|
اْई‾־־−ـ…_‗ـ•بـــحــــبـه أكـــتـــر مـــنــــك..!•ـ‗_…ـ−־־‾ई
http://img69.imageshack.us/img69/9561/685685a.gif الصحوبية .. من أكبر الفتن اللى بنلاقيها ف زماننا ده ! الجـيل بتـاعنا دلوقتي مستحيل تمشى ف الكليات ولا النوادى ولا في الشوارع .. إلا لما تلاقى واحد قاعد مع واحدة .. http://www.goodwayinlife.com/forum/d...AASUVORK5CYII= الا من رحم الله - وكتير إن شاء الله - وبعدين يا جماعة ؟ لحد إمتى هنفضل نتكلم في موضوع الصحوبية ؟!! إمتى بقى كل شاب يخاف من غضب ربنا عليه وهو مالي قلبه بحب حرام !! إمتى بقى كل بنت تعفّ نفسها من الحب الحرام ؟!! هو فعلاً قرار صعب أوي إن بنت تكون بتحب ولد وتسيبه ! أو ولد يكون بيحب بنت ويسيبها ! لكن العلاقة دى يا جماعة متنفعــــــــــش .. انت عارف ان من صفات ربنا إنه بيغير على قلوبنا ؟؟! النبى قال إن ربنا بيغير .. وغيرة الله أن يأتى العبد ما حرمه الله عليه! "عن ابي هريرة رضي الله عنه عن النبي صلى الله عليه و سلم قال : (( ان الله تعالى يغار و غيرة الله تعالى ان يأتي المرء ما حرم الله عليه )) متفق عليه http://img577.imageshack.us/img577/4572/new20113.png ربنا يغير لما قلبك يتملى بحب غير حبه ..! ربنا بيغير على قلبك لأنه بيحبك .. ! عشان كده: صعب أوى لما ييجى حب حرام يطرد حب ربنا من قلبك .. انت عارف ربنا بيرضى إنك تحب أى حاجة هو يرضى عنها تحب : شغلك , أهلك , تحب ولادك , مراتك كل دى حاجات ربنا أباحها لك تحبها .. وحٌب الحاجات دى جزء من حب ربنا بس تحب بـــنـــت هى مش مراتك ...!! أو تحبى ولــــــد هو مش زوجك ...!! (الحب ده بيطرد حب ربـنا الي في قلب كل مسلم ) وبإيدينا كده بنبنى حاجز كبــــــــــير بينا وبين ربنا الى لسه عايشين في علاقة صحوبية خد بالك ! : عشان تاخد قرار إنك تسيب حبيبتك .. أو تسيبى انتى الولد اللى بتحبيه لازم يبقى فيه ثقة في الله ويقيــــــــين ! .. أنك لو سبت الحب ده ربنا هيعوضك بحاجة من اتنين : هيعوضك بنفس الراجل ده الى أنا بتحبيه - لو أنت بنت - .. أو نفس البنت الي بتحبها - لو أنت راجل - ده لو هو مكتوبلك أصلا ..! ولو مش مكتوبلك هيعوضك بحد تانى يكرمك أكتر ويحسن إليك أكتر بكتييييييييييييييييير أوي .. وهو كده كده الشخص التانى ده لو هو مش مكتوبلك يبقى خلاص! مهما اتصاحبتو ولا خرجتو ولا سافرتو ولا سهرتو بالسنين مش هتتجوزيه ! ..وانت مش هتتجوزها .. لإن ده مش مكتوبلك في المستقبل فكده كده من دلوقتى بقى نقول احنا لازم نسيب بعض ! لو هنتجوز هنتجوز بس واحنا كسبانين رضــــا ربـــنــا مش نتجوز بس بعد سنين طوييييلة من الحب ! وفى الآخر هنتجوز بس خسرنا رضـا ربنا سنيين طويلة أوى ! وعلى فكرة انت لو بصيت ف الاحصاءات هتلاقى إن 99 % من الى بيتصحابوا بيسيبوا بعض .. طب وليييييييه من الأول ؟! يبقى جرح وخناقات ومشاكل وكمان خسرانين ربـــنـــــا لما الحب الحرام طرد حب ربنا ! واحد من الشباب .. - والقصة دى حقيقية فعلاً - بيقول : [ أنا نادراً لما بتفرج على حاجة دينية في التلفزيون فجيت عند التلفزيون في يوم لاقيت والدى بيتفرج على برنامج ديني وكان ساعتها بيتكلم عن الصحوبية وحب البنات للولاد وحب الولاد للبنات وازاى الواحد