ارجو دخول جميع من فى المنتدى (عركة خطيرة)
 

بسم الله الرحمن الرحيم من شويا كدا حوالى الساعه 8.30 كنت فاتح الموقع بعدين قفلت و رحت انا و واحد صحبى نأجر مكن DaYun (مكن كبير يعنى ) :unsure:

المهم صحبى ده اسمو على


رحنا أجرنا و خلصنا كانت الساعه حوالى 9.10 رحت انا هو هوا وقفنا فى الشارع بتاعنا (المنطقة)

المهم قاعدين بنحكى انا و هوا و كان فيه كام واحد من صحابنا قاعدين بس بعيد عننا شويه

المهم صحبى الى واقف جمبى نادا عيل صغير كان واقف مع صحابنا الى واقفين بعيد

راح قاله :-قول لمحمد (ده واحد من الى كانو واقفين الناحيه التانيه) حماده (انا) بيوقلك ك*** و بيسبلك الدين

طبعا انا مقلتش كدا بس على كان عاوز يسخن محمد عليا علشان يتصدرلى و يضربه (اصل على مش بيحب محمد و نفسه يجيله سكه علشان يعلقه)

المهم محمد جاه و بيقولى :- أحماده انتا عبيط بتقول كذا و كذا و كذا عليا ليه !

رحت انا قايله:- حد و جهلك كلام انا مقلتش حاجه

راح مزغدلى و قالى متشتمنيش تانى

:busted_cop: و من هنا اول ما زغدلى انا مسكته و اديته قلم فى التانى فى التالت و رحت مسكته و هبدته فى الحيطه راح مشنكلنى

رحت قايم مسكت خشبه و كسرتها عليه و وقعته و أقعدت ألكمله

كل ده و العيال صحابى واقفين مش قادرين يدخلوا يسلكوا خايفين

المهم الولد محمد راح قايم و شتمنى و قالى دنا حنفضك راح طلع يجرى

انا قلت راح يجيب سكينه او حيجيب عيال المهم عدت ربع ساعه و انا زهقت و مفيش حد جه

رحت قلت ل-على انا ماشى علشان تعبان

دخلت البيت كبايه شاى و سنكاوتش جبنه لقيت (على) بينادى عليا و يقولى ألحق ده جه و معاه مطوى

lol مطوة ! طبعا فعلمكم انا مش بتاع عراك و لا عمرى مسكت خشبه و ضربت بس مبسبش حقى

طبعا لازم احمى نفسى رحت ساحب التيره و العصايا (الى هيا بتاعت الشمسيه الى فيها حديده من قدام)

جاى بلف علشان اروح الشارع الى بنقعد يه هوا كان هناك

لقيته مستخبى و غفلنى و ضربنى بالمطوة (الصراحه انا كنت خايف ديه اول مره اتعارك فيها و امسك تيره و تانى حاجه ابويا و ولاد عمامى و خيلانى فى الشغل و محدش معايا )

الحمد لله جت سليمه و خربوش بسيط فى ايدى

الولا مكنششايف ان انا معايا تيره اول ما شفهم اتفجع و طلع يجرى

هههه مفكر ان انا حسيبه جمدت قلبى و قلت ادخل بقلب جامد و سبتها على الله

المهم الناس الكبيره انزهلت حمادة (الى هوا انا) ماسك تيره و بيتعارك

راحو جم بسرعه و نزلوا هدونى و سلكوا العركه (طبعا بعد ما كنت شوهت الولا و مرمطه)

خلاص الحكايه خلصت و انا مش غلطان و اخدت حقى و زياده رحت انا و (على) و قفنا ادام بيتى

لقيت اخو محمد الى انا ضربه جاى و بيقولى انتا فرحان بالتيره الى معاك انا اخويا ممكن يجيب زايها و يكسرك

المهم مرضتش ارد عليه علشان عيل صغير و ميجيش حد يغلطنى :mf_boff:



علشان محدش يقولى هجس و كلام و انا كل ده محصلتش اهى صورت الشومه و التيره :-


http://www11.0zz0.com/2013/01/22/21/507348782.jpg



http://www11.0zz0.com/2013/01/22/21/192607414.jpg



http://www11.0zz0.com/2013/01/22/21/487330574.jpg




المهم انا كدا مش غلطان صح ولا لاْ لان هوا الى بدأها تانى حاجه مش انا الى رحت شتمته ده الولد التانى راح اتكلم على لسانى و هوا المفروض ييجى بالاحترام يقولى انتا شتمت ليه مش يتجبرت عليا


انا عاوز اعرف رأيكم لأن بكره الصبح اكيد ابو الولا حييجى و انا مش عاوز اكبر الموضوع علشان متوصلش للناس الكبار و حتبقا مشكله :quistis:

انتا سنا كام يا مارو ؟

عندك امتحان بكره و فاتح الموقع ههههههههههههههههه :banned: