الموقع العربي الاول للعبة Silkroad Online - عصير دماغ هيكتور الحكيم

http://3.bp.blogspot.com/-A0KFsxKzsu...yneighbour.jpg

كان يوم مريب..رهيب..غريب..تل أبيب..سمه ما شئت بلا تثريب..ولكن لحسن حظى انتهى أخيرا-بعد يومين من السهر- بقرص Xanaxوكوب من الحليب..
وطفقت اردد فى عقل بالى .."تباً له من يوم بطيئ"..
شرعت ارددها عشرات المرات..حتى ابتداء مفعول القرص المنوم..أو هكذا تخيلت.. وبينما يتثاقل جفنىّ فى تروى..اذ بباب الحجرة يفتح عنوة..ويدخل شخصين من فصيلة المصارع Umaga-الله يرحمه أو ميرحموش أنا مالى- ويعكوشانى من ياقة البولوفر ويجرجرانى على ملو وشى -حقيقتاً لا مجازاً- وعبرت باب الحجرة الى بهو واسع..مضيئ.. بل باهر الاضاءة.. مهلاً هذا ليس بمنزلنا..!
what the hell is that?!!"0 "شرعت اهمهم بها لنفسي.. ولم تمر دقيقة حتى اعتادت عينى النور..
فإنصرف الدبل اوماجا من المكان..وأبصرت بكائن بدين من المفترض أنه انسان..
كان ينظر لى فى ابتسام.. وبين الحين والحين يرشف من ماج يتصاعد منه الدخان..
جاء لذهنى أنه حكيم من حكماء الزمان..ولكن هذا الحلق الفضى فى حلمة ثديه مسحت تلك الفكرة الاثمة من عقلى بالأسيتون..!
فهمهمت بإستنكار والأفكار تداعب عقلى ولا أجدعها هاند جوب:-
- إيه الشيئ ده؟؟...بوذا؟!

http://www.mailands.com/images/movie/24893/b0.jpg

فإبتسم لى ابتسامه كادت تفقدنى بصرى من لمعانها وقال بصوت مرح:-
- ههههه..لا..هايدى مو بوظة..مابتشوف الفابور(Vapour) عم يطلع منها؟!هادا شاى بالياسامين..
فشخرت فى سرى-أو علنى مش فاكر- ورددت بملل:
- يا فاصل اومى..لا يابا فوكك من حوار العروبة ده وكلمنى مصرى...شو خره اسمك يا أخى..!
فقهقه بشدة حتى كادت طبلتى اذنى ان تتخرم..وقال:
- ههههه..ماشى يا برنجو..أنا هيكتور ..
-خخخخخخخخخخخخ..احمس..
- نط فعينك فقعها..مستغرب ليه؟؟
-يا عم مش فايق تيت أم بطئك..انت ميييييييين؟
فرشف رشفة من ماج الشاى وقال:
- قولتلك انا هيكتور ..
دورت بعينى على حاجه ابطحه بيها فملاقيتش..فبصيته ببرود وقلت:
- واللى يولع اللى قدامك ده يطلع مين..خخخخ..أه اللى هو أنا يا عم الاليفنت..!

http://www.sxc.hu/pic/m/b/bu/bubblef...nt_statue_.jpg

فضحك ضحكة كادت تنثقب زائدتى الدودية بسببها وقال:
- أنت هيكتور ..وانا هيكتور ..والبقر اللى جابوك ليا برضه اسمهم هيكتور ..فى الواقع..كلنا هيكتور ..
-مش فاهم من تيت أمك حاجه يا إليفنت..
-أقعد وهفهمك كل حاجه..
بصيت يمينى وشمالى انى الاقى ورقة جرنان حتى اترزع عليها مفيش-حكم صاحبكم نضيف- ففضلت واقف وقولت أهو تمرين للسمانه..بس لما فضل متنحلى زى البومة.. قعدت ع الارض وسبتله التيت ف سرى..
وابتدت الاسئله....

http://2.bp.blogspot.com/_z_kFBi5wYM...umb4364270.jpg

ملحوظة:
(اللى فهمته من تيت الليلهدى انى تم إختيارىلإبلاغى بخفايا الامور..على يد الحكيم المغرور..هيكتور ..
وطلع ان هيكتورده لفظ بيطلق..خخخخخ..اقروا وبلاش دوشه بقى..)

