|
من روائع رباعيات صلاح جاهين
http://i300.photobucket.com/albums/n...usicalinst.jpg
مختارات من رباعيات صلاح جاهين نظرت في الملكوت كتير وانشغلت وبكل كلمة ليه ؟ وعشان ايه ؟ سألت أسأل سؤال .. الرد يرجع سؤال وأخرج وحيرتي أشد مما دخلت عجبي !! خرج أبن أدم من العدم قلت: ياه رجع أبن أدم للعدم قلت: ياه تراب بيحيا .. وحي بيصير تراب الأصل هو الموت والا الحياة ؟ عجبي!! ضريح رخام فيه السعيد اندفن وحفره فيها شريد من غير كفن مريت عليهم .. قلت يا للعجب لاتنين ريحتهم فيها نفس العفن عجبي!! والكون ده كيف موجود من غير حدود وفيع عقارب ليه وتعابين ودود عالم مجرب فات وقال سلامات ده ياما فيه سؤلات من غير ردود عجبي!! كان فيه زمان سحلية طول فرسخين كهفين عيونها وخشمتها بربخين ماتت. لكن الرعب لم عمره مات مع إنه فات بدل التاريخ تاريخين عجبي!! أحب أعيش ولو أعيش في الغابات أصحى كما لودتني أمي وابات طائر .. حوان .. حشرة .. بس أعيش محلا الحياة .. حتى في هيئة نبات عجبي!! عجبتني كلمة من كلام الورق النور شرق من بين حرفها وبرق حبيت أشيلها في قلبي .. قالت حرام ده انا كل قلب دخلت فيه اتحرق عجبي!! قالوا الشقيق بيمص دم الشقيق والناس ما هياش ناس بحق وحقيق قلبي رميته وجبت غيره حجر داب الحجر .. ورجعت قلبي رقيق عجبي!! يوم قلت آه .. سمعوني قالوا فسد ده كان جدع قلبه حديد واتحسد رديت على اللايمين أنا وقلت .. آه لو تعرفوا معنى زئير الأسد عجبي!! *يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!! دخل الربيع يضحك لقاني حزين نده الربيع على إسمي لم قلت مين حط الربيع أزهاره جنبي وراح وأيش تعمل الأزهار للميتين عجبي!! مهبوش بخربوش الألم والضياع قلبي ومنزوع م الضلوع أنتزاع يا مرايتي يا اللي بترسمي ضحكتي يا هلتري ده وش والا قناع عجبي!! حبيت .. لكن حب من غير حنان وصاحبت لكن صحبه مالهاش أمان رحت لحكيم واكتر لقيت بلوتي إن اللي جوه القلب مش ع اللسان عجبي!! ليه يا حببتي ما بينا دايماً سفر ده البعد ذنب كبير لا يغتفر ليه يا حبيبتي ما بينا دايماً بحور أعدي بحر الاقي غيره اتحفر عجبي!! ورا كل شباك ألف عين مفتوحين وانا وانتي ماشيين يا غرامي الحزين لو التصقنا نموت بضربة حجر ولو افترقنا نموت متحسرين عجبي!! نوح راح لحاله والطوفان استمر مركبنا تايهة لسه مش لاقية بر آه من الطوفان وآهين يا بر الأمان إزاي تبان والدنيا غرقانه شر عجبي!! على رجلي دم .. نظرت له ما احتملت على أيدي دم .. سألت: ليه؟ لم وصلت على كتفي دم .. وحتى على رأسي دم أنا كلي دم .. قتلت؟ والا اتقتلت؟ عجبي!! أنا كل يوم أسمع .. فلان عذبوه أسرح في بغداد والجزائر واتوه ما اعجبش م اللي يطيق بجسمه العذاب واعجب من اللي يطيق يعذب أخوه عجبي!! *انا شاب لكن عمرى الف عام وحيد لكن بين ضلوعى زحام خايف لكن خوفى منى انا أخرس لكن قلبى مليان كلام عجبى!!! *يا باب يا مقفول ... إمتي الد*** صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! الله يرحمك يا عم صلاح |
الراجل ده اسطوره بجد كنت بموت فيه و كنت بسمع رباعاياته لما كان بيغنيها علي الحجار زمان تعرف يا زيزو انت رجعتني ورا بتاع 10 سنين ^^ الف شكر علي الرباعيات التحفة دي
|
صح الراجل ده انا بسمع عنه كتير بس مكونتش اعرف ان الرباعيات بتاعه جميله كده شكرا حبيب قلبى متحرمناش من مواضيعك تقبل تحياتى
|
اقتباس:
10 سنين ؟ هو انت عندك كام سنة اقتباس:
|
انا عندي 17 سنة يا زيزو ^^
|
شاعر من يومه
شكرااااااااااااااااااااااااااااااااااااااااااااااا ااااااااااااااااااااااااااااا يارب ادى تنزل من على حرف الالف اااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا |
اقتباس:
|
مشكوووووووووووووووووووووووووو قد الدنيا والسما والارض والفضاء وكل حاجة
انا كنت هموت والاقىالرباعيات دى بجد انا بعشق صلاح جاهين وبعشق كلماته وبعشق اغانيه اللى اتلحنت يااااااااااااااه مشكور اوى بغباء وبالعبيط ومترحمناش من الحاجات دى استمر بقا ، هه ، استمررررررررررررررررررررررررررررررررررررر |
روعـــــــــــــة مش قادر اقولك ازاى
رباعيات جامدا اول والله ايه دا فعلا جميلة |
مين صلاح دا صلاح الدين لايوبي؟؟؟؟؟ :)
|
| الساعة الآن 01:16 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.