![]() |
كواليس اجتماع التربية والتعليم والأمن تكشف اضراب المعلمين
كشفت مصادر مؤكدة للبشاير ان الدكتور ابراهيم غنيم وزير التربية والتعليم شدد على الادارة المركزية لامن الوزارة بضرورة تامين المدارس استعدادا لبدء العام الدراسى الجديد والذى سوف يبدا فى الخامس عشر من سبتمبر الحالى .حيث اشارت المصادر الى ان هناك حالة من القلق والترقب داخل الوزارة تحسبا لحدوث اعمال شغب من قبل اولياء الامور او تعرضهم للمعلمين بشكل مباشر او غير مباشر خاصة وان هناك استعدادات مكثفة من المعلمين للبدء فى اضراب مفتوح مع بداية العام الدراسى
.فى الوقت نفسه اكد اللواء حسام ابو المجد رئيس الإدارة المركزية لقطاع الأمن بالوزارة انه التقى مع رجال أمن المديريات التعليمية على مستوى المحافظات، وذلك لبحث الاستعدادات لبدء العام الدراسى الجديد، ولبحث الاستعدادات الأمنية بالمدارس على مستوى الجمهورية. أكد اللواء حسام أبو المجد أنه أثناء الاجتماع تم تكليف مسئولى الأمن بكل إدارة تعليمية بعدة تكليفات تنفذ قبل بداية العام الدراسى، مشيرا إلى أن تلك التكليفات تتضمن تفقد جميع المدارس وفحص الأسوار والبوابات وطفايات الحريق، وخطة الإخلاء بسبب حدوث كوارث طبيعية وغير طبيعية من "حرائق دون حدوث إصابات للطلاب والتأكد من أسلوب تأمين المعامل بالمدارس، وسلامة المنشآت من مبانى وزجاج وإضاءة بالإضافة إلى النظافة، مؤكدا أن تأمين المنشأة التعليمية يهدف إلى الحفاظ على سلامة المعلم والطالب. و قال إنه كلف مسئولى الأمن أيضا بتشديد الحراسة الأمنية على المدارس، لتأمين سلامة الطلاب أثناء اليوم الدراسى وبعد انتهائه، موضحا أنه وجه تنبيهات لمسئول الأمن أنه فى حال وجود عجز فى أفراد الحراسة الأمنية داخل المدارس يقوم كل مدير مديرية بالتنسيق مع مجلس أمناء المدرسة بالتعاقد مع أفراد أمن لتولى مهمة الحراسة، على أن يكون الحد الأدنى للحراسة على أبواب المدارس 4 أفراد بحد أدنى. فى الوقت نفسه علمت البشاير ان ازمة حقيقية تعيشها الادارة المركزية لامن التعليم وذلك بسبب عدم وجود عدد كاف من رجال الامن لتامين المدارس الامر الذى ادى الى تعيين موظفين مدنيين بنظام المكافة المؤقته للتامين مما ينذر بحدوث كوارث غير متوقعة.. كما اخترقت كواليس اجتماع الوزير مع رئيس الادارة المركزية لامن الوزارة حيث شهد الاجتماع ثورة الوزير وعدم رضاه عن العملية الامنية الموجودة داخل المديريات التعليمية وطالب مدير الامن باعداد تقرير سريع عن خطة تامين المدارس مع بداية العام الدراسى .فى حين رد اللواء ابو المجد بعدم وجود امكانيات كافية للتامين وان هناك عجز فى الموارد التامينية كما ان هناك ازمة مالية تتعلق بعدم توفير رواتب ثابته لموظفى الامن الذين يعملوا بنظام المكافئة مما يجعلهم يتركوا العمل دون اخطار مسبق,فى الوقت نفسه شهد الاجتماع اعراب الوزير عن قلقه من اعتصام العاشر من سبتمبر الذى يستعد له العاملون فى التربية والتعليم وشدد على ابو المجد بضرورة الاستعداد الكامل لهذا الاعتصام والتعامل مع المعتصمين بشكل حضارى. المصدر: البشاير |
