طلب مساعده
 

السلام عليكم
يا جماعه انا طارق من القاهره

اولا: بقالى تقريبا شهر بلعب aion وبصراحه الموقع هنا لعب معايا دور كبير فى انى اتعلم حجات كتييييييييير عن اللعبه فاحب اشكر كل اللى الاعضاء والمشرفين اللى فى الموقع

ثانيا : انا جربت شخصيات كتير فى العبه مش كلها بس المعظم
songwaver
sorcerer's
gunner
templer
وكل دول كويسين بس انا نفسى العب spiritmaster اتفرجت على فديوهات كتير ليه وعجبتنى الشخصيه جدا
بس لو ممكن حد يكون فاهم فى الشخصيه يعلمنى فيها شويه ويشرحلى كل حاجه عنها من نقاط ضعف وقوه واللبس والسلاح والاسكلات علشان وانا بشترى الاسكيلات لاحظت انى ممكن اشترى اسكلات sorceres و اسكيلات spiritmaster حاجه كده


اسف على الازعاج وشكرا

بسم الله
بص يا باشا
انا مش هقول لك اني فاهم اللعبه او متمكن منها
بس اتفرجت علي كل الشخصيات فديوهات و كمان بلعب بقال فتره و شفت كل الشخصيات ادامي علي مر التلفيل يعني
spirt master
هو النوع التاني من الساحر
و مميزاته انه يطلع وحش معاه يضرب في الوحش و هو يضرب من وراه و بيكونوا 4 ويند و ايرث و فاير و كولد
ضرباته سحريه و جامده جدا
ممكن يضرب كزا وحش في نفس الوقت
بيجيب دامج عالي

العيوب
ضعيف في الاسترتس
ضرباته بتحمل في وقت و لو حد ضربك و انت بتحمل سكلايه بتتكنسل

اما بالنسبه للبس
بيلبس Chain
وبيحط علي كل لبسه Msgic bost nanastone

اما بالنسبه للسكلات

ففي سكلات مشتركه بين سبيرت ماستر و سورسر
و كمان الراجل بتاع السكلات اسمه mage class فهو عندو سكلات لنوعين الميج

اما السلاح
مش عارفه الحقيقة بس انت اما تعمل الكارتكر هتلاقيه مديك لبس و سلاح حاول تجيب زيه لحد ما تعرف انت بقي ايه المناسب ليك

ملحوظه
ده اجتهاد شخصي ووارد قيه الخطا لاني انا لسه مش محترف في اللعبه انا بقول اللي اعرفه كمساعده
و اتمني يكون مفيد

شكرا على المساعده يا باشا وشكرا على مجهودك

انا مالعبتش اسبيرت ماستر ، بس بلعب سورس ونص كلامك للأسف خطأ
الوحوش اللى بتنزل مع الـ Spirit Master
Fire, Wind, Earth, Water

بيلبس Cloth مش Chain

عنده اسكيلات تعزيز دفاع مش بطالة

بالنسبة للضربات التحميل بتاعته لو انت لبسك فيه Concentration زيادة كل ماهتكون نسبة الكنسلة بتاعت ضربتك وانت بتحملها وبتنضرب في نفس الوقت بتقل

بالنسبة للأسلحة ، الاسبيريت ماستر بيمسك Spell Book

بالنسبة للسوكت

الاسبيرت ماستر بيحط Magic boost على لبس الـ PVE وبيحط Magical Accuracy على لبس الـ PVP

اتمنى أكون وضحت شيئ

يا باشا انا قايل من الاول انه اجتهاد شخصي وممكن يكون في خطا
انا لقيت الراجل عامل الموضوع و مفيش حد رادد عليه فقولت اساعد باللي اعرفه
وعموما شكرا للتصحيح اديني عرفت الصج منك

شكرا ليك يا معلم وشكرا ليكو بجد يا جماعه

حبيبي انت يا abdoharby ياعم انا بصحح معلومة مش بهاجمك ولا بقول عليك شيئ لا قدر الله
وبصفة عامة ان كل الناس تستفيد من المعلومة الصح هو دا هدفنا ..
شكرا ليك ياحاج انك اهتميت وساعدت الراجل من الأساس