سؤال بخصوص الفلوس البتدفع فى البوت او الجولد
 

السلام عليكم ورحمة الله وبركاته

معلش يا جدعان انا عندى سؤال هو فى سيلكرود وبعيد عن سيلكرود الاتنين مع بعض بخصوص شحن البوت والفلوس البتدفع فى اللعبه ديه؟ يا ترى الفلوس اللى اى حد بيدفعها عشان يشترى بوت او فلوس فى الجيم حرام يعنى حرام تدفع الفلوس لانى سالت شيخ وناس قالى انه حرام لان ده ربا وزى القمار بالظبط فا يا ريت حد والده او قريبه شيخ يقولنا الكلام ده صح ولا لا وكده لان انا عايز اشحن بوت ومش عارف الفلوس الهدفعها هتبقى حرام فى البوت ولا لا

معلش انا عارف ان المواضيع البكتبها مواضيع ملهاش لزمه بس قلت اسال مش اكتر انا عارف ان فى ناس تقولك ياعم انت هتقرفنا ادينا بنلعب وخلاص.....
وشكرا

شكرا الرد وصلى .....بس يعنى هى لو فلوس من شغل انا اشتغلته الهتبقى عادى ماهو برده الواحد عايز يلعب اللعبه وكل الناس بتلعبها وبتدفع فلوس يا ريت الناس ترد محدش يقولى خلاص روح اشترى ولا الكلام المش مفيد ده

حرام طبعا يا باشا عشان دي فلوس ولدك بيتعب فيها حاول انتا تجمع gold و تشحن bot

ماشى هجمع جولد واجيبه بفلوس من الجيم بس يا رب نلاقى ناس امينه متعملش سكامر

أنا أشحن جولد وسيلك أه


بس بوت ده مستحيل دنا ملعبهاش أحسن -__-

يا باشا طب ما انت بتدفع فى جولد وسيلك برده فلوس ولا ده حلال وده حرام

انت انسان محترم

بص هى تدخل فى حاله التبذير ..
لكن لو هتدخل فى الموضوع ده صدقنى هيبقى ادمان شامل و مره هتجر مره وكل مره تقول اخر مره و هتلاقى نفسك بتصرف بالالاف زى ناس كتيير جدا و بكده يتحول الادمان الى مرض نفسى :/ و فى الاخر هتنزل silkroad 2 (2013~2015) :shiny: وفلوسك تبقى ضيعتها ..

لا طبعاً مش حرام , و اللى بيقول انها حرام عليه بالدليل .
لكى نقول على شئ أنه " حرام " يجب أن يكون هناك دليل من السنه او من القرأن على حرمانيته , و الحلال هو القاعده و الحرام هو الشذوذ .
ده بدايتاً , بالنسبه لموضوع التبذير , انا مش شايف انه يدخل فى حيز التبذير نهائياً , لأنك ممكن تدفع نفس الفلوس على أى شئ ممتع أخر , مثل خروجك مع أصحابك , فهل ده يقع تحت دائره التبذير ؟؟؟
بالطبع أنا شخص معى بعض المال , و أنا شايف أنى بستمتع و أنا بلعب الجيم ديه , فدفعت فيها المال تحت دائره المصلحه الشخصيه , أو كما يقولون التجاره , أدفع مقابل سلعه " أياً كانت السلعه لعبه عربيه أو حاجه على الانترنت !! "
التبذير ده موضوع تانى .

وزى ما انا ممكن اسرق تحت دائره "المصلحه الشخصيه".. وزى ما انا ممكن اتحرش لأنى البنات بتلبس لبس مغرى .. وزى مانا ممكن اشرب فى نهار رمضان و افطر عشان الازازه استفزتنى .. (مبدأ ضعيف المبدأ)
انا قلت فى البدايه عادى جدا لكن لو وصل لمرحله الادمان زى الباقى الى بيدفعوا بالاااف ده يبقى قمه التبذير و المرض "العقلى و النفسى" علشان "الجيم" تعتبر شيء وهمى غير مادى و غير ملموس و ده حتى بالمبدا الماركسى و الشيوعى "خبول" ..
+ محاوله التشبيه بين الفلوس الى بتصرفها على شيئ وهمى و الى بتصرفها على فسحه غير موضوعى ولا يمكن حتى نتناقش فيه ..(كأنك بتقولى الفرق بين الجبر و علم النفس اى لا يوجد اى مبدا لبناء المفارقه او التشابه )