الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   لو سألتك انت مصري تقولي ايه !! (https://silkroad4arab.com/vb/showthread.php?t=427797)

Halim 09-05-2012 04:25 AM

لو سألتك انت مصري تقولي ايه !!
 
http://www5.0zz0.com/2012/05/09/00/350785170.png



طبعا سؤال مهم قوي من واقع اغنية نانسي عجرم وهو سؤال "لو سألتك انت مصري تقولي ايه !!!!!!


والإجابة من كل شخصية من دول علي هذا السؤال هتكون مختلفة حسب طبعه وطريقة كلامه ونشوف مين هيجاوب :



أشرف عبد الباقي : لو سألتك انت مصري تقولى ايه!! اه مصري يا معلم طبعا امال ايه يلا يا رمزي يلا طبعاااا مصري يلاااا يلااا ياد من هنا ياااد

مرتضي منصور : نعم يا حبيبي؟؟؟ طبعا مصري انت بتشك ولا ايه؟؟ مصري اكتر منك ومن اهلك وانا عارفك علي فكرة وهاجيبك

يسرا: طبعا مصرية المصري اصلا حد جميل وشخصية امورة جدا وانت حد جميل قوي انت اسمك ايه ؟

أسامة منير : انا مصري بحب وبعشق كل حاجة في مصر بحب ترابها بحب سمارها بحب شمسها بحب "خلاااص ياعم اسكت بقي"

مروة رخا : طبعا مصرية بحب كل حاجة في مصر بس مش بحب الرجالة المتسلطة البايخة اللي فيها بلاقي الرجالة كده زي كائن عنكبوتي ساذج متحذلق أيوني الهوية واشبه بكائن السلطعون

معارض سياسي : لاااا يا حبيبي السؤال ده تسأله لناس احنا عارفينهم كويس قووووي ..ماااشي يا حبيبي مش ليا انا خالص انا محدش يزايد عليااااا انت فاااهم انا وطني جداااا

نوال السعداوي: طبعا مصرية وجميلة كمان اصل الجمال مش مجرد جمال سطحي كده انا قدام نفسي اجمل امرأة مصرية

مدحت شلبي: اولا اقولك يا مساء الانوار عليك واقولك طبعا مصري واقول للقلة المشككة المنحرفة "انتوا مش فاهمين حاجة" مع احترامي طبعا..انتوا شوية بهايم..مع احترمي طبعا..انتوا مينفعش تطلعوا علي المحطات وتتكلموا عن مصريتي لانكم كلاب مع احترامي طبعا

شادي محمد : والله بسم الله الرحمن الرحيم هو انا اكيد مصري يا كابتن وبحب مصر جدا وبسم الله الرحمن الرحيم الواحد بيحاول يبقي مصري علي قد ما يقدر وان شاء الله نجتهد الفترة الجاية ونقدم احسن حاجة عندنا يعني شكرا يا كابتن

ايناس الدغيدي : مصرية مش مصري ..كلمة مصري او اي حاجة مذكرة بتجيبلي اشمئزاز لاننا في مجتمع ذكوري قذر منحط

احمد فؤاد نجم : مصري!! ده انا مصري من صميم قلبي واقول للحاكم بتاعنا ..او الحاكم الجاي..يا عريس الدولة افرح واتهنا واخرج من جنة وادخل علي جنة مش هارية بدنا ولا فاقعة بض..تيييييييييييت

ممدوح فرج : هااااي انت اكيد مصري ..وكنت بطل العالم بإسم مصر حتي لو كنت بلاعب علي ايامي لعيبة بكروش وبيعرجوا اصلا في حلبة المصارعة بس انا بططل مصري
وثواني ونرجججججججججع لبعض تاني


عمرو أديب : امال ايه يا سيدي ..يا سلام بقي علي مصر بليل والواحد بياكل من عند بلبع والاكل بيلعب كده في الطبق وحتة الكفتة بترن فوق الطرابيزة مع الطحينة بقي يااااااااه يا سلام علي مصر

تامر حسني : اجمل حاجة فيك يا مصري هي دي..اااااااه هي دي طيبة قلبك..واجمل حاجة في ابن بلدي هو ده ااااااااااه هو ده...وبعدين يا عم هو انا كنت اعرف اربي شعر صدري ده من غير مصر مصرونيلها الطيب هو اللي نبت شعري المشهور ده وبعدين انا نجم الجيل المصري

حمادة هلال : مصري وابن بلد واحب اقول لمصر "واقع في شبكتك وبخطط وبتكتك..مستني اللحظة اللي الاقيني شبكتك اااااااه ما انا قلبي اتخبط واتقطع واتفرتك "

اخوان مسلمين : مصري مسلم موحد بعون الله واحب اقول "اسلااااااااامية اسلاااااااااامية"

علماني مصري : انا مصري اه انما ده ميمنعش اني اكون منفتح علي كل الثقافات الاخر واخد منها كل حاجة الحلو والوحش والاغنية بتقول "لو علماني كلام تاني كلام مقدرش يا قلبي عليه "

