|
حرام عليكم والله حرام عليكم بجد يعنى!!
السلام عليكم ورحمه الله وبركاته اولا يا جماعه انا فى المنتدى دة من زمان وانا بستفاد منه جدا ولكن انا من النوع اللى بيقرا المواضيع ولكن ما برضش الا على المواضيع الجامدة اوى بس والله يا جماعه انا لحظت شىء اليومين دول انى الscammer زادوا اوى وبقوا مصريين او عرب المهم يا جماعه ليه كدة بتسرقوا فى لعبه دى حتى اسمها لعبه يعنى حرام عليك يا جماعه بكرة فى عذاب وفى عقاب وفى حساب الدنيا مش سايبه واحد هيقول فى دماغه ايه اللى انتا بتقوله دة وعلشان ايه علشان لعبه هقولك مش اللعبه دى انتا بتسرق فيها يا اخى طب ليه تعرض نفسك لحساب كبير مع الله سبحانه وتعالى يا جماعه انا مش شيخ والله ولا بفتى فى حاجه بس اللى انا عايز اوصله ليكم علشان انا مهما قولت عارف انى الناس انواع فى منهم الكويس وفى منهم اللى عمره ما هيهفم الكلام دة الا لما ربنا يهديه ان شاء الله اللعبه جميله جدا والله انا معاكم فى النقطه دى اللعبه شديدة جدا والله انا معاكم فى النقطه دى ولكن زى ما انتا بتلعب اللعبه دى اعطى ربنا حقه كمان ازاى؟؟؟؟ صلى وصوم وبلاش يا ريت موضوع الscammer دة اللى بهدلنا جدا واللى خلى الاجانب يتكلموا علينا بابشع الكلام مع انى معاى ناس اجانب ولكن والله العظيم كويسين معاى جدا وبيساعدونى وانا والله بحاول اساعدهم على قد ما انا استطيع وبحاول اساعد اى شخص عربى معاى فى السيرفر واذا كنتم مش مصدقين تعالوا معى فى السيرفر والله وانا اكون اقولكم ايه زى الايد اليمين بتاعتكم اساعدكم فى كل شىء انتم عايزينه يارب يكون كلامى وصل لكل الشباب اللى هنا اعذرونى اذا كنت طولت عليكم يا جماعه واسف مرة تانيه وعايز اقول حاجه انا اسمى اسلام BLE_ACH فى اللعبه من مصر بلعب فى سيرفر zues اللى عايز منى اى شىء فى السيرفر بالله عليكم ما تسرقوا تعالوا اطلبوا الشىء دة منى وانا والله لاديك اللى انتا عايزة ومن غير مقابل لانى دى مهما راحت ومهما جت هتكون لعبه ولا عمرها هتاثر فى وفيكم ان شاء الله السلام عليكم ورحمه الله وبركاته |
متشكرا جداااااااااااا
|
دة انا اللى متشكر لك لانك عرفت تفهم معنى كلامى وعرفت اننا لازم نساعد بعضنا ونمنع الscammer
|
شكرن يا مان ممكن نتعرف
عندك كام سنة؟ |
عندك حق يا اسلام والله انا كمان اسمى اسلام بس فى برسيا
|
اولا انا فرحان جدا انى لقيت ناس موافقنى على كلامى
زى mask_5_5 و اسلام ايهاب ahmedhero57566 اما بالنسبه لسؤال يا احمد انا عندى 16 سنه |
والله العظيم انت راجل 100 100 ويريت نص الناس اللى بتلعب اللعبة ديه مش هقول كلهم لأ نصهم يفكروا زى ما انت بتفكر كده والله بس المشكلة اللى مبهدلانا واللى كتير أوى مننا مش فهمه ان ديه زى مانت بتقول مهما راحت ومهما جت لعبةةةةةةةةةةةةة والله يا جماعة حرام على اى حد يخسر صاحبه علشانها والله لأنى انا عارف ان فى ناس كتييير أوى بتخسر بعضها وبتخسر اصحابها عشانها والله وأنا نفسى نفسى الاقى كل العرب فى اللعبة ديه جنب بعض ومش يكون 1 لفل صغير يعيينى يعد يكلم فى 1 لفل 80 والخيبة انو مصرى يعد يكلم فيه ويهاتى ان التانى يعبره ولو حتى بكلمه هاى لأ ليه يا جماعة كدة والله ديه لعبة ليه نسوأ سمعتنا قدام الناس الغريبة ليه عشان لعبه!!!!!!!!! ربنا يهدى الجميع.سلااااااااام
|
nice topic ya manhttp://<a href="http://www.afra7.net...40fa4aa530.jpg[/IMG]
|
والله الاخ almoniry1
والاخ moham3d وكل الاعضاء اللى شاركوا فى الموضوع كلكم شكرا ليكم انكم فهمتم قصدى وكلامك زى العسل يا almoniry1 وانتا صح صح وشكرا ليك انتا كمان يا moham3d انا بكرة ورايه امتحان بس مش مهم انا النهاردة قاعد معاككم عايز اشوف بقيت الردود موافقه على كلامى ولا لا السلام عليكم |
وعايز اضيف حاجه كمان
يا ريت ما تذللوا لحد انا عايزكم كرامتك فوق اى شىء عايزكم رافيعن رأسكم وما تخلوا اى شخص يذلكم فى اللعبه وانا زى ما قلت انا جاهز لمساعدة اى شخص معاى فى السيرفر |
اللهم لك الحمد مازل فى شبابانا الخير
والله تسلم يا اسلام انت عبرت عن اللى جواى انا من زمان نفسى اقول ياجماعه اللعبه دى فرصه لينا قدام العالم كله نقدم صوره اتحسن عن المصريين وعن العرب عامة انا والله بحاول اعمل زى اسلام كده اللهم اهدى الجميع وائل يا اسلام ضفنى عندك [email protected] |
مشكور يا اخ blueemaje
انتا ردك صح الصح الصراحه وانا الحمد لله ضفتك عندى تشكر مرة تانيه يا صحبى |
شكرا يا إسلام على الموضوع
والله يا إسلام كل ما واحد فى اللعبة يقولى gold plz بكتبله enta masri يقولى ah واللى يقولى هخليلك السوس بتاعك +5 وبرضه بيطلع مصرى والحوارات كلها علشان يسرق السوس برضه بيطلع مصرى انا سيبت persia وبلعب فى neptune علشان زهقت من المصريين اللى على persia والله الاجانب بيعملوا الواحد كويس جدا وبيكون فى احترام كبير وثقة كبيرة فى التعامل ربنا يهدى الناس اللى مش كويسة ويعقلوا ويعرفوا انها لعبة!! |
you are so kind and so honest
|
اولا اشكرك انتا ايضا يا hermione
على ردك الجميل جدا وعلى فكرة هما بيعملوا كدة بدافع انهم مش بيسرقوا وبس ولكن المصيبه الكبيرة انهم بيسرقوا وبيتباهوا مع انى فى الدين الاسلامى معروف انى الانسان لو عمل شىء غلط وربنه ستره المفروض ما يروح هو ويفضح نفسه لا اله الا الله ناس دامغهم غريبه جدا جدا جدا يارب تتوبوا من اللى انتم فيه استغفر الله العظيم يا رب شكرا ليك مؤة تانيه يا hermione على ردك اما بالنسبه لاخ XORAYONDARAA فمشكور لردك انتا الصراحه احرجتنى ^ ^ |
| الساعة الآن 12:42 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.