لازم يطلع من العبودية دى لإنك انت لما تذل قلبك لحب ربنا مش راضي عنه يبقى إنت كده بتشيل منه حب ربنا وتحط حب حرام ! أنا اتأثرت أوى بالكلام .. الحقيقة الشيخ الي بيتكلم ساعتها كان مبدع بالكلام اللى قاله وأثـر فيّ جداً خلاني أفكر إن أنا إزاي بأذي نفسي بحب غير حب ربنا ! لإنه ( من أحب شيئاً غير الله عـٌـذّب به ) وكمان هكون سبب في دخول البنت الي بحبها دي النار .. ولا أنا ولا هي هننفع بعض يوم القيامة .. وطالما جوازنا ده حاجة ربنا وحده العالم بيها هتحصل ولا لا انا ليه أتعب نفسي وأخسر رضا ربنا عني! المهم أخدت قرار أول ما رحت الجامعة تاني يوم قلت للبنت اللى بحبها : إحنا كده حرام .. مش هينفع نكمل مع بعض , قالتلى : مش من حقك الحب اللى ما بينا انت تكسره كده مش من حقك ! ... قلتلها : أنا عايز رضا ربنا سبحانه وتعالى عني وبعدين افترقنا عن بعض وانا خدت القرار ده لله وكانت كل شوية تبعتلى وتقولى : طب أنا خلاص هبقى كويسة .. وممكن نكمل مع بعض وأنا هبقى متدينة فبقولها : أنا عايزك متدينة عشان ربنا مش عشانى !! وبعدين حتى مينفعش متصاحبين متدينين ..!!!! وخلاص أخدت القرار مش راجع يعني مش راجع مفيش صحوبية يعني مفيش ! ] http://img577.imageshack.us/img577/4572/new20113.png وبعدين حصل إييه ...!!؟ أنا هسيبلكم إنتوا تكملوا القصة دى مش لازم أقولكم يعني : وعلى فكرة هو بعد كده اتجوز وبقى عنده فلوس كتيره وخلف ..! - لإن ده اللى هيحصل على فكرة بدون ما أقول أقسم بالله لو ربنا شاء إن ده يحصل ده أكيد الى هيحصل بإذن الله .. ربنا هيكرمه وهيوسع عليه هيفتح عليه اللى ساب حاجة لربنا .. ربنا هيعوضه حاجة أحسن منها مليون مرة .. مش ممكن واحد يكون بيحب واحدة ويتركها لله وربنا يتركه !! يلا بقى .. خُد القرار .. وسيب البنت الي بتحبها عشان ربنا وإنتي خليكي شجاعة .. وخدي القرار .. وقولي أنا مش عايزة أخسر حب ربنا مش عايزة أخسر حٌب ملك الملوك .. عشان حُب واحد من عبيده .. وخليكوا فاكرين دايماً يا شباب : .. من ترك شيئا لله عوضه الله خيراً منه .. |
جزاك الله كل خير بس ابقى قابلنى لو حد عمل كدة :D :roflmao:
|
اقتباس:
ان شاء الله هقابلك يوم القيامه و هفكرك ، بس ماتنساش انت ^_^ |
اصلا حاجة بتكون عبيطة لما تحب بنت انت اصلا مش بتحبها بس بتصاحبها عشان المنظرة بس !
|
اقتباس:
و بعدين ايه تعرف بنت وتحبها والكلام الفاضى ده امال لازمت الجواز ايه ^_^ اقتباس:
لو كل الناس هيقولو عليك مجنون عيش للناس و بعدين ديه حرام عند ربنا نفترض انتا صحبت واحدة وى فى الايام الى هيا معاك جالها نصيبها هتبقى انتا الى سبب فى انك تخليها مش تتجوز |
كلامك صح
لكن احنا اتعودنا وبقت فعلا حاجة عادية خاااالص تنك تلاقى واحد ماشة مع واحدة وتيحى تكلمة يقولك دى زى اختى يا جدع |
كلامك صح بس هتقنعنى انك مش مصاحب؟
|
اقتباس:
مش شرط ... عشان دة قمة الغلط اللي احنا وصلناله اقتباس:
انا اه الحمدلله مش مصاحب ، و إسأل عليا :) |
موضوع جميل ومفيد جدآ
|
اسف لو كلامى زعلك
|
خِلص الـكـلامــ
اسأل الله تعالى ان يُثبتنا على طريـق الـحـق ، يــاارب ثبتنـــا |
اقتباس:
|
| الساعة الآن 11:25 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.