علاء صادق: مصري حتي النخاع..واشعر في بلدي بكل است..ولي في مصر الكثير من الرفاق..وبعيد عنها اشعر بغربة واحتراق

معتز الدمرداش: اه مصري يا سيدي ..ايه يا عم الحكاية دي ؟
وانتتتى فين ياحكوووومة

مني الشاذلي: نعم نعم انا مصرية..ولكن عفوا لا اسمعك بوضوح

عدوية: طبعا مصري ياااعم..امال يعني ايه ياااعم..والناس الحلوة دي ايه يااااعم..والصحبة الحلوة دي ايه ياااااعم...طبعا مصري ياااااعم

Halim : طبعا مصرى وافتخر وبحب مصر والنادى الاهلى ان شاء الله يكسب وابو تريكه يجيب جون شوفت انت عماد متعب لما رقص حسنى عبد ربه ولا شريف اكرامى ولا مانويل جوزيه ولا محمد بركات ساعت باير ميونخ وبحب مصر
هههههههههههههههههههههههههههه


وانت هتقول ايه لو سالتك

انت مصرى !!!!!!!!!!!!





http://www5.0zz0.com/2012/05/09/00/451549035.png

CHI-VA 09-05-2012 04:32 AM

طبعا مصري...انت من القله المشككه اه اه انا عارفك وهجيبك ....يالا يا
من هنا ....بطل مطلبلك المدير ....


هههههههه
شكرا ع موضوعك ويشرفني اني اكون اول واحد رد

ALEX_MOON 09-05-2012 04:35 AM

مصر يعنى ام الدنيا يعنى تانى و تالت و رابع يعنى الاهرامات يعنى اسكندرية يعنى النيل و رقصنى تارارارا انا مصرى تارارارا اسكندرانى تارارارا بحب مصر تارارارا و بموت فيها تارارارا اوعى وشك تارارارا مصر حببتى تارارارا و الموضوع جامد تارارارا تسلم ايدك تارارارا اه يا كابتن تارارارا ولعها تارارارا مع السلامة تارارارا

Halim 09-05-2012 04:45 AM

اقتباس:

المشاركة الأصلية كتبت بواسطة alex_moon (المشاركة 4139182)
مصر يعنى ام الدنيا يعنى تانى و تالت و رابع يعنى الاهرامات يعنى اسكندرية يعنى النيل و رقصنى تارارارا انا مصرى تارارارا اسكندرانى تارارارا بحب مصر تارارارا و بموت فيها تارارارا اوعى وشك تارارارا مصر حببتى تارارارا و الموضوع جامد تارارارا تسلم ايدك تارارارا اه يا كابتن تارارارا ولعها تارارارا مع السلامة تارارارا


نورت الموضوع يا رايق :59: تارارارا
تارارارا تارارارا تارارارا تارارارا تارارارا


Halim 09-05-2012 04:46 AM

اقتباس:

المشاركة الأصلية كتبت بواسطة black_knife (المشاركة 4139181)
طبعا مصري...انت من القله المشككه اه اه انا عارفك وهجيبك ....يالا يا
من هنا ....بطل مطلبلك المدير ....


هههههههه
شكرا ع موضوعك ويشرفني اني اكون اول واحد رد

تشرفت بمرورك يا برنس :)

FightToDie 09-05-2012 09:13 AM

لا اكيد مصرى دا انا مصرى بقالى 16 سنة

XORAYONDARAA 09-05-2012 09:15 AM

مصريتى (والحمد لله) شرف لا ادعيه.......... واحيانا جريمة لا انكرها.........

™~BeSo~™ 09-05-2012 10:21 AM

هههههههههههههههههههههههه اجبللك نانسي عجرم ترد عليك يعني

:hands:

T__O__P 09-05-2012 01:36 PM

معرفش هو انا عابش بقالى 17 سنه شوف انتا بقى ورد عليا :emoticon_cincin:

omar34 09-05-2012 02:48 PM

مصري و لو مش مصدق اسأل الحكومة بتاعتنا

Halim 09-05-2012 05:01 PM

شكرا لمروركم يا شباب

popo369 09-05-2012 05:08 PM

انا مصرى حتى اخر نقطة دم حمره عندك
حفضل مصرى حتى لو عزبوك و ضربوك
مش حسيب مصريتى ابدا

.
.
ايه الفيلم العربى الى انا عايش فيه ده

Kemo Eagle 09-05-2012 05:17 PM

اقولك انا مصرى من زمان
يــــجى كتير يعنى
بس عايش بقالى كتير
وانت عامل ايه دلوقتى ؟

Halim 09-05-2012 05:52 PM

اقتباس:

المشاركة الأصلية كتبت بواسطة Kemo Eagle (المشاركة 4139565)
اقولك انا مصرى من زمان
يــــجى كتير يعنى
بس عايش بقالى كتير
وانت عامل ايه دلوقتى ؟

شكرا لمرورك

winnie 09-05-2012 08:25 PM

مصري و ابويا مصري و امي مصرية و خلتي مصرية

و خالي امريكا :texano:


الساعة الآن 01:48 PM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.