الموقع العربي الاول للعبة Silkroad Online - لو متضايق او مخنوق من فضلك ادخل واقرا الموضوع

[و لو عاوز يدلع "مناخيرة" ... "هيسمع" أغنيتين كدة "تحت اللسان" .... !

أما بقى لو عاوز يمتع "عينيه" ... فعليه و على one man show "ريحة ما حصلتش "!

حد حاسس بأي حاجة غلط ؟؟ !!
و لا ما حدش واخد باله أصلا ؟؟؟

متهيألي فيه غلطة بسيطة بس

ان اللي عاوز يريح ودانه ... يسمع حاجة حلوة
-و بلاش أغاني

و اللي عاوز يريح مناخيره .... يشم ريحة حلوة
-و بلاش one man show برضه

أما لو عاوز تمتع عينيك .... يبقى هتتفرج على مناظر طبيعية خلابة

( يعنى ايه برده )

حد عارف أنا عاوزه ايه ؟ و لا لسه ؟؟

بصوا كده يا جماعه (سيبوا بقا الياهو وركزوا معايا شويه قولوا منت وراجعين )

دلوقتي لوحضراتكم مخنوقين و مش طايقين نفسكم .. بتعملوا ايه ؟؟...

غالبا يعني بتعملوا حاجة تريحوا بيها أعصابكم ...

تسمعوا موسيقى هادية , أو موسيقى صاخبة

تتنططوا شويه وتطلعوا الباور الى جواكم
أوتقعدوا قدام التليفزيون تتفرجوا على أي حاجة "مسلية"

أو لو ربنا كارمكم و "دادي" جايب لك عربية, تتطلع "تتمنظر" بيها شوية .... أو .... أو .... أو.... أو ... حاجات كتيرة ممكن تعملوها لما تبقوا مخنوقين .

صح ؟؟

صح و لا لأ؟؟
( ردوا يلا ...)

أكيد معظمنا بيعمل حاجة من دول بس مش كلنا .

بس لو جينا ناخد العملية "جد" شوية
و تيجي نشوف ايه "الجزء" اللي بيبقى عاوزة "يتظبط" لما بنبقى مخنوقين ؟؟

يعني ممكن تقول انها : نفسك , قلبك , روحك

من الآخر... "جواك " هو اللي بيبقى عاوز يتظبط ,
(مش فاهمين برده)
بصــــــــــــــــــــــــــــــوا
للأسف بنروح جايين و بكل ذكاء, بدل ما نظبط روحنا , نروح "شغالين" على حاجة تانية نظبطها , أكننا بالضبط عاوزين نريح وداننا رحنا رايحيين نشرب عصير !!!

في حين اننا المفروض لما نكون مخنوقين ... نشوف ايه اللي بيسعد و يريح الروح و النفس و نعمله , مش نروح نعمل اللي بيريح الحاجات التانية في جسمنا و نعمله ...

طيب و ايه اللي بيريح الروح مثلا ؟؟

باختصار ......, الصله بالله عز وجل
بأي نوع من أنواع الطاعة ...

تصلي - تتوضى - حتى لو اتوضيت بس و ما صليتش- تقرأ قرآن , أو حتى تقعد ساكت كافي خيرك شرك , بس ما تروحش تظبط حاجة تانية غير الحاجة اللي عاوزة تظبيط ,

طيب أنا راضي ضميركم يا جماعه
عمركوا كنتوا مخنوقين ورحتوا سمعتوا شويه موسيقى و لا لا جريتوا بالعربية والا ... والا.. و حسيتوا انكوا استريحتوا ؟؟

اسمعوا بس
لو قلتوا استريحتوا ...
بتكونوا استريحتوا ,, "لحظيا" لكن أول ما خلصتوا رجعتلكوا الخنقة تاني , ده لأنه ما عالجتوش المكان اللي عاوز يتعالج ,

و اسمعوا لكلام ابن القيم في الموضوع ده :
"إن في القلب فاقة لا يسدها شيء سوى الله تعالى أبدا وفيه شعث لا يلمه غير الإقبال عليه وفيه مرض لا يشفيه غير الإخلاص له وعبادته وحده فهو دائما يضرب على صاحبه حتى يسكن ويطمئن إلى الهه ومعبوده فحينئذ يباشر روح الحياة ويذوق طعمها ويصير له حياة أخرى غير حياة الغافلين المعرضين عن هذا الأمر الذي له خلق الخلق ولأجله خلقت الجنة والنار وله أرسلت الرسل ونزلت الكتب ولو لم يكن جزاء إلا نفس وجوده لكفى به جزاء وكفى بفوته حسرة وعقوبة"

يبقى لما تبقوا مخنوقين , و تيجي تطلعوا زهقكم , افتكروا على طول انكوا مش بتعالجوا الجزء الصحيح , انتوا بتدوا"مسكنات" لأماكن "تانية خالص" غير الأماكن اللي المفروض تعالجها ..

أنا طولت عليكم , صح ؟؟

بس اتمنى أن تكون الفكرة وصلتكوا... والى عاوز اوصلهلكم وصل ...,,,

iموضوع عجبنى فحبيت انقلهلكم ...

_________________

امرت قلبى الا يعشق بعدك فاطاعنى مرغما

وامرت عينى الا ترى غيرك فصامت دهرا

وامرت ريشتى ان ترسم حسنك فرسمت بدرا

وامرت افكارى ان تنظم جمالك فنظمت شعرا
[/COLOR][/SIZE]