لو شايف نفسك رخم اضغط هنا
 

زيكم يا جماعه عاملين ايــــــــــــه .......

على فكره مفيش موضوع ولا حاجه انا بس كدا بسرح بيكوا

















>>>>>>>>>>>>>>> بهزر

>>>>>>>>>>>>>>يا كدا الرخامه يا بلاش


احم احم يلا نبدا ..........

1 : هات بخاخه مطهر ديتول و أمشى ورا شخص فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول

2 : و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .

3 : لما حد يشكى لك من حاجه قوله أنا عندى مشاكل أكتر منك.

4 : فى مطعم... بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟.

5 : و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت

6 : بعد عشر دقايق ، اعمل نفس الحركه تانى

7 : و انت بتتكلم مع شخص ، ماتبصش فى وشه أبدا

8 : و انت بتتكلم مع شخص ، افضل مركز فى وشه اوى .

9 : طول ما أنت قاعد مع زمايلك ، صفر موسيقى نشيد بلادى بلادى .

10 : علق فانوس كبير فى الشارع و حبال زينه ، بشرط ميكونش فى رمضان !!! .

11 : أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .

12 : و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه .

13 : فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .

14 : اعزم ناس فى حفلات ناس تانيه "عيد ميلاد او خطوبه او فرح ..." .

15 : سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى >>>>>>>>>>>وإياك تبص وراك لأنك حتلاقي شعب مصر كلها جريت وراك

16 : فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! .

17 : لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

18 : العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!!

19 : و أنت ماشى فى حته اى حاجه تقابلك طبل عليها .

20 : غير القناه قبل نهايه الفيلم او الماتش او المسلسل بخمس دقايق .

21 :lأضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!!

22- روح عند دار ايتام وشغل اغنية الو.....بابا في

23- لو وقعت في حفرة اطلع منها وقول احسن تستاهل

24- لوحد قالك صباح الخير قول((قصدك ايه))

25- اطلع مع شباب رحلة وشغل اغنية لعبدالمطلب وكل ماتخلص عيدها

26- لو حد سألك الساعة كام قول ازاي مش فاهم؟

27- خليك قاعد مع واحد صاحبك 9ساعات وأول ماتروح البيت اتصل بية

28- اي حد تقابله في الشارع قولة حوش الي وقع منك وبصلة واضحك

29- لو حد سألك اسمك ايه قولة له مكتوب في البطاقة

30- لو حد سألك عمرك كام قول له مش عارف بس انا موجود من زمان

31- كل اما تقعد مع اصحابك ما تتكلمش غير في التاريخ

على فكرة انتة معندكش دم ورخم ومبتحسش يعنى اة روح اقف ادام دار ايتام وشغل اغنية الو بابا فين :mad::mad::mad::mad::mad::mad:انتة اكتر واحد معندوش دم شوفتة فى حياتى

رخمممممممممممممممممممممممممممممممممممممممممممممممم مممممممممممممممممممممممممممم
مشكور يا مان

متكررررر كتير اوى
بس باردوه مشكور

ههههههه .. انتا متأكد انا عن نفسى اول مرة اشوف الموضوع ده و كمان fire رد و مقلش انو متكرر و هوا اقدم منو و منك فى المنتدى ..

مشكور يا باشا على الموضوع و بجد و الله حلو اوى و احسن حاجة عجبتنى.. لو واقف جنب حد بيعد فلوس و فى وسط ما هوا بيعد قول اى رقم عشوائى "862" .. و تانى كتير هههههههه موضوع رخم اوى هاهاهاهاها

يا عم ده كلام و خلاص و تهريج يعنى مش حقيقة مكنش ليه لزمة تغلط فيه يعنى و تقولو معنكش دم كنت احسن متدرش

انا كنت عامل الموضوع قبل كده و ناس غيرى