الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   باصى ياحماااااااااااااااادة " team work " (https://silkroad4arab.com/vb/showthread.php?t=419040)

Halim 11-03-2012 05:19 PM

باصى ياحماااااااااااااااادة " team work "
 
باصى ياحمادة





سيداتي آنساتي سادتي..


معلش علشان بزيع مطش



رجعنالكم مرة تانية للتعليق على مباراه
الهلال و الحناكيش ..





وزي ما حضراتكم شايفين الكورة مع حمادة من فرقة الحناكيش ..




حمادة معاه الكورة..



ماشي حمادة بالكورة..



عدى حمادة من الأول والتاني والتالت..



خلاص كفاية كده يا أبوحمييييييييييييييد باصي لزمايلك بقى..



طبعا حضراتكم سامعين زملاءه وهم بيندهوا عليه







"باصي ياحمااااااااااااااااااادة .. باصي يا عم !"

><
><
><
><
><
><
><

http://www11.0zz0.com/2012/03/11/00/321040648.jpg




وحمادة ولا هو هنا..




ماشي حمادة بالكورة..







قرب على الجول..






هيشوط..




ممكن يجيب جول..




آآآآآآآآآآه ه ه ه ه ه ه ه..








برافو عليك يا ميشووووووووووووووووووو ..



مدافع صلب بصحيح..



انتهز إن حمادة تعب من المشوار الكبير اللي عمله..



وخطف من قدامه الكورة قبل ما يشوطها..



وضاع المجهود..








مش كنت باصيت الكورة لزمايلك يا ابو حميييييييييييييييد ؟!







تفتكر شفت المشهد اللي فات ده كام مرة؟!








كام مرة كنت "حمادة" اللي مفكر نفسه بيلعب المباراة لوحده وبس..


مع إن فيه عشرة تانيين بيلعبوا معاه في نفس الفريق ؟


















وكام مرة كنت مطنش زمايلك وهم بيندهوا عليك


"باصي يا كابتن .. باصي يا عم .. باااااااااااااصي يالاااااااااااااااا !"



وعملت نفسك مش واخد بالك..



لأنك متخيل إنك لو باصيت الكورة لحد تاني وجاب هو الجول هو اللي هياخد كل الأضواء..



وإنت مهما عملت مش هتاخد ضوء زيه؟








انا عن نفسي شفتها كتيييييير .. يمكن ساعات كنت منهم زمان


بس الحمد لله دلوقتي مابقتش كده خـالص










وكام مرة جالك شعور وإنت بتلعب كورة ولا بتعمل مشروع مشترك مع زمايلك في الجامعة

ولا وانت بتشتغل مع مجموعة كبيرة في شغل ما او كنت كمان فى العمل الدعوى ..



بأنكم تفتقدون أهم حاجة..

بتفقدوا أهم سبب من أسباب نجاح أي مجموعة بتشتغل مع بعضها..







روح الفريق.. TEAM WORK








معلش ياشباب معظمنا معندوهوش الثقافة دي..



ثقافة الكل في واحد..



وده مش مبدأ اشتراكي شيوعي لو جه في بال حد منكم..



مطلقا..



ده مبدأ إنساني وكمان دينا بيدعوا له وبيحضنا عليه ..



مبدأ ربنا سبحانه وتعالى فطرنا عليه لما خلانا مانقدرش نمشي بشكل متزن إلا لو كنا بنمشي على رجلين اتنين مش رجل واحدة بس..



واللي خلانا نشوف بشكل أفضل لما نبص بعنينا الاتنين مش عين واحدة وبس..



واللي خلى أجدادنا يلخصوا الكلام ده في مثل بليغ جدا..




إيد لوحدها ماتصقفش





وفكرة الابتعاد عن الأنانية والذاتية والعمل بروح الفريق سبب رئيسي في تقدم البشر والناس...









حتى الحيوانات والحشرات يا جدع !!!!!







على العموم ...





اقعد كده على سلم بيتكم..








وتابع مجموعات النمل وهي بتتحرك وبتنقل ذرات السكر اللي وقعتها على السلم ..




هتلاقي لو ذرة السكر كبيرة..




حوالي خمس أو ست نملات بيشدوها مع بعض..




عمرك ماهتلاقي نملة عاملة فيها "شجيع السيما" وماسكة ذرة السكر الكبيرة لوحدها وبتجري بيها هي وبس..




لأن النملة عارفة إن




"نملة لوحدها ماتصقفش"!






بلاها نمل دلوقتي...




وتعال للبشر..







البشر الحقيقيين..







دكتور "أحمد زويل" عالمنا المصري اللي أخد أهم جايزة عالمية في العلوم..



دايما بيكون حريص على إنه يؤكد إن الجايزة مش بتاعته وبس..



وإن الكشف اللي وصل له ماوصلوش لوحده.. أبدا..