أنا بعدما اتخذت وضع القرفصاء:
-سيدى الحكيم هيكتور ..ممكن أعرف أحنا كنا فين و رايحين على فين..؟
هيكتور مشيرا بيده الى اتجاهات عشوائيه :
- ممكن طبعاً يا معلم..إحنا كنا هناك..ورايحين على هناك..أتمنى تكون الإجابه وصلت..!
أنا متحسساً اى حاجة تييجى على بالك بس (بس بلاش قلة ادب):
-احمس يا سيدى..طبعاً وصلت.. تيت ام شخصيتك الحكيمه.. وبمناسبة أبلة فايزة الحكيمة.. إيه الفرق بين الحكمة والمعرفة..؟
هيكتور مشلحاً الرداء المهلهل من على كتفه:
- اممم..سؤال لذيذ..بيفكرنى بشفايف البت ناهد..المعرفة يا برنجى بالنسبة للحكمة زى الطماطم بالظبط..

http://www.foodpoisonjournal.com/upl...oes%281%29.jpg

أنا:
- ممكن توضح شوية تيت اهلى ..حكم كلامك غامض حبتين..
هيكتور معيداً الرداء بعدما لسعه البرد فى بطنه:
- أوضح لتيت امك طبعاً..بقول..كونك انك تعرف ان الطماطم فاكهة مش خضار..دى هى المعرفه..بس كونك متحطهاش مع سلظة الفواكه..دى هى الحكمة..أتمنى يكون تيت امك فهم..!
أنا مندهشا من حكمته الصفيقة:
-احمس..إنت بتشتم..مكنتش فاكر ان الحكما بيخرجوا زبالة من بقهم..وبمناسبة الزبالة.. ممكن تعرف إيه هى الزبالة الناشفة؟
هيكتور مشمئزاً:
- ده بيكون الزبالة لما بتنشف..So Obvious..!!

http://www.theemptyroom.com/Share/disgust.jpg

أنا:
-أه..عندك حق..طب ليه البطيخ ميكونش من غير بزر؟؟
هيكتور هادراً بصوت كاد يثقب الغشاء البريتونى لدى:
- قحاااا..وفين اللذة اللى هتكون ساعتها..فين البزر اللى هتفضل تقرقشه وتتفتفه من بوقك انت واخواتك..ولا تشرق بيه..وفى الاخر تلموه وتعملوه لب وتقزقزوه ف السهره وانتم بتتفرجوا على فوكس موفيز..بطلوا بطر يا جدعان..حكم البطران لما يموت بيحطوا بطنه ف برطمان..!
أنا محروجاً من حكمته:
- احرقتنى ببنزين يا سيدى..بس احمس..ليه البنزين شاحح؟؟
هيكتور باسطاً كفيه لقطه وهميه لتلعق ما بها من الفراغ!:
-وانت ليه مسئلتش نفسك.. ليه شاحح بنزين؟
أنا مرتبكاً بعدما سمعت مواء قطة بالفعل:
- احمس..ونعم الحكمة..ليه الصابونه دايما بتزفلط منى وبتقع ف البلاعة وأنا بستحمى..؟؟
كيرا ممسكاً بعنق القطه الوهميه يرغب بخنقها !:
- لانك كاورك..معندكوش بانيو ياض؟؟ دارى فقرك وعارك واستحمى ف طشت..!!
أنا مبتلعاً ريقى في رعب:
-لـيــ ..ليه لما باكل لب سوبر بلاقى أخر لباية بنت تيت ضاربه وبتمرر بقى؟؟
هيكتور ماسحا بيده بحنو بالغ على جسد القطه الوهميه !:
- من تذوق حلاوة الرشيدى الميزان..لم تؤثر على بوقه لباية ولا حبة حبهان..ولا بقاية..!
أنا وقد وقف شعر صدرى من الخوف:
-ياااع..طب ليه لما بعمل Shut Down للكومبيوتر..بكتشف انى محتاجه تانى وأضطر أعمل Restart تانى؟
هيكتور :
- عشان البور سبلاى بتاعك يضرب ومن ثم تشترى باور جديد وبهـذا تنزل تشوف الشارع بدل منت لابد قدام الشاشة ليل نهار..
أنا متذكراً ساميه:
-طب ازاى أتأكد ان المزة بتحبنى؟؟

http://www.ma7room.com/upload/uploads/08ee2a5d7c.bmp

هيكتور وهو يتناول بقصمات بيديه :
- اذا أحببت شيئ ما تيت..فإطلق سراحه..فإن عاد اليك..فهو ملكك للأبد..وإن لم يعد..
أنا بملل:
- فهو مش ملكى..عارف..
هيكتور معترضاً:
- لا يا فالح..فهو لقى حد أحسن منك ياهبل يا عبيط..
أنا بإحراج مفتعل:

