الموقع العربي الاول للعبة Silkroad Online - الجزء الثانى من أخطر طرق النصب فى سلك رود

1- خدعة silk charge

كلنا هنا فى اللعبة تقريبا عايزيين نشترى سيلك

و بما ان ال visa بتاعة مصر مش 3d scuerd و مفيش بنك فى مصر بيدعم الموضوع دة

و بما ان ال paypal لا يعمل فى مصر

فصعب جدا ان حد من مصر بالذات يعرف يشترى سيلك

و دة طبعا بالاضافة ان مش كل الناس تقدر تدفع او ترضى تدفع 200 و 300 جنية فى لعبة علشان تعمل chr كويسة

فالبديل

بنبدل ال gold ب silk

و من هنا بيجى ال scammer و مش هقول علية hacker لاننة لا ليس بهذا المستوى

طبعا انت لو عايز حد يشحنلك لازم تديلوا ال Id و ال pass

الخدعة هنا انة يقولك لازم تخرج علشان اشحنلك او يقولك اخرج و خش علشان تشوف السيلك

و دة طبعا كذب

الشحن يا جماعة بيكون من على الweb site الخاص بالللعبة مش من اللعبة

و السيلك بيظهرك و انت جوة اللعبة

فاى حد يقول غير كدة يبقى scammer

انا عارف ان الطريقة دى تقريبا محدش بيقع فيها بس فى ناس متعرفهاش فقلت علشان الناس الى نتعرفهاش اقولها

2-Bot و ال Clients المعدلة و Cheat programs و Scamm sites

كل البرامج بتاعة البوت و الهاك و الحاجت دى كلها

عادة بيبقى فيها Keylogger

و دى برامج بتبعت اى حاجة بتكتبها لصاحب البرنامج و طبعا من ضمن الحاجات الى بتكتبها ID and pass

3-BRUTE FORCE

البرنامج دة يا جماعة برنامج بيجرب id و pass كتير جدا

لغاية لما يلاقى حاجة و يقدر يخش على اكونت

طبعا الطريقة دى عقيمة بس ممكن تحصل

الحل اية

صعب ال id و ال pass على قد ما تقدر

و حط فيهم ارقام و حروف و @ كتير

و خليهم اطول ما يمكن

و حاول تبعد عن اسمك او تاريخ ميلادك او اسم الchr

اكتب حاجة غير متوقعة و الافضل تكون عشوائية و اكتبها فى ورقة و خليها جمبك

4 - SQL Injection

و دى بتتم عن طريق party invite و exchange invite

و دايما لو انت فى هوتان هتلاقى الموضوع دة كتير جدا

و دة بيحصل ازاى

اولا ال SQL Injection هو عبارة عن طريقة بتقدر انك تقوم فيها ان تعمل لينك ما بينك و ما بيين جزء معين و ما بين قاعدة البيانات

طبعا فى طرق و برامج بتستخدم زى t_shearch و حاجات تانية لا داعى لذكرها

المهم همة بيعملوا حاجة من اتنين يا اما بيعملوا SQL Injection فى قاعدة البيانات الخاصة بسيرفر اللعبة نفسة

و دة انا استبعدوا بصراحة لانة صعب و كمان معناها انة هيعرف ال secret answer بتاعتك يعنى مش هيكفى بسرقة الفلوس بس لا دة ممكن ياخد ال chr كلها

او بيعملوا SQL Injection لل client بتاع اللعبة الى عندك انت على الجهاز

و الى على فكرة بيبقى مخزن ال id و الpass بتاعك طول ما انت online فى اللعبة و الدليل على كدة انك لما تحب تغير ل chr فى نفس الاكونت بتعمل restart بتلاقى نفسك عند شاشة اختيار الشخصية يعنى هو عمل logoff و login تانى من غير ما تضطر انك تدخل ال id و ال pass تانى

الحل للطريقة دة

اقفل party invite و exchange invite من ال option فى اللعبة خالص

5 - Fourm hack

و دى انا عرفتها قريب

الى حصل هنا ان شركة joymax المعفنة الى ابخل منها ما شوفتش

حبت تعمل منتدى نضيف

رحت جابت منتدىPHPbb و دة على فكرة مجانى

المهم انة مش مجانى بس

دة كمان مفيهوش اى عوامل امان بالمرة

و طبعا انت بتتعامل معاة بال ID و ال Pass بتوع اللعبة

فاى حد بيفهم فية كويس

و بيعرف يعمل علية هاك كويس

فطبيعى

انة هيعرف ال ID و ال Pass

الحل انك يا اما ما تكتبشى فية خالص

يا ما تكتب فية باكونت غير الى بتلعب بية و على فكرة هما تقريبا بيعرفوا الID بس و بيحاولوا هما ببرامج مع الPass