|
جديد أحمد فؤاد نجم للرئيس مبارك
جديد أحمد فؤاد نجم للرئيس مبارك نؤيد سيادتك لفترة جديدة نكمل خلالها المسيرة السعيدة و بالمرة فيها نبيع الحديدة مفيش حاجة تانية نبيعها خلاص نؤيد سيادتك لأجل المزيد من اللي تحقق بفضلك أكيد بقينا خلاص ع الحميد المجيد و ربك لوحده فى ايده الخلاص نبايع سيادته ولا حد غيره كفايا علينا نبرطع في خيره و نوم شعب مصر العظيمة و شخيره يقول للحرامي ما تسرق كمان نبايع سيادته وابنه وحفيده مفيش زي فكره قديمه و جديده خرابك يا مالطة حيحصل بايده ومين فيكي يعني بيسمع آذان نبوس ايد سيادتك و رجلك كمان تخليك معانا يا ريس عشان وجودك ضرورة فرضها الزمان و من غير وجودك حقيقي نضيع دي مصر بتاعتك و احنا ضيوفك كفايا علينا يا ريس نشوفك و عاذرين سيادتك و فاهمين ظروفك عليك بس تؤمر و احنا نطيع في جزمة سيادتك كلابك يبوسوا و فوق الغلابة بجزمهم يدوسوا و شعبك ليلاتي يا ريس غموسه مذلة و مهانة و حوجة و مر لكن يعني ما دمنا شعب انتساب و دايما وأبدا فى حالة غياب متعملش لينا يا ريس حساب دي عزبة سيادتك و فيها أنت حر و دستور ما دستورشى مش فارقة خالص كلام فاضي كله يا فندم بناقص كفايا علينا الفساد اللي ماصص عرقنا و معشش و ضارب جذوره و ايه يعني تهري جتتنا البلاوي يوماتي كوارث، فضايح، رشاوي كفايا علينا القعاد في القهاوي بنستنى لما الوريث ييجي دوره |
محمد فؤاد نجم ده رائع طول عمره بس دى قديمة اوى !! بقالها 4 سنين:D:eek:مشكور يا فلفل
|
انا اول مارة اقرئها فا عجبتنى قول احطها لى احلى منتدى هههههه
|
مشكووووور يا فلفل
|
الموضوع جامد للامام تحياتى ليك وربنا يوفااك ويزيدك والى بيقول اديمه كان يحطها قبلك وعلى العموم انا كل ما هشوف ليك مشركه او موضوع هشوفه وهرد وكمان مره شكرا على المجهود
|
الف شكر يا محسن وربنا يوفااك ويزيدك
|
ولا كلمه غلط
|
والله جامدة يا مان ...
|
جامده اوي يا فلفل
|
و الله صح يا اخى
ربنا يستر على الايام الجايه |
احدى روائع عمنا نجم الكبيييييييييييييييييييييييييييييييييييييير
مشكور والله واحلى حاجة فى الراجل دا انو مش بيخاف هيحصله ايه اكتر من اللى حصله ^^ |
هههههههههه عجبتنى !
|
حلوة اووووووووووووووووووووووى يا مان
|
| الساعة الآن 12:57 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.