- Oops..فاتتنى دى يا حاج.. طب هو لازم عشان ابقى حكيم زى جنابك أخرم نفسى زيك كده وأكبسن حلقان فى صدرى.؟!

http://poorlydressed.files.wordpress...r-yourself.jpg

هيكتور مقهقها بشده حتى كادت جدران البهو تتهاوى على شخصينا:
- هاهاها..لا طبعاً..قدامك Options كتير..ربى شنبك زى نيتشه..او جبها ع الزيرو زى الدلاى لاما.. وارزع Glasses بيضا أو سوده مش فارقه.. بهدل فى لبسك على قد ما تقدر..وإقطع كلامك كل فتره بتسهيمه بطيئة وقول للى حواليك.. معلش..كان بينزل عليا الالهام..وحط لسته بخمناشر حاجه احرم نفسك من أكلهم.. صاحب حيوانات وحشرات وحتى جماد.. متستحماش نهائى..آخيراً..قول اى كلام..وحبذا لو كان غامض..زى الجمله دى..
" لكى يصل الانسان للسمو الروحى الكتيالى..لابد من تجاوز الثقوب السوداء للحس الواعى.. والاندماج القصرى فى رحم الكون الكبير..وجعل الطاقات الفياضه تنبثق عنوة من ثنايا شخصه..حتى يصل -بعد لأى- للصيروره اللامكانيه..اللا زمانيه..اللا بشريه...فتتفجر الحكمة من داخله..كتفجر صاروخ من ابو ربع جنيه تحت الماء..فإن أحس بيها..فهو كذالك..والا..فاليسعى جاهداً لشراء شمروخ من أبو 20 جنيه..فهو عز الطلب"
أنا:
- احمس يا حكيم..وأنا إمتى هوصل للى بتحكى عنه ده..؟
هيكتور بإبتسامه كادت تصيبنى بغيبوبه دائمه من جاذبيتها:
- انت بالفعل جاهز لتلقى الحكمة من المعلم الأكبر..مانهاتن..
أنا رافعا جنب شفتى بإستنكار مرير:
- مان مين؟ أومال انت مش حكيم ولا كنت بتشتغلنى؟

http://mandofresko.com/wp-content/up...hanna-lips.jpg

هيكتور عاقداً حاجبيه خلف خلاف:
-احمس يا برو..بتشك فيا..؟! دنا اسمى على اسمك حتى..طبعاً حكيم..بس الفرق بينى وبين الحكيم الاكبر زى الفرق بين الحلاق والجراح..ودلوقتى..السؤال اللى هتعبر بيه الى حجرة الحكمه الاعلى..لو واحد كل نفسه..ياترى هيبقى حجمه الضعف ولا هيختفى م الوجود؟؟ وفكر فى تيت ام السؤال قبل ما تجاوب...
أنا وقد تخشبت ساقى من التربيعه بنت التيت دى:
-احمس ..إيه الاسئلة اللى بتروح دى.. سؤال خادع..لو كنت تقصد كل فى نفسه..يبقى عادى..هيعلى السكر عنده شويه ودمه يتحرق وبس..انما كل نفسه؟! كده من غير ما يسويها حتى..طب يستحمى قبل ما يطفح نفسه..أعتقد هيرجع من أول ربع كيلو.. والناتج هيكون..نفسه ماينس دراع او رجل..او حتى بطن..تيت ام دا سؤال...
هيكتور مصفقاً بيديه تصفيقاً كاد يفجر به بطنى بردو:
- أحييك من بطينى الايسر يا فتى..الأن..والأن فقط..لك أن تدعوا نفسك مانهاتن.. مان..هاتن..فأنت لم تعد منهم ..أنت كما يقول نيتشه..أصبحت سوبر مان..
أنا بإستعباط:
-لا والنبى...تتكلم جد يا عمو..؟؟! يعنى ممكن أطير وكده..
هيكتور مشيراً بملل للحجرة الأخرى:
-خش الروم التانيه يا بطئ..
قمت وانا مش قادر احرك رجلى من النمل اللى فيها..وفضلت امشى زى الست العجوزه اللى عندها انزلاق غضروفى ..وسيبت هيكتور يأكل كتاكيت وهميه قمح.. وفتحت الباب التانى..واندهشت..

http://www.pulsarmedia.eu/data/media..._Wallpaper.jpg

تتبع...كمان عشارتاشر سنة
:cool::cool:
بـــ،،، كى بوردى
:captain1:
http://store2.up-00.com/Dec10/wdo58333.png