حملة لمقاطعة سيلك رود يوم 10-11
 

السلام عليكم ورحمة الله وبركاته بعد مهزلة يوم الثلاثاء إلي فات وإلي طار فيها أكونتات أعز أصحبنا وإلي حببونا في لعبة سيلك رود أنا بناشد كل لعيبة سيلك رود عرب أو أجانب لعمل وقفه احتجاجية على حركة البلوكات دي مش معقولة بعد التعب والمصاريف وبووت وسيلك وشرا جولد يجي بكل بساطة يقولك إنت بتستخدم برنامج غير شرعي طب ما طبيعى لازم بوت لإنك حاطت لعبة ملهاش نهاية

أرجو من الكل يكون ايجابي
ياريت تحارب ادمانك لسيلك رود لمدة يوم واحد بس إلي هوا يوم الإثنين الموافق 10-11-2008
ياريت متبقاش سلبي لإن ببساطة الدور عليك إنت الإسبوع الجاي أو إلي بعده

أتمنى من كل الناس تقول رئيها في الحمله دي ونشرها على كل المنتديات المهتمه باللعبة العربية أو الأجنبية مع ذكر المصدر *******
إن أمكن

عمل صيغة مناسبة لإرسالها لشركة جوي ماكس نعلن فيه احتتجاجنا على اسلوب البلوك العشوتئي وهدر اموال المستخدمين ووقتهم

ياريت رئي كل الناس ياريت مانكونشي سلبيين فكر الدور جاي عليك كمان اسبوع أو إتنين خلييك راجل دلوقتي أحسن


ياريت إلي موافق على الحملة مايجيش موضوع ممتاز يرد عليا هنا بلينك للموضع في منتدى تاني خاص باللعبة
أو إنه يقول إنه بعتها في رسالة جماعية لكل صاحبة على الميل


---------
وأتمنى ترجمة الموضوع للغة الإنجليزية

وعمل خطاب موحد يتم إرسالة لشركة جويماكس لنعلن إحتتجاجنا على البلوكات العشوائية وإن لو الموضوع استمر مش هانستمر بدعم سيلك رود

أخوكم أحمد



الموضوع منقول

انا معاك يا مان
انا على فكرة جالى بلوك لاكونتين

انا لسا مفتحتش ايميلى من الثلاث الى فات

ربنا يستر

ممكن اعرف البلوكات دى ليه؟
ولا السبب مش معروف
El_Dezel
شكرا

السلام عليكم
تمام كدة يا مان انا بعت الموضوع على الياهو لكل الى اعرفو وبيلعب "سيلك"
وياريت دلوقتى نبدأ نشوف اقترحات من الاعضاء لصيغة الخطاب الاحتجاجى الذى سوف يتم ارسالة
الى joymax
عاوزين نشوف اقترحات .......
وتكون بالغة العربية حتى يتم اكمال الخطاب تماما وبعد ذلك يتم الترجمة
والارسال من عدد كبير من الاعضاء الى "joymax"

ياشباب :::::::::::::: اصحو شوية نشاط متنموش حتى تصحوا تلقو نفسكم block:::
عاوزين اقترحات لمقدمة الخطاب واريد التنوية على شئ وهو
ان الخطاب سيتضمن اخطارهم بهذا اليوم الذى سنتوقف فية عن اللعبة وايضا
سنقوم بدعوة كل العرب لعدم شراء اى شئ من joy max

ياعم انا مش هقولك لاء
مش هدخل الجيم يا سيدي
بس هما هتفرق معاهم !!!
وحياتك ولا هيحسوا اننا مدخلناش اصلا

لو في حل افضل يكون احسن لينا وليك برده

انا معاكو والله لكش تقولولى نولع فى شركه جوى ميكس نفسها دول بلكولى الغالى

اخى الكريم كما تضمن كلامى السابق سوف يتم ارسال خطاب اننا سوف نوقف جميع عمليات شراء السيلك من التوكيل فى مصر والدول العربية
الا يكفى ذلك حتى يخافو على مصالحهم؟؟؟!!!

فكرة ممتازة يا مان

وانا مشارك معكم لأني انا شاحن سلك وبلعب بوت خايف يكون الدور عليا xD

ويوم ارسال الرسالة الرجاء ان تبعت لي رسالة خاصة فيها الصيغة المعتمدة حتى اقوم بارسال الرسالة ايضا

اتمنى يكون ضمن الرسالة اسماء الي اخدو بلوكات وهما شاحنين سلك ونطالب باعادة الاكونتات لصاحبها على وجهة السرعة

اقترح بالتفاق على الصيغة وارسالها لجميع الاعضاء حتى يقومو بدورهم لارسالها الى joymax

انا معاكو يا مان بس عايزين حد يشوف حوار الخطاب دة

و يريت الخطاب دة يكون في موضوع جديد لوحدو

علشان كولو يبعتو والترجمة هتبقي سهلة

و انا عن نفسي مش هفتح اللعبة يوم 10/11

و عايزين نحدد مثلا الاسبوع الجاي يعني من يوم الثلاثاء 11/11

الي يوم الثلاثاء 18/11 مفيش حد يشتري سيلك علشان دي اهم حاجة ممكن تهز joymax

و انا معاكو و هتابع الموضوع