الموقع العربي الاول للعبة Silkroad Online - شرح الحماية من تلغيم الصفحات بـInternet Download Manager

بسم الله الرحمن الرحيم

السلام عليكم ورحمة الله وبركاتة .

كتير مننا قوى بتوصلة لينكات (مواقع) على انها حجات مهمة بالنسبالة وبيبقى فى حالة حيرة يخش الموقع ولا لا ليكون متلغم او بمعنى اصح بيخاف ليكون الموقع مش سليم .. طيب انا حبيت اشرح ليكم كيفية الحماية من تلغيم الصفحات بأبسط الطرق الا وهوة البرنامج المشهور للتحميل Internet Download Manager .

اولا ما هوة تلغيم الصفحات :: هوة دمج صفحة الانترنت بكود php وظيفتة تشغيل ملف معين فى جهازك على سبيل المثال الالة الحاسبة مثلا او اى فيرس او كليوجر والتلغيم دا فى حد نفسة مش خطأ منك لكن دا بيبقى ثغرة فى برنامج الانترنت اكسبلور الى بتستخدمة وطبعا فية ناس هتقول يعنى شركة مايكروسفت مش عارفة الثغرات ؟ لا طبعا عارفة وبترقعها بس الهكر بيكتشفوا كل يوم ثغرات جديد الى وظيفتها تهنيج المتصفح او تشغيل ملف او او .. الى اخرة , فمجرد دخولك الصفحة المتلغمة بيتم تشغيل الملف (على حسب صاحب التلغيم) بدون اذن منك ولا معرفة منك بتشغيلة وبيمر اختراقك مرور الكرام .

كيف يتم الحماية ببرنامج Internet Download Manager :: طبعا معظمكم هيسأل ازاى هنحمى نفسنا بالبرنامج دا وهوة برنامج خاص بالدوان لود ؟؟ البرنامج دا وظيفتة ان بيقبض الملفات بمجرد دخولة لصفحة فيها ملفات .. على سبيل المثال لو دخلت موقع وكانت شغالة فية اغنية هيسألك تحب يحمل الاغنية ولا لا !! طيب تمام كدا قوى بس فية مشكلة بسيطة ان فية امتدادات خاصة بالباتشات والكليوجر مش موجودة فى الداون لود مانجر يعنى بمعنى اصح مش هيقدر يقراها او يشوفها وهتتحمل وتشتغل فى جهازك عادى جدا .. فالى هنعملة هوة اضافة الامتدادت الى مش موجودة + لما تخش صفحة ويطلب منك تحميل الملف هتبقى طبعا مخير تحملة ولا لا وطبعا مش هتحملة وحتى لو حملتو مش هيشتغل فى جهازك الا لما انتا تشغلو بأيدك.

الامتدادت الى هنزودها فى البرنامج وهى بالاصح الامتدادت التنفيذية :: scr & bat & pif .

كما هنا امتداد "exe" ولكنة موجود بالدوان لودر منجر من قبل , وامتداد "com" ولكن اضافتة تسبب بعض المشاكل فى تصفح المواقع ذات الامتداد com ..كدا فهمنا الفكرة مش باقى غير الشرح !!

موقع البرنامج الرسمى : www.internetdownloadmanager.com

تابع الشح بالصور بعد تحميلك البرنامج وتسطيبة فى جهازك :

افتح البرنامج واضغط على خيارات ..

http://upload.traidnt.net/upfiles/9qz03378.gif

اضغط على انواع الملفات ..

http://upload.traidnt.net/upfiles/Fk903392.gif

اكتب الامتدادات كما بالصورة >> ثم اضغط OK .

http://upload.traidnt.net/upfiles/qR903410.gif

الان اضغط على التحميلات ..

http://upload.traidnt.net/upfiles/H8T03427.gif

تأكد ان الخيار الى بالصورة غير محدد ..

http://upload.traidnt.net/upfiles/rsX03443.gif

انتهى الشرح بحمد الله .. ان اصبت فمن الله وان اخطأت فمنى ومن الشيطان .

جميع الحقوق محفوظة لـ nEt^DeV!L ولا يسمح بنقل الموضوع بدون ذكر الحقوق .

اهداء الى : mr moon

بأنتظار استفسارتكم وردوكم وبأذن الله اذا وجدت تفاعل هنزل مواضيع كتير بخصوص الحماية الاحترافية .

اخر تعديل بتاريخ = 17/2/2010

nEt^DeV!L