بالنسبه للجايلدات .. فأنا افضل ادخل جايلد اجنبي ... لانهم بيقدروا الي بيدخل معاهم مهما كان
بس ياجماعه المصريين مش وحشين خالص ... الي مبوظ سمعه المصريين في الجيم ... الاطفال الي بيدخلوا يلعبوها ... والناس الي داخله اللعبه ممعهاش فلوس اصلا .. لان اللعبه دي دلوقتي بقت لعبه فلوس .. لازم تصرف علشان تلعب .. زي الناس الي بتصرف كل يوم علي الاكل والكافيتريا والسجاير
عمر المصريين ما كانوا وحشين
وتقبلوا مروري ^^