كان دايما بيؤكد أن وراء الاكتشاف ده فريق عمل كبير جدا..



وأنه لولا الفريق ده متعاون عمرهم ما كانوا وصلوا لكل اللي وصلوا له..





وتخيلوا أن دكتور "زويل" قال مرة إنه كل يوم بيصحى الصبح وهو مبسوط جدا إنه هيروح الشغل عشان يشوف آخر النتائج اللي توصل لها الفريق اللي بيشتغل معاه..




لا فكر بقى في مين اللي هياخد الشهرة..




ولا فكر بقى مين اللي هيجيب جول..




كل اللي فكر فيه إن الفريق هو اللي هيكسب..





ودلوقتى


مش برضه احنا محتاجين روح الفريق في اي عمل جماعي نكون فيه ..







محتاجينها في البيت والمدرسة والجامعة والشغل وفى الدعوة .







وهنا في المنتدى كمان





والان


قولولنا ازاي ممكن نغرس روح الفريق..



وروح الجماعة فينا..




واحكوا لنا عن تجاربكم اللي قمتم بيها مع ناس تانيين ونجحت عشان روح الفريق كانت

مزروعة جواكم..




وإيه التجارب اللي فشلت لأن روح الأنانية كانت مسيطرة عليها..









فى انتظار ردودكم ومشاركاتكم ان شاء الله

iMido 11-03-2012 05:58 PM

اوعى يا حماده
بس خد بالك سعات بيبقى التيم ورك كلو مغرور ف انتا بتتطر تعمل زيهم :crybaby:
لان كل واحد عايز يثبت بفسه و مش همه الباقى
ده كده على فكره مش تيم ورك
ده يتيم ورك ( ورك فرخه ورك بقره والله مش عارف )

| - CreSpO - | 11-03-2012 06:09 PM

تمام والله كلمك كله سليم

والمقدمه اللى فى الاول دى فكرتنى بكابتن ماجد :lol2:

Loleta 11-03-2012 06:10 PM

كلو حماده الايام دى :moon:

elhaidi 11-03-2012 06:15 PM

بس بقا يا عم انا رايح العب كورة كمان ساعة انت بتفكرنى بواحد انااااااااانى موت لو قتلت نفسك مش هيبصيلك حاجة رخمة بجد و انا كنت ساعات بعملها بس بتأسف للناس مش بيكون قصدى الكورة بتجورنى للرزيلة :shiny: :shiny:

ابوسيف2007 11-03-2012 06:16 PM

مشكووووووووووووووووووور

Halim 11-03-2012 06:32 PM

اقتباس:

المشاركة الأصلية كتبت بواسطة mrnuker00 (المشاركة 4071923)
اوعى يا حماده
بس خد بالك سعات بيبقى التيم ورك كلو مغرور ف انتا بتتطر تعمل زيهم :crybaby:
لان كل واحد عايز يثبت بفسه و مش همه الباقى
ده كده على فكره مش تيم ورك
ده يتيم ورك ( ورك فرخه ورك بقره والله مش عارف )

شكرا على الرد
بصراحه هوا ولا ورك فرخه ولا ورك بقره
هوا ورك نمله ^^


اقتباس:

المشاركة الأصلية كتبت بواسطة ::. > cresbo < .:: (المشاركة 4071943)
تمام والله كلمك كله سليم

والمقدمه اللى فى الاول دى فكرتنى بكابتن ماجد :lol2:

تسلم على الرد يا اخي

اقتباس:

المشاركة الأصلية كتبت بواسطة ابوسيف2007 (المشاركة 4071957)
مشكووووووووووووووووووور

مشكووووووووور على مروركـ :hideingbhindcurtian

Sad_Angel 11-03-2012 07:36 PM

موضوع جميل ومنسق كمان

بالتوفيق


:gun_bandana::gun_bandana:

omar007 11-03-2012 09:01 PM

فكرتك وصل يا معلم

Halim 12-03-2012 03:20 AM

اقتباس:

المشاركة الأصلية كتبت بواسطة Sad_Angel (المشاركة 4072012)
موضوع جميل ومنسق كمان

بالتوفيق


:gun_bandana::gun_bandana:

:welcomeani:
شكرا

Halim 12-03-2012 03:21 AM

اقتباس:

المشاركة الأصلية كتبت بواسطة omar007 (المشاركة 4072126)
فكرتك وصل يا معلم

نورت الموضوع يا معلم^^

Fighter Cool 12-03-2012 03:30 AM

تمام اوي

حلوه الفكره ^^

Halim 12-03-2012 03:42 AM

اقتباس:

المشاركة الأصلية كتبت بواسطة fighter cool (المشاركة 4072491)
تمام اوي

حلوه الفكره ^^

شــكـــر ا ^^

™ThePuppet™ 12-03-2012 02:48 PM

فعلا والله ايد لوحدها متساقفش


الساعة الآن 05:10 AM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.