هوا يعنى خلاص المرسة بقى ليها لازمة
كله شغال دروس ما شاء الله الله يرحم أيام زمان :hammer: |
كنا زمان ملزمين نروح
الان ولا الهوى لو بيعملو المعلمين بما يرضى الله مكانوش عملو اعتصام ولا حاجه لاكن................. |
امدرس بيروح يشرب شاى ويكلم
و فى الاخر يبجح ويقولك زود المرتب ! |
شكرأ على المعلمات دى
بس كلو كلام فى كلام |
اقتباس:
اقتباس:
التعميم غلط اقتباس:
محدش فكر إيه السبب!!!!!!!!!!!!! اقتباس:
و أكتر موظف حقوقه مهضومة هو المدرس اقتباس:
مفيش مدرس بيشرح خالص؟؟؟؟؟؟؟؟؟؟؟؟؟؟ اقتباس:
شمال يمين برضه المدرس هو اللي علمك اقتباس:
|
اقتباس:
, مفيش مدرس محترم بيشرح زى ما بيشرح فى الدرس الا ما رحم ربى اقتباس:
|
اقتباس:
أنا هكلمك كمدرس أنا مدرس لغة عربية أزهر المدرسة اللي أنا شغال فيها كلها من أولها لآخرها مافيهاش مدرس بيدي درس إلا مدرس واحد فقط مدرس الرياضيات بقية المواد مفيش و لا مدرس بيرضى يدي درس و مدرس الرياضيات اللي بيدي درس ده بشرح على قد ما يقدر في المدرسة و أكتر من 90% من الطلبة اللي عنده في الدرس من مدارس أخرى غير مدرسته و مش بيجبر أي حد على الدرس بالعكس في ناس بتروحله و مش بيقبلهم علشان كده بقولك التعميم غلط و الله الكلام اللي قوله ده مفهوش و لا كلمة غلط أو كذب أنا عن نفسي مدرس و مش برضى أدي دروس و الناس و الله بتتحايل عليا و أنا رافض و ده مش في المدرسة بتعتي بس ده في أكتر من 90% من مدارس محافظة الفيوم و النسبة الباقية بتلاقيها في مدارس المراكز و لو عندك أي استفسار أو أي نقطة مش فاهمها في أوضاع المدرس و الظروف المعيشية أنا تحت أمرك أهل مكة أدرى بشعابها |
اقتباس:
و ده اللى كان بيحصل معايا فى الدراسة كل مادة لازم تاخد فيها درس , كل الدفعة كانت شغالة دروس دلوقتى اللى فى ابتدائى و اعدادى مش أقل من 5 دروس فما بالك بالثانوى , تلاقى كتير واخدين درسين فى أكتر من مادة انا بكلمك عى العام مش الأزهر , فرق كبير بين الاتنين و يمكن بيختلف من محافظة لمحاقظة |
اقتباس:
بس هرد عليك و أقولك ليه كنتم ساكتين على المدرسين اللي مش بيشرحوا دول؟؟ ليه ما عملتوش مذكرة جماعية في المدرس اللي مش بيشرح و تيجي لجنة تحقق معاه و أقل حاجة هيتنقل و ممكن يتنقل و ياخد جزى تاني حاجة عاوز أقولهالك هل تعتقد إن لو دخل المدرس يكفيه هيلجأ للدروس الخصوصية؟؟؟؟ لا طبعا بدليل إن معظم المدرسين اللي حالتهم المادية مستريحة مش بتدي دروس بالإضافة إلى معظم المدرسين بيجيلهم إحباط نتيجة الغش يعني المدرس يشرح طول السنة و ييجي التلاميذ أو الطلبة تغش و تنجح بتلاقي المدرس اللي عنده ضمير بيتعقد جدا و البعض بيتقلب من كويس لوحش بسبب إنه حارب علشان يمنع الغش و معرفش فبيقول في نفسه إيه فايدة الشرح بتاعي (دي وجهة نظره) بالإضافة إلى بعض المدرسين مش بيعرفوا يشرحوا من الطلبة المشاغبين و أصبحت مسرحية مدرسة المشاغبين مثل للطلبة يحتذوا به مما أفسد التعليم و لو ضرب طالب الدنيا تقوم و تقف إزاي يضرب ابني؟؟؟ الله يرحم أيام زمان كان الأب يجيب ابنه و يقول للمدرس اضربه الوزارة اسمها تربة و تعليم في طلبة بتيجي بالكلام و طلبة بتيجي بمجرد نظرة من المدرس و طلبة بتيجي من نفسها بس في طلبة مش بتيجي إلا بالضرب فالضرب الممنوع من أسباب فساد التعليم و كتير لو قعدت أكتب مش هيكفيني كتاب لكن في مدرسين مش كويسين بطبعهم زيهم زي بقية خلق ربنا |
لا اله الا الله ربنا يستر ! اضرابات فى اعتصامات:sleep:
|
اقتباس:
|
معلش ع التأخير فى الرد
بس يا أ / عمر خلاص بقى ما ينفعش عمر لوحدها مستنى طلاب فى ابتدائى و اعدادى و لا حتى ثانوى يعملوا مذكرة فى مدرس تقدر تقول عليهم لسه عيال صغيرة اقتباس:
و ده فى معظم الوظائف الحكومية مش وزارة التربية و التعليم بس اقتباس:
يقدم فيه مذكرة و معاك ان الضرب يرجع بس فيه مدرسين بستخدمه غلط فعلا , |
اقتباس:
إحنا عندنا شوية بنات كتبت مذكرة في مدير إدارة نقلوه مش في مدرس؟؟ و فين مجلس الآباء و دوره؟؟ و الطالب مش بيروح يقول لأبوه ليه في البيت إلا إذا كان عاجبه الوضع اقتباس:
انت مثلا عندك موظفين في البنك مش رئيس بنك ولا حاجة بياخد 7000 جنيه و كانوا هيعملوا إضراب علشان يتساووا ببنك تاني بيدي 10000 جنيه ثانيا أنا مدرس متعين من سنة 2005 يعني بقالي سبع سنين و نص مرتبي كام 800 جنيه في الشهر مدرس معين من سبع سنوات متزوج و يعول و دخله 800 جنيه تعمل إيه بقى 800 جنيه مع العلم و الله إن مفيش أي مصدر دخل تاني أنا عندي طقلة واحدة و المولود الثاني جي بعد 10 أيام إن شاء الله في مدرسن تاني بنقس مرتبي و عندهم أربع أطفال؟؟ حط نفسك مكانهم هتصرف عليهم إزاي مش عاوزك تبص للطبقة الغنية بص للطبقة المتوسطة و الفقيرة هل تعلم إني ذهبت لطلب فتوى سألت فيها ما مقدار ما يجب علي إخراجه من مرتبي و الله رد عليا و قال انت يجوز ليك تاخد زكاة بلاش من دي أنا ليا مدرسن متعاقدين اللي هما بيطالبوا بالتعيين أقسم بالله مش عارفين يتجوزوا و لا يكونوا نفسهم و المرتب اللي بياخدوه بيصرفوه على أبوه و أمهم و أخواتهم الصغيرين هيتجوز إيمته ده إن شاء الله؟؟؟؟؟؟؟؟؟؟ بلاش دي ليه المدرس بيروح قطر و الإمارات و دول الخليج و يستحمل الذل و المهانة هناك؟؟؟؟ بلاش دي و أنا طالب في رابعة كلية كان مرتب المدرس في انجلترا بيساوي 2000 جنيه استرليني و كان الجنيه الاسترليني وقتها ب 11 جنيه مصري يعني حوالي 22 ألف جنيه مصري في الوقت ده الدرس اللي كان بيتعين جديد كان بياخد 155 جنيه تقريبا و المتعاقد كان بياخد 105 لحد وقت قريب سيبك من ده المدرس في اليابان الحوافز بتاعته 500% سيبك من ده بص للمدرس في الجزائر (مش من دول الخليج و لا من الدول الغنية) مرتبه بيكفيه و زيادة و أنا مرة سألت واحد صديقي جزائري عن اهتماماتهم ‘ند الزواج قال لي الشاب الجزائري يبحث عن معلمة ثم طبيبة؟؟؟؟؟؟؟؟؟؟؟؟؟؟؟ no comment اقتباس:
أنا مش بغشش نهائي تعرف إني من ست سنوات مدخلتش لجنة واحدة و لما أشتكي يقولوا وادة من اتنين ناس تقول ده بيرهب الطالبة و بينرفزهم و أنا و الله مش بكلم حد إلا اللي بيحاول يغش و عمري ما وقفت طالب إلا لما أطلع منه برشامة أو كتاب و ناس تقول حاضر هندخله و لما يدخلوني ألاقيهم مدخليني في المواد السهلة رسم_خط_إملاء_..................الخ و لو كلمت اللي فوق يقولوا يا عمر هي دي مش مواد؟؟؟؟ و لما جيت في مرة اشتكيت مدير المدرسة (شيخ معهد عندنا في الأزهر) قال للإدرارة فوق يا أنا يا هو في المدرسة دخلت الإدارة بالصلح و تناسوا الموضوع و الأهم من ده كله حتى لو منع الغش إزاي تيجي أوامر للإدارة من فوق إن نسبة النجاح لازم تكون 60%؟؟؟؟ او 70%؟؟ ده معناه إيه؟؟؟ إن لو الفصل فيه 100 اتشد عليه أوي و نجح منه عشرة من دراعهم يبقى أنا هضطر أنجح 50 معاهم علشان نسبة النجاح تبقى 60% يعني 50 طالب هينجح عافية و الله أنا كان في مدرس ابتدائي صديق ليا كان بيروح التصحيح بقلم رصاص معاه و أستيكة أقوله ليه واخد قلم رصاص و أستيكة ؟ يقولي أصل العيال سعات بيلغبطوا قبضطر أمسح الغلط و اكتب الصح و حتى لو سابك تشد في اللجان و سقط العيال و الله بيلعبوا في النتيجة في الكنترول ممكن الخمسة بيحط جنبها واحد و يخليها 15 من عشرين يعني تجيبها تجيبها كده هي كده اقتباس:
لكن اللي يضربه علشان دروس إجبارية أو مجموعات أو تعند ده تتاخد معاه الإجراءات القانونية واحد يقولك يا عم ريح دماغك منه و طلعه برة طيب أطلعه برة ليه أنا كده خليته ما يستفدش إن كان مخه شغال و بيستفيد و ممكن أكون بكاقأه يو مشاغب و زهقان و عاوز يلعب برة يعمل شغب في الفصل علشان أطلعه و في نفس الوقت منظر المدرس بيبقى وحش أدام الطلبة لو معرفش يسيطر على الطالب |
متفق معاك فى حكاية الضرب
حكاية الغش لو كلامك صح و ده أكيد تبقى كوسه و المرتبات قولت فى معظم الوظائف الحكومية مش كلها البنوك معروفة مرتبتهم عالية زى الجمارك و الضرائب برده و ول أولياء الأمور اشتكوا مدرس بتخلص فى الاخر بالصلح و ترجع ريمة لعادتها القديمة حكاية شرح المدرسين , عارف انهم بيشرحوا بس هل كلهم بيشرح فى المدرسة زى الدرس قليل جدااااااااااااا |
الساعة الآن 01